Ataqty prodıýser, rejısser jáne antropolog Naıobı Tompsonnyń jetekshiligimen Clearwater Documentary (Kanada) televızııalyq kompanııasy Botaı mádenıeti týraly derekti fılm túsiredi.
Túsirilim Danııa men Ulybrıtanııa ýnıversıtetteriniń arheolog-ǵalymdary men genetıkterinen jasaqtalǵan komandanyń qatysýymen Soltústik Qazaqstan oblysynyń Aıyrtaý aýdanynda ornalasqan Botaı arheologııalyq qazbalar mańynda júrgiziledi. Joba Qazaq geografııalyq qoǵamynyń qoldaýymen uıymdastyrylyp otyr.
Ǵylymı-zertteýlerge súıensek, Botaı mádenıeti – dala órkenıetiniń qaınar kózi. Eýrazııa qurlyǵynda attyń qolǵa úıretilgen kezi de osy Botaı mádenıetiniń ýaqyty. Ǵalymdardyń paıymdaýynsha, qazirgi Qazaqstannyń jerinde attar qolǵa úıretilip, keıin búkil jer júzine taraǵan.
Botaı eskertkishi Iman-Burlyq ózeniniń jaǵasynda ornalasqan. Ol IýNESKO-nyń qorǵaýyna alynǵan.
Dastan KENJALIN,
«Egemen Qazaqstan»