Otandyq ónim ozyq dep tanyldy

Qazaqstan búginde óz ónim­derimen elimizdi qamtama­syz etýmen qatar, syrtqa eks­porttaýmen de aınalysyp keledi. Máselen, elimizde qus etin óndiretin fabrıka óz ónimderin talapqa saı óndirýde. Búgingi kúnde qus etin óndirip otyrǵan 6-7 kásiporyn bolsa,  kúrketaýyq ósirýmen ázirge bir sharýashylyq qana aınalysýda. 2010 jyly jumysyn bastaǵan «Ordabasy Qus» fabrıkasy  bıyl TMD elderiniń arasynda úzdik dep tanylyp otyr. Elimizde kúrketaýyq etine degen suranys ta artqan. Kúnine 350-400 qus bordaqylanyp, ónim beredi. «Biz úshin sapa basty másele qustardyń jem-shóbine basa mán beremiz, ol úshin  ózimizde óndirilgen bıdaı ónimderin, júgeri dánderin, soıa, pisteni paıdalaný arqyly sapaly ónim daıyndap otyr­myz, deıdi, kásiporyn basshysy Murat  Taǵaev.  Bıylǵy jyly 10 jarym myń tonna ónim alýdy josparlaǵan kásiporyn 2020 jylǵa deıin ónimdi eki esege deıin arttyrýdy kózdep otyr. Shetelde et óndirýde ettiń kólemin ulǵaıtý úshin túrli qospalar qosyp jasalynady, bul adam aǵzasyna óte zııan. Syrt­tan kelgen sapasyz taýarlardyń syn kótermeıtinin eskersek,  ha­lyqtyń densaýlyǵyna paıdaly tabıǵı óz  ónimimiz alǵa shyǵary sózsiz. Kúrketaýyq etiniń quramyn­da aqýyz ben fosfordyń kóp mólsherde bolýyna baılanysty dıetalyq taǵam túri bolyp tabylady. Natrıı, kalııge baı kúrketaýyq etiniń  qan aınaly­myn jaqsartatyn da qasıeti bar.  Osyndaı emdik qasıeti bar, tabysy mol ónimdi alý úshin zaýyt­ta ızraıldik tehnologııa­men jabdyq­talǵan avtomatty júıe­ler iske qosylǵan.  Búginde kásip ashamyn degen ár azamatqa Úkimet qoldaý kórsetip, sýbsıdııa berip,  qarjylyq kómek alýǵa tómen paıyzdy nesıe de usynyp otyr. Osy oraıda, Elbasynyń shaǵyn jáne orta kásipkerlikti damytýǵa barynsha jaǵdaı ja­sap otyrǵany «100 naqty qadam» Ult Josparynda da naqty kóri­nis tapqan bolatyn.  Shaǵyn jáne orta kásipkerlik úshin ákimshilik kedergiler joıylýda, memlekettik basqarý, bilim berý men densaýlyq saqtaý salasy jetildirilýde. Osy sharalardyń bári de memleketke, qoǵamǵa, biz­diń ekonomıkamyzǵa qosymsha tózimdilik beredi. – Memleket sizderdiń bız­nes­terińizdi damytyp, aıaqqa nyq turýlaryńyzǵa barlyq jaǵ­daı­dy jasady. Qýatty el bolý – básekege qabiletti bolý degen sóz. «Qazaqstanda jasalǵan» árbir buıymda tórt qasıet – sapaly, yńǵaıly, ádemi jáne arzan bolýy kerek. Sonda ǵana isimiz ónimdi, zatymyz ótimdi bolady, – dep atap kórsetken bolatyn Elbasy N.Nazarbaev. Aıman MUQYShEVA