2015 jylǵy 17 qarasha, Astana qalasy
Qazaqstan Respýblıkasy Qarjy Mınıstriniń keıbir buıryqtaryna ózgerister engizý týraly
buıyramyn:
1. Qazaqstan Respýblıkasy Qarjy Mınıstriniń keıbir buıryqtaryna mynadaı ózgerister engizilsin:
1) «Qazaqstan Respýblıkasynyń Biryńǵaı bıýdjettik synyptamasyn jasaý qaǵıdalaryn bekitý týraly» Qazaqstan Respýblıkasy Qarjy Mınıstriniń 2014 jylǵy 14 qarashadaǵy № 494 buıryǵynda (Normatıvtik quqyqtyq aktilerdi memlekettik tirkeý tiziliminde № 9892 bolyp tirkelgen, «Kazahstanskaıa pravda» gazetinde 2015 jylǵy 19 mamyrda № 91 (27967); jarııalanǵan):
kórsetilgen buıryqpen bekitilgen Qazaqstan Respýblıkasynyń Biryńǵaı bıýdjettik synyptamasyn jasaý qaǵıdalarynda:
11-tarmaq mynadaı redaksııada jazylsyn:
«11. Strategııalyq jospar ázirleıtin respýblıkalyq bıýdjettik baǵdarlamalar ákimshisiniń bıýdjettik baǵdarlamasy strategııalyq josparda aıqyndalǵan maqsattarmen ózara baılanysqan respýblıkalyq bıýdjet shyǵystarynyń baǵytyn aıqyndaıdy.
Strategııalyq jospar ázirlemeıtin respýblıkalyq bıýdjettik baǵdarlamalar ákimshisiniń bıýdjettik baǵdarlamasy memlekettik organ týraly erejede aıqyndalǵan ókilettiktermen ózara baılanysqan respýblıkalyq bıýdjet shyǵystarynyń baǵytyn aıqyndaıdy.
Jergilikti bıýdjettik baǵdarlamalar ákimshisiniń bıýdjettik baǵdarlamasy tıisti aýmaqty damytý baǵdarlamasynda aıqyndalǵan maqsattarmen, nysanaly ındıkatorlarmen ne memlekettik organ týraly erejede aıqyndalǵan ókilettiktermen ózara baılanysqan jergilikti bıýdjet shyǵystarynyń baǵytyn aıqyndaıdy.
Bıýdjettik baǵdarlama synyptamalyq kody 3 belgiden turady.»;
13-tarmaqty mynadaı redaksııada jazylsyn:
«13. Bıýdjettik kishi baǵdarlama strategııalyq jospardyń, aýmaqty damytý baǵdarlamasynyń maqsatyna jáne (nemese) bıýdjettik baǵdarlamanyń túpkilikti nátıjesine qol jetkizýge baǵyttalǵan bıýdjet qarajatyn jumsaýdyń naqty baǵyttaryn ashady jáne bıýdjettik baǵdarlama sııaqty ol da sol fýnksıonaldyq topta, fýnksıonaldyq kishi topta bekitiledi.
Ártúrli kózder esebinen qarjylandyrylatyn bıýdjettik baǵdarlamalar úshin bıýdjettik kishi baǵdarlama qarjylandyrý kózderiniń árqaısysy úshin bólinedi.
Bıýdjettik kishi baǵdarlamalardyń 001-den 999-ǵa deıingi synyptamalyq kody bolady. Birneshe ákimshilerge bekitilgen attas bıýdjettik kishi baǵdarlamalar 001-den 099 aralyǵyndaǵy kodtar boıynsha jikteledi.
Eger baǵdarlama kishi baǵdarlamalarǵa bólinbese, olardyń ornyna 000 synyptamalyq kody kórsetiledi..»;
15-tarmaqtyń 1) tarmaqshasy mynadaı redaksııada jazylsyn:
«1) mazmunyna baılanysty mynalarǵa:
memlekettik fýnksııalardy, ókilettikterdi júzege asyrý jáne olardan týyndaıtyn memlekettik qyzmetterdi kórsetý;
transfertter men bıýdjettik sýbsıdııalar berý;
bıýdjettik kredıtterdi berý;
bıýdjettik ınvestısııalardy júzege asyrý;
kúrdeli shyǵystardy júzege asyrý;
memleket mindettemelerin oryndaý;
nysanaly salym salý;
nysanaly aýdarym.
