«Nurly kóshtiń» aýyldary

Elbasy Nursultan Nazarbaev respýblıka halqymen dástúrli tikeleı suhbat barysynda elge oralǵan qandastarymyz, olarǵa jasalyp jatqan qamqorlyq jóninde aıta kelip, birqatar oblystarda boı kótergen jańa aýyldar týraly aıtqan edi. Sondaı eldi mekenderdiń biri oblys ortalyǵynyń irgesinde boı kóterip, tirshilik tamyzdyǵyn mazdatyp otyr. «Elge el qosylsa – qut» deıdi halqy­myz. Qazaqstan táýel­sizdiginiń basty qundylyǵy da osynda. Kók baı­raǵy­myz jel­biregen alǵashqy kúnnen bastap talaı­ly taǵdyr jetegindegi qan­das­tarymyz tarıhı Otanyna orala bastaǵany ǵanıbet. Qazir olar oblysta toǵyz myń otba­syna taıap qaldy. Uly kósh áli de jalǵasýda. Olarmen birge jańa lep, jańa rýh kelgenin kórip te júrmiz. Bir ǵana mysal aıtsaq, Zerendi aýda­nyn­daǵy Vodo­pıanov selosyna sho­ǵyr­­lan­ǵan baýyrlarymyz aýylǵa Aqa­dyr degen ádemi at berip, ózderi de ádemi tirshilik keship jatyr. Qazir Aqa­dyr oblystaǵy úlgili eldi mekenderdiń qatarynda. Sondaı-aq, eseli eńbegimen, kórgendi tálimimen el abyroıyn asyryp júrgen qandastarymyz da kóp. Olardyń qataryna Kók­shetaý memlekettik ýnıver­sı­tetin­de qyzmet atqaratyn aýyl sharýa­shylyǵy ǵylymdarynyń dok­tory Ábiljan Qusaıynovty, Janaı­dar Mýsın atyndaǵy Qazaq p­eda­gogıkalyq kolledji­niń oqy­týshysy, sazger Qur­met Sahaıdy, medısına ǵylym­dary­nyń kan­dı­daty, qalalyq em­hananyń dárigeri Aıgúlim Temirova jáne basqalardy qosýǵa bolady. Elbasymyz Nursultan Nazar­baev uly kóshke qatysty qam­qorlyq sheń­berin keńeıte túsýdi tapsyrsa, onyń ıgi nátıjeleri qazirdiń ózinde kórinis berýde. Qutty qadamnyń úlgisi retinde Kók­shetaýdyń irgesinde zama­naýı tutas aýyldyń boı kótergenin aıtýǵa bolady. Qazir­gi kúni eńsesi bıik eldi meken­ge aınalǵan aýyldyń alǵash­qy 30 otbasyna páter kilt­­terin tapsyrý saltanatyna qa­tys­­qany­myz bar. Oǵan Qyrǵyz­stan, О́zbekstan, Reseı, Qytaı, Moń­ǵolııa, Tájikstan men Túrki­men­stannan oralǵan qandas­tary­­myz qonystandy. Qýanysh ıe­leri atynan Qytaıdan oral­ǵan baýyrymyz Turdybek Sul­tan al­ǵys sezimderin jetkiz­di. Sal­tanat sońy shashý joralǵy­sym­en, konserttik baǵdarlamamen jal­ǵasqan edi. Kóksheniń búgingi qonaqtary aýyldy alaqaı kóńilmen aralap júretininiń talaı márte kýási boldyq. Arqanyń keń qoltyǵyna qonaqtaǵan aq shaǵala qonys bes-aq aıda boı kóterdi degenge súısine ári tańdana qol soǵady halyq. Memleket basshysynyń bastamasymen ómirge kelgen «Nurly kósh» baǵdarlama­synyń áleýeti osynaý eldi mekenniń sal­tanatynan kórinis beredi. Jalpy aýmaǵy 20,7 myń sharshy metrdi alyp jatqan 138 eki páterli úıde qandas­tarymyzdyń 276 otbasy tútin tútetýde. Jańa páter­ler jaryq pen sý, jylý júıe­lerimen qamtylǵan. Ystyq sý «Arıston» túrindegi ıtalııalyq qon­dyrǵynyń kúshimen beriledi. «Biz muny atalyq qamqorlyq dep bilemiz, – deıdi Tashkent qala­­sy­nan kelgen qaryndasymyz Dámı­ra Jahanova. – Kúıeýimiz ekeý­miz jumysqa ornalastyq. Keń­sa­raı­daı (75 sharshy metr) úı bó­lin­genine qýanyshtymyz. Al­dyn­­da ýáde etilgenindeı, «Nurly kósh­ke» avtobýs qatynap, áleý­met­tik ny­san­dar kezegimen kóbeıip keledi». Baqbergen AMALBEK, «Egemen Qazaqstan» Aqmola oblysy