«Qazgıdromet» RMK-nyń habarlaýynsha, elimizdiń batysy men soltústiginde atmosferalyq aǵyndardyń ótýimen ótkinshi jańbyr jaýyp, naızaǵaı oınaıdy. Al respýblıkanyń qalǵan aımaqtarynda kún raıy ashyq bolady.
Sınoptıkterdiń aıtýynsha, keı jerlerde jel kúsheıedi, ońtústikte shańdy daýyl kóteriledi.
Kúndiz Jambyl men Qyzylorda oblystarynyń keıbir aýmaqtarynda shańdy daýyl bolyp, jeldiń jyldamdyǵy 15-20 m/s quraıdy. Sonymen qatar, Ońtústik Qazaqstan, Batys Qazaqstan, Qostanaı oblystarynda jel 15-20 m/s deıin kúsheıedi.
Shyǵys Qazaqstan oblysynda túnde jáne tańerteń tuman túsedi. Kúndiz Atyraý, Batys Qazaqstan, Aqtóbe oblystarynda, Ońtústik Qazaqstan, Mańǵystaý, Qostanaı oblystarynyń keı jerlerinde aptap ystyq bolady.
Qyzylorda, Ońtústik Qazaqstan, Jambyl oblystarynda tótenshe órt qaýpi saqtalady.
Talǵat RAIYMBEK