Strategııalyq jospardyń nemese aýmaqty damytý baǵdarlamasynyń maqsatyna, biryńǵaı túpkilikti nátıjege qol jetkizý úshin memlekettik fýnksııalardy, ókilettikterdi júzege asyrý jáne olardan týyndaıtyn memlekettik qyzmetterdi kórsetý, kúrdeli shyǵystardy júzege asyrý, bıýdjettik ınvestısııalyq jobalardy iske asyrý arqyly bıýdjettik ınvestısııalardy júzege asyrý, transfertter men bıýdjettik sýbsıdııalar berý boıynsha shyǵyndar, kórsetilgen shyǵyndardy jekelegen kishi baǵdarlamalarǵa bóle otyryp, bir bıýdjettik baǵdarlamaǵa biriktirilýi múmkin;
22-tarmaq mynadaı redaksııada jazylsyn:
«22. Memlekettik basqarý organdarynyń Bıýdjettik synyptamaǵa ózgerister men (nemese) tolyqtyrýlar engizý jónindegi normatıvtik negizdelgen tıisti usynystary bıýdjetti josparlaý prosesinde, sondaı-aq Bıýdjettik synyptamaǵa ózgerister men (nemese) tolyqtyrýlar engizýdi boljaıtyn normatıvtik quqyqtyq akt qabyldanǵan jaǵdaıda bıýdjetti atqarý barysynda bıýdjettik josparlaý jónindegi ortalyq ýákiletti organǵa engiziledi.»;
2) «Bıýdjettik ótinimdi jasaý jáne usyný qaǵıdalaryn bekitý týraly» Qazaqstan Respýblıkasy Qarjy Mınıstriniń 2014 jylǵy 24 qarashadaǵy №511 buıryǵynda (Normatıvtik quqyqtyq aktilerdi memlekettik tirkeý tiziliminde № 10007 bolyp tirkelgen, Ádilet aqparattyq-quqyqtyq júıesinde 2015 jylǵy 20 qańtarda jarııalanǵan):
kórsetilgen buıryqpen bekitilgen Bıýdjettik ótinimdi jasaý jáne usyný qaǵıdalarynda:
41-tarmaq mynadaı redaksııada jazylsyn:
«41. Shyǵystardyń ekonomıkalyq synyptamasynyń 133, 155, 156, 163, 164, 165, 166, 167, 169, 211, 212, 221, 322, 323, 331, 332, 339, 341, 359, 411, 412, 417, 418, 419, 421, 422, 423, 429, 431, 432, 433, 434, 435, 436, 441, 451, 511, 512, 513, 514, 519, 521, 531, 541, 611, 612, 621, 711, 712, 713, 714, 715, 721 jáne 722 erekshelikteri boıynsha josparlanatyn shyǵys túrleri boıynsha esepter erkin nysanda jasalady.
421, 435 jáne 423 erekshelikter boıynsha mindetti tártipte esepteýlerdi usyný kezinde memlekettik mekemeler jobalaý-smetalyq qujattamaǵa jáne jumystardyń (qyzmetterdiń) qunyn negizdeıtin qujattarǵa memlekettik saraptamanyń nemese keshendi vedomstvodan tys saraptamanyń qorytyndysyn usynady, al qorlardy satyp alýǵa arnalǵan esepteýlerge aǵymdaǵy jylǵy 1 qańtardaǵy jaǵdaı boıynsha memlekettik mekemeniń teńgeriminde turǵan qorlardyń is júzindegi qaldyqtarynyń bolýy týraly aqparatty jáne aǵymdaǵy jyldyń josparyn usynady.
Máslıhat depýtattaryna olardyń negizgi jumys orny boıynsha ortasha jalaqyny óteý jónindegi shyǵystardy esepteý «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Qazaqstan Respýblıkasynyń 2001 jylǵy 23 qańtardaǵy Zańynyń 22-babyna sáıkes, osy qyzmette bir jylǵa deıingi jumys ótili bar tıisti ákimshilik-aýmaqtyq birlik ákimi apparaty basshysynyń jalaqysynan aspaıtyn mólsherde júzege asyrylady. Esepteýge jumys berýshilerdiń Memlekettik áleýmettik saqtandyrý qoryna áleýmettik salyq pen áleýmettik aýdarymdar boıynsha jarnalary kiredi.
«Qazaqstan Respýblıkasy Prezıdentiniń «Bolashaq» halyqaralyq stıpendııasyn taǵaıyndaý úshin úmitkerlerdi irikteý erejesin bekitý týraly» Qazaqstan Respýblıkasy Úkimetiniń 2008 jylǵy 11 maýsymdaǵy № 573 qaýlysyna sáıkes 164 erekshelik boıynsha esepteýdi usynǵan kezde sheteldik joǵary oqý oryndary (álemniń ǵylymı ortalyqtary men zerthanalary) men shetelde kadrlardy daıarlaý, qaıta daıarlaý jáne biliktiligin arttyrý halyqaralyq baǵdarlamalaryn iske asyrý jónindegi qyzmetterdi, Qazaqstan Respýblıkasy Prezıdentiniń «Bolashaq» halyqaralyq stıpendııasyn berýshi bolyp Qazaqstan Respýblıkasynyń Úkimeti anyqtaǵan zańdy tulǵa arasynda jasalǵan sharttyń kóshirmeleri usynylady.
О́kildik shyǵyndarǵa shyǵystardy josparlaý kezinde Normatıvtik quqyqtyq aktilerdi memlekettik tirkeý tiziliminde № 9934 bolyp tirkelgen «Bıýdjettiń atqarylýy jáne oǵan kassalyq qyzmet kórsetý erejesin bekitý týraly» Qazaqstan Respýblıkasy Qarjy mınıstriniń 2014 jylǵy 4 jeltoqsandaǵy №540 buıryǵymen bekitilgen ókildik shyǵyndar normalary qoldanylady.»;
60-tarmaqty mynadaı redaksııada jazylsyn:
«60. Túsindirme jazba erkin nysanda jasalady, ondaǵy aqparat qysqasha jazylady.
Bıýdjet kodeksiniń 67-babyna sáıkes bıýdjettik ótinimge túsindirme jazba:
esepti qarjy jylyndaǵy qol jetkizilgen nátıjeler kórsetkishteriniń qysqasha sıpattamasyn;
oryn alyp otyrǵan problemalardyń aǵymdaǵy jaı-kúıiniń qysqasha sıpattamasyn;
jaǵdaıdy jaqsartý jáne problemalardy sheshý, memlekettik organnyń strategııalyq josparynyń jobasynda aıqyndalǵan maqsattarǵa jáne josparlanǵan nysanaly ındıkatorlarǵa qol jetkizý joldarynyń sıpattamasyn;
jaǵdaıdy jaqsartý jáne problemalardy sheshý, aýmaqtyq damytý baǵdarlamasynda aıqyndalǵan maqsattarǵa jáne josparlanǵan