2016 jylǵy 28 qańtar,Astana qalasy
Oqý jetistikterine syrttaı baǵalaý júrgizý qaǵıdalaryn bekitý týraly
«Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 12) tarmaqshasyna sáıkes buıyramyn:
1. Qosa berilip otyrǵan Oqý jetistikterine syrttaı baǵalaý júrgizý qaǵıdalary bekitilsin.
2. «Oqý jetistikterin syrttaı baǵalaý nusqaýlyǵyn bekitý týraly» Qazaqstan Respýblıkasy Bilim jáne ǵylym mınıstriniń mindetin atqarýshynyń 2012 jylǵy 6 sáýirdegi № 151 buıryǵynyń (Normatıvtik quqyqtyq aktilerdi memlekettik tirkeý tiziliminde 2012 jylǵy 11 sáýirde № 7553 bolyp tirkelgen, «Egemen Qazaqstan» 2012 jylǵy 18 sáýirdegi gazetiniń № 162-163 (27237) sanynda jarııalanǵan) kúshi joıyldy dep tanylsyn.
3. Bilim jáne ǵylym salasyndaǵy baqylaý komıteti (S.N. Núsipov) belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqtyń kóshirmesin Qazaqstan Respýblıkasy Ádilet mınıstrliginde memlekettik tirkeýden ótkennen keıin on kúntizbelik kún ishinde merzimdi baspa basylymdarynda jáne «Ádilet» aqparattyq-quqyqtyq júıesine resmı jarııalaýǵa, sondaı-aq Qazaqstan Respýblıkasynyń normatıvtik quqyqtyq aktileriniń etalondyq baqylaý bankinde ornalastyrý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy;
3) osy buıryqty Qazaqstan Respýblıkasy Bilim jáne ǵylym mınıstrliginiń ınternet-resýrsyna ornalastyrýdy;
4) Qazaqstan Respýblıkasy Ádilet mınıstrliginde memlekettik tirkeýden ótkennen keıin on jumys kún ishinde Qazaqstan Respýblıkasy Bilim jáne ǵylym mınıstrliginiń Zań departamentine osy 2-tarmaqtyń 1), 2), 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
4. Osy buıryqtyń oryndalýyn baqylaý Bilim jáne ǵylym salasyndaǵy baqylaý komıtetiniń tóraǵasy S.N. Núsipovke júktelsin.
5. Osy buıryq alǵashqy ret resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Bilim jáne ǵylym mınıstri A. SÁRINJIPOV
Qazaqstan Respýblıkasy Bilim jáne ǵylym mınıstriniń 2016 jylǵy 28 qańtardaǵy №94 buıryǵymen bekitilgen
Oqý jetistikterine syrttaı baǵalaý júrgizý qaǵıdalary
1. Jalpy erejeler
1. Osy Qaǵıdalar «Bilim týraly» 2007 jylǵy 27 shildedegi Qazaqstan Respýblıkasy Zańynyń (budan ári - Zań) 5-babynyń 12) tarmaqshasyna sáıkes ázirlendi jáne orta jáne joǵary bilim berý uıymdarynda oqý jetistikterine syrttaı baǵalaý (budan ári - OJSB) uıymdastyrý jáne júrgizý tártibin:
1) bastaýysh mektepte – oqý jetistikterin monıtorıngteý maqsatynda iriktelip;
2) negizgi mektepte – oqý jetistikterin monıtorıngteý jáne oqý prosesin uıymdastyrýdyń tıimdiligin baǵalaý maqsatynda iriktelip;
3) jalpy orta mektepte – oqý jetistikteriniń deńgeıin baǵalaý maqsatynda;
4) joǵary bilim berýde – oqytý baǵyttary boıynsha oqý baǵdarlamasyn ıgerýdi monıtorıngteý maqsatynda iriktelip aıqyndaıdy.
2. Osy qaǵıdalarda mynadaı uǵym paıdalanylady:
1) test spesıfıkasııasy – bul testtiń jalpy sıpattamasy, tapsyrmanyń sany men mazmuny, belgilengen emtıhan úshin naqty pán boıynsha testileýdiń ýaqyty sıpattalǵan qujat.
3. Qaǵıdalar menshik nysandary men vedomstvolyq baǵynystylyǵyna, úlgileri men túrlerine qaramastan orta jáne joǵary bilim berý uıymdaryna taratylady.
4. Orta jáne joǵary bilim berý uıymdaryndaǵy OJSB-nyń mindetteri:
1) bilim alýshylardyń bilim sapasynyń memlekettik jalpyǵa mindetti bilim berýdiń standarttary talaptaryna sáıkestigin aıqyndaý;
2) oqý prosesin uıymdastyrýdyń tıimdiligin baǵalaý;
3) bilim berý uıymdary kórsetetin bilim berý qyzmetiniń sapasyna salystyrmaly taldaý jasaý bolyp tabylady.
5. OJSB nátıjelerin reıtıngtik zertteýler júrgizetin uıymdar paıdalanýy múmkin jáne Qazaqstan Respýblıkasyndaǵy bilim berý júıesiniń jaǵdaıy men damýy týraly Ulttyq baıandamaǵa engiziledi.
6. Testileý oqytý tilinde ótedi.
7. OJSB júrgiziletin orta bilim berý uıymdarynyń jáne joǵary bilimdi mamandyqtardyń jáne joǵary oqý oryndarynyń (budan ári – bazalyq JOO) tizbesin Zańnyń 55-babynyń 6-tarmaǵyna sáıkes bilim berý salasyndaǵy ýákiletti organ (budan ári – ýákiletti organ) jyl saıyn aıqyndaıdy.
8. Tapsyrmalar sany men mazmuny, sondaı-aq testileýge bólinetin saǵat sany ár pán boıynsha testtiń spesıfıkasııasyna sáıkes aıqyndalady. Test spesıfıkasııasyn ýákiletti organ ázirlep bekitedi.
9. Bilim berý uıymdarynda OJSB-ny ótkizý qaǵıdalarynyń saqtalýyn baqylaýdy Qazaqstan Respýblıkasy Bilim jáne ǵylym mınıstrliginiń (budan ári - Mınıstrlik) jáne Mınıstrliktiń Bilim jáne ǵylym salasyndaǵy baqylaý komıtetiniń Bilim salasyndaǵy baqylaý departamentteriniń ýákiletti ókilderi (budan ári - BSBD) júzege asyrady.
10. Mınıstrliktiń jáne BSBD-nyń ýákiletti ókilderi:
1) OJSB-ny ótkizý jónindegi uıymdastyrý jumysyn;
2) OJSB máseleleri jónindegi bilim alýshylardyń arasynda aqparattyq-túsindirme jumysyn;
3) OJSB ótkizý kezinde metall izdegishterdi, mobıldik qurylǵylardyń dybysyn basatyn qondyrǵylardy jáne beınebaqylýyshty paıdalaný jumysyn úılestiredi.
11. OJSB ótkizý kezinde Mınıstrliktiń jáne BSBD-nyń ýákiletti ókilderi bilim alýshylarmen testileý materıaldaryn toltyrý jáne rásimdi ótkizý tártibin túsindirý jumysyn júrgizedi.
Testilenýshilerge:
1) bir orynnan ekinshi orynǵa aýysýǵa;
2) Mınıstrliktiń jáne BSBD-nyń ýákiletti ókilderiniń ruqsatynsyz testileý materıaldaryn ashýǵa;
3) testileý materıaldaryn basqa oqýshynyń materıaldarymen aıyrbastaýǵa;
4) kalkýlıatordy, anyqtamalyq ádebıetterdi (Mendeleev jáne tuzdardyń erigishtigi kestesinen basqasyn), elektrondyq jazba kitapshalaryn, túzetý suıyqtyǵyn jáne mobıldik baılanys quraldaryn paıdalanýǵa;
5) basqa bilim alýshylarmen sóılesýge jáne kóshirýge, shpargalka jáne basqa da anyqtamalyq materıaldardy qoldanýǵa;
6) Mınıstrliktiń jáne BSBD ýákiletti ókilderiniń ruqsatynsyz aýdıtorııadan shyǵýǵa ruqsat etilmeıdi.
Testileýge kirgizý barysynda bógde adamdy anyqtaǵan jaǵdaıda Mınıstrliktiń jáne BSBD-nyń ýákiletti ókilderi birlesip, bógde adamnyń qatysýymen tıisti aktini jasaıdy, bógde adam men bilim alýshynyń ózi testileýge jiberilmeıdi, nátıjeleri joıylady;
Testilenýshi osy Qaǵıdany buzǵan jaǵdaıda Mınıstrliktiń jáne BSBD-nyń ýákiletti ókili testilenýshini aýdıtorııadan shyǵarý týraly sheshim shyǵaryp, testileý nátıjelerin joıady.
12. OJSB ótkizý kezinde jergilikti atqarýshy organdar men bazalyq JOO-lardyń rektorlary:
1) OJSB máseleleri boıynsha jurtshylyq arasynda aqparattyq-túsindirme jumysyn júrgizedi;
2) medısınalyq personal jumysyn qamtamasyz etedi;
3) elektrmen jabdyqtaýdyń jáne telekommýnıkasııanyń úzdiksiz jumys isteýin uıymdastyrýdy qamtamasyz etedi;
4) kezekshiler quramyn qalyptastyrady;
5) kezekshilerdiń testileýge kelýin qamtamasyz etedi;
6) qoǵamdyq tártip kúzetin, testileýge jiberý kezinde metall izdegishterdi, uıaly telefon dybysyn basatyn qondyrǵylardy jáne beınebaqylýyshty qoldanýdy uıymdastyrady;
7) OJSB ótetin mekemeni testileý bastalǵansha jarylǵysh zattardyń bar-joǵyn anyqtaý úshin tekserýdi júzege asyrady;
8) Mınıstrlik ókilderiniń jumysy úshin jaǵdaı jasaıdy;
9) testileý bastalǵanǵa deıin sanıtarııalyq-gıgıenalyq normalardyń saqtalýyna, tyıym salynǵan zattardyń (aqparattyq jáne anyqtamalyq materıaldar, elektrondyq kitapshalar, kalkýlıatorlar, mobıldi qurylǵylar men fotoapparattar) barlyǵyna (joqtyǵyna) testileýge arnalǵan jaǵdaı jasaıdy;
Mınıstrliktiń jáne BSBD-nyń ýákiletti ókilderi birlesip múgedek bitirýshiler, damý múmkindikteri shekteýli, kórý qabileti nashar (kórmeıtin, nashar kóretin), estý qabileti nashar (estimeıtin, nashar estıtin), ózdiginen júrip-turý fýnksııasy buzylǵan múgedekter jáne qant dıabetimen aýratyn bitirýshiler úshin jeke aýdıtorııa bólý týraly sheshim qabyldaıdy.
2. Jalpy orta bilim berý uıymdarynda OJSB-ny júrgizý tártibi
13. Jalpy orta bilim berý uıymdarynda OJSB 4, 9-synyptarda júrgiziledi.
14. OJSB testilenýshiler bilim alyp jatqan bilim berý uıymdarynyń bazasynda júrgiziledi.
15. OJSB qaǵaz tasymaldaǵyshty, qazirgi zamanǵy aqparattyq tehnologııalardy qoldana otyryp keshendi testileý nysanynda júrgiziledi.
16. Jalpy orta bilim berý uıymdaryndaǵy OJSB-ny júrgizý úshin tapsyrmalar jalpy bilim beretin oqý baǵdarlamalarynyń negizinde ázirlenedi, olardyń mazmuny kórsetilgen baǵdarlamalardyń sheńberinen shyqpaýy tıis. Bilim alýshylardyń pándik bilimderi men fýnksıonaldyq saýattylyqtary: matematıkalyq saýattylyq, oqý saýattylyǵy, ǵylymı-jaratylystaný saýattylyǵy, aqparattyq-kommýnıkasııalyq saýattylyǵy baǵalanady.
17. OJSB 4-synyptarda 2 pán: matematıka jáne ádebıettik oqý boıynsha júrgiziledi.
18. OJSB 9-synyptarda qazaq tili jáne basqa jalpyǵa mindetti pánder boıynsha júrgiziledi, onyń tizbesi men sanyn jyl saıyn ýákiletti organ aıqyndaıdy.
19. OJSB 11-synyptarda Ulttyq biryńǵaı testileý túrinde 5 pán boıynsha júrgiziledi.
20. OJSB sheńberinde bilim alýshylardyń bilim sapasyna yqpal etýshi faktorlardy anyqtaý maqsatynda mektep ákimshiligi jáne muǵalimderi, oqýshylary arasynda saýalnama júrgiziledi.
21. OJSB nátıjeleri bilim berý uıymdarynyń nazaryna testileý aıaqtalǵannan keıin kúntizbelik 3 kún ishinde jetkiziledi.
22. OJSB-nyń nátıjelerin óńdeý Mınıstrliktiń «Ulttyq biryńǵaı testileý ortalyǵy» RMQK-nyń fılıaldarynda júrgiziledi.
3. Joǵary bilim berý uıymdarynda OJSB-ny júrgizý
23. Joǵary bilim berýdiń kásiptik oqý baǵdarlamalaryn iske asyratyn bilim berý uıymdarynda OJSB oqýdyń barlyq nysanyndaǵy sońǵy kýrs stýdentteri úshin júrgiziledi.
24. Joǵary bilim berý uıymdarynda OJSB ótkizý úshin mamandyqtar boıynsha úlgilik oqý josparlarynda qarastyrylǵan pánder boıynsha test tapsyrmalary paıdalanylady.
25. Joǵary bilim berý uıymdarynda OJSB 4 pán: eki - bazalyq, eki - beıindi boıynsha júrgiziledi.
26. Bilim berý uıymynyń bilim alýshysy testileýge kelgende ruqsat qaǵazy jáne jeke kýálandyratyn qujaty ózimen birge bolýy tıis.
27. OJSB testileýge jatatyn qatysýshy bilim alýshylar kontıngenti quramynyń 100 paıyz qatysýshy bolǵanda júrgiziledi.
28. OJSB qorytyndylaryn óńdeý bazalyq joǵary oqý oryndarynda júrgiziledi.
29. Joǵary bilim berý uıymdaryndaǵy OJSB nátıjeleri bilim alýshylardyń nazaryna testileý aıaqtalǵannan keıin 24 saǵat ishinde jetkiziledi.
30. OJSB qorytyndylary týraly aqparat ýákiletti organnyń ınternet-resýrsynda ornalastyrylady.
31. OJSB nátıjelerin ýákiletti organ bilim berý salasyndaǵy zańnamany qadaǵalaý barysynda júrgizilgen tekserý kezinde táýekelderdi baǵalaý júıesiniń ólshemsharty retinde paıdalanady.
Buıryq Qazaqstan Respýblıkasynyń Ádilet mınıstrliginde 2016 jylǵy 26 aqpanda Normatıvtik quqyqtyq kesimderdi memlekettik tirkeýdiń tizilimine №13287 bolyp engizildi.