Qytaıdyń Shaldýn provınsııasynda ótken arnaıy festıvalda 1007 robot bir mezgilde birdeı bı bılep, Gınnestiń rekordtar kitabyna endi.
Robottar bıi jalǵyz mobıldi qurylǵy arqyly basqarylǵan. Zamanaýı áýen qosylǵannan keıin jansyz temirler bir mınýt bılep, adamdardyń bári birdeı jasaı almaıtyn kúrdeli qımyldardy jasapty.
– Áýenniń yrǵaǵynan jańylyp basqa robottardyń qımylyna ilese almaı qalǵandary, tipti, alańda qulap qalǵan robottar da boldy. Rekord ádiletti bolýy úshin olardy sanaqtan syzyp tastaýǵa týra keldi. Áıtpese, kórsetkish budan da jaqsyraq bolar edi, – deıdi sharany uıymdastyrýshylar.
Bıleıtin robottardyń buǵan deıingi rekordy da Qytaıda tirkelgenin aıta ketý kerek. Byltyr dál osy provınsııada ótken festıvalda 540 robot bılegen. Alaıda, ol robottar basqa kompanııaǵa tıesili eken. Iаǵnı, bıyl myńnan astam robotty bıletken kompanııa bolsa óziniń robot tehnologııasy naryǵyndaǵy básekelesinen ese qaıtarypty.
Arnur ASQAR,
«Egemen Qazaqstan»