2016 jylǵy 29 qańtar, Astana qalasy
Ǵylymı jáne (nemese) ǵylymı-tehnıkalyq qyzmet sýbektilerin bazalyq qarjylandyrý boıynsha bólinetin bıýdjettik baǵdarlamalardy bólý qaǵıdalaryn bekitý týraly
Qazaqstan Respýblıkasy Bıýdjet kodeksiniń 33-babynyń 3-tarmaǵyna sáıkes buıyramyn:
1. Qosa berilip otyrǵan bıýdjettik qarajatty bólý baǵdarlamasy boıynsha ǵylymı jáne (nemese) ǵylymı-tehnıkalyq qyzmet sýbektilerin bazalyq qarjylandyrý boıynsha qarajatty bólý erejeleri bekitilsin.
2. Qazaqstan Respýblıkasy Bilim jáne ǵylym mınıstrliginiń Ǵylym komıteti (S.E.Joldasbaev) zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrligine memlekettik tirkeýge engizýdi;
2) osy buıryqtyń kóshirmesin Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspa basylymdaryna jáne «Ádilet» aqparattyq-quqyqtyq júıesine resmı jarııalaýǵa, sondaı-aq ony alǵannan keıin bes jumys kúni ishinde Qazaqstan Respýblıkasynyń normatıvtik-quqyqtyq aktileriniń etalondyq baqylaý bankine ornalastyrý úshin «Qazaqstan Respýblıkasy Ádilet mınıstrligi Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy;
3) osy buıryq Qazaqstan Respýblıkasy Bilim jáne ǵylym mınıstrliginiń ınternet-resýrsyna ornalastyrýdy;
4) osy buıryqty Qazaqstan Respýblıkasy Ádilet mınıstrliginde memlekettik tirkeýden ótkennen keıin bes jumys kúni ishinde osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Bilim jáne ǵylym mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri T.O.Balyqbaevqa júktelsin.
4. Osy buıryq alǵashqy resmı jarııalanǵan kúninen keıin bes jumys kúni ótken soń qoldanysqa engiziledi.
Qazaqstan Respýblıkasynyń Bilim jáne ǵylym mınıstri A.SÁRINJIPOV
«KELISILDI»
Qazaqstan Respýblıkasy Qarjy mınıstri ____________B. Sultanov
26 aqpan 2016 jyl
Qazaqstan Respýblıkasy Bilim jáne ǵylym mınıstriniń 2016 jylǵy 29 qańtardaǵy №99 buıryǵymen bekitildi
Ǵylymı jáne (nemese) ǵylymı-tehnıkalyq qyzmet sýbektilerin bazalyq qarjylandyrý boıynsha bólinetin bıýdjettik baǵdarlamalardy bólý qaǵıdalary
1. Jalpy erejeler
1. Osy Ǵylymı jáne (nemese) ǵylymı-tehnıkalyq qyzmet sýbektilerin bazalyq qarjylandyrý boıynsha bólinetin bıýdjettik baǵdarlamalardy bólý qaǵıdalary (budan ári – Qaǵıda) Qazaqstan Respýblıkasy Bıýdjet kodeksiniń 33-babynyń 3-tarmaǵyna sáıkes ázirlengen jáne bıýdjettik baǵdarlamanyń ártúrli ákimshileriniń arasynda ǵylymı jáne (nemese) ǵylymı-tehnıkalyq qyzmet sýbektilerin bazalyq qarjylandyrý boıynsha bólinetin bıýdjettik baǵdarlamalardy bólý tártibin aıqyndaıdy.
2. Ǵylymı jáne (nemese) ǵylymı-tehnıkalyq qyzmet sýbektilerin bazalyq qarjylandyrý boıynsha qarajattar 130 «Ǵylymı jáne (nemese) ǵylymı-tehnıkalyq qyzmet sýbektilerin bazalyq qarjylandyrý» bólinetin bıýdjettik qarajatty bólý baǵdarlamasy (ári qaraı – bólinetin bıýdjettik baǵdarlama) boıynsha respýblıkalyq bıýdjette kózdeledi.
Bólinetin bıýdjettik baǵdarlamanyń ákimshisi Qazaqstan Respýblıkasy Bilim jáne ǵylym mınıstrligi (budan ári – bólinetin bıýdjettik baǵdarlamanyń ákimshisi) bolyp tabylady.
3. Ǵylymı jáne (nemese) ǵylymı-tehnıkalyq qyzmet sýbektilerin bazalyq qarjylandyrý boıynsha bólinetin bıýdjettik baǵdarlama ǵylymı ınfraqurylymdy jáne múlikti, onyń ishinde ǵımarat, jabdyq jáne materıaldardy, ákimshilik jáne qyzmet kórsetetin qyzmetkerlerdiń eńbegine aqy tóleýdi, sondaı-aq memlekettik ǵylymı uıymdardy, memlekettikpen teńestirilgen ǵylymı uıymdardy, memlekettik joǵary oqý oryndarynyń, daýys berý aksııalarynyń (jarǵy kapıtalyna qatysý úlesteri) elý jáne odan da joǵary paıyzy memleketke tıesili joǵary oqý oryndaryn, sondaı-aq daýys berý aksııalarynyń elý jáne odan da joǵary paıyzy (jarǵy kapıtalyna qatysý úlesteri) tikeleı nemese janama túrde zańdy tulǵalarǵa tıesili, daýys berý aksııalarynyń elý jáne odan da joǵary paıyzy (jarǵy kapıtalyna qatysý úlesteri) memleketke tıesili joǵary oqý oryndaryn aǵymdaǵy qamtamasyz etýge arnalǵan bazalyq qarjylandyrý normalary boıynsha jumsalatyn shyǵystardy qamtıdy.
2. Bıýdjettik baǵdarlamalardyń ártúrli ákimshileri arasynda bólinetin bıýdjettik baǵdarlamalardy bólý tártibi
4. Bólinetin bıýdjettik baǵdarlama boıynsha qarajatty bólý úshin respýblıkalyq bıýdjettik baǵdarlamalar ákimshileri bólinetin bıýdjettik baǵdarlamalardyń ákimshisine Qazaqstan Respýblıkasy Qarjy mınıstriniń 2014 jylǵy 24 qarashadaǵy № 511 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 10007 bolyp tirkelgen) Bıýdjettik ótinimdi jasaý jáne usyný qaǵıdalaryna (budan ári – Bıýdjettik ótinimdi jasaý jáne usyný qaǵıdalary) sáıkes bıýdjettik ótinim joldaıdy.
5. Bólinetin bıýdjettik baǵdarlamanyń ákimshisi Bıýdjettik ótinimdi jasaý jáne usyný qaǵıdalaryna sáıkes respýblıkalyq bıýdjettik komıssııanyń (budan ári – RBK) qaraýyna keıinnen engizý úshin bólinetin bıýdjettik baǵdarlama boıynsha jıyntyq bıýdjettik ótinimdi bıýdjettik josparlaý jónindegi ortalyq ýákiletti organǵa joldaıdy.
6. Respýblıkalyq bólinetin bıýdjettik baǵdarlamalarynyń ákimshileri arasynda bólýge bólinetin bıýdjettik baǵdarlama boıynsha respýblıkalyq bıýdjet týraly zańda kózdelgen bıýdjettik qarajattar jatady.
7. Respýblıkalyq bıýdjettik baǵdarlamalardyń ákimshileri arasynda bólinetin bıýdjettik baǵdarlamalardyń qarajattaryn bólý bólinetin bıýdjettik baǵdarlama ákimshisiniń buıryǵy (budan ári – buıryq) negizinde RBK-nyń qorytyndysyn eskere otyryp júzege asyrylady.
8. Buıryqta respýblıkalyq bıýdjettik baǵdarlama ákimshileriniń ataýlary jáne aǵymdaǵy qarjy jylyna bólingen qarjylandyrý somalary kórsetiledi.
9. Buıryq Respýblıkalyq bıýdjet týraly zańǵa qol qoıǵan kúnnen bastap 15 jumys kúni ishinde ázirlenedi.
10. Respýblıkalyq bıýdjetti naqtylaý kezinde bólinetin bıýdjettik baǵdarlama boıynsha qarjylandyrý kólemderi ózgergen jaǵdaıda Buıryqqa tıisti ózgerister engiziledi.
11. Ǵylymı jáne (nemese) ǵylymı-tehnıkalyq qyzmet sýbektilerin bazalyq qarjylandyrý boıynsha qarajat qarjylyq jyl ishinde paıdalanylmaǵan nemese jartylaı ıgerilmegen jaǵdaıda respýblıkalyq bıýdjettik baǵdarlama ákimshileri Bıýdjettik ótinimdi jasaý jáne usyný qaǵıdalaryna sáıkes respýblıkalyq bıýdjet sońǵy ret naqtylaǵanǵa deıin bólinetin bıýdjettik baǵdarlamanyń ákimshisine bıýdjettik ótinim joldaıdy.
12. Bıýdjet shyǵyndaryna sekvestr jasaý kezinde bıýdjettik baǵdarlama qarajatyn qysqartý respýblıkalyq bıýdjettik baǵdarlama ákimshileriniń bıýdjettik baǵdarlamalary boıynsha júzege asyrylady.
13. Bólinetin bıýdjettik baǵdarlamanyń tikeleı nátıjeleri bólinetin bıýdjettik baǵdarlamanyń esebinen qarajat alǵan respýblıkalyq bıýdjettik baǵdarlama ákimshisiniń bıýdjettik baǵdarlamasynda kórsetiledi.
14. Bólinetin bıýdjettik baǵdarlamanyń túpkilikti nátıjeleri bólinetin bıýdjettik baǵdarlamasy ákimshisiniń bıýdjettik baǵdarlamasynda kórinis tabady.
Buıryq Qazaqstan Respýblıkasynyń Ádilet mınıstrliginde 2016 jylǵy 5 naýryzda Normatıvtik quqyqtyq kesimderdi memlekettik tirkeýdiń tizilimine №13398 bolyp engizildi.