Ciz ne deısiz?

AÝYZ SÝ TAPShYLYǴY JOIYLA MA? Oblys turǵyndaryn aýyz sýmen qamtý jó­ninde biraz jumystar at­­qa­ry­lyp jatqany­men, óńirde oǵan shólirkep otyr­ǵandar qatary azaıar emes. «Egemen Qazaqstan» gazetiniń Batys Qazaqstan oblysy boıynsha tilshisi Temir Qusaıyn Batys Qazaqstan oblystyq qurylys basqarmasynyń bastyǵy Qýanysh Muhambetqalıulyna: – Siz buǵan ne deısiz? – Aımaqtaǵy aýyz sý tap­shylyǵy bıyl tolyq­taı joıylady dep aıtsaq, ar­tyq aıtqandyq bolar. De­genmen, bıyl bul má­selede úlken ister men jobalar qolǵa alyn­baq. Atap aıt­qanda, «Taza sý», «Aq­bulaq» baǵdarla­ma­la­ry boıynsha bıyl ob­lystyń on aýda­nyn­da sýmen qam­týdyń on bes nysany salynyp paıda­la­nýǵa beriledi. Aýyl-aımaq­ty taza sýmen qamtý jumys­ta­ry­na respýblıkalyq bıýdjetten 1 mlrd. 644 mln. teńge bólindi. Elbasy bıylǵy ha­lyqqa Joldaýynda «Qa­zaq­stan­dyq­tardy sapaly aýyz sýmen qamtamasyz etý máse­leleri – halyqtyń densaý­ly­ǵyn jaqsartýdyń asa ma­ńyzdy mindeti, son­dyqtan bul bizdiń basym­dyǵymyz, – dep atap kór­setti. Aqjaıyq aýdanynyń Mer­gen, Esensaı, Býdarın aýyldarynyń 4469 turǵy­ny taza sý ishýge múmkin­dik alady. Atalǵan aýyl­darǵa 49 shaqyrymdyq sý qubyry tartylady. Al Bókeı orda­synyń Saral­jyn aýylynda ótken jy­ly bastalǵan sý ny­sa­ny­nyń qurylysy bıyl aıaq­talady. Onda 28 shaqy­rym­dyq sý qubyry tarty­lyp, 1462 turǵyn aýyz sýmen qamtylady. Bórli aýda­nynyń Prıýral, Jarsýat, Jańaqala aýdanynyń Jańa­qala aýyly, Jáni­bektiń Jaq­sybaı, Zele­nov­tyń Pogadaev, Qazta­lov­tyń Qara­oba jáne Jul­dyz, Qara­tó­be­niń Han­kól, Tasqalanyń Tas­qala, Oıan, Terektiniń Shaǵa­taı aýyl­daryna taza sý barady. Sonymen qatar, bıyl 14 sý nysanynyń joba­lyq-smeta­lyq qujattama­syn daı­yndaý josparlan­ǵan. Oral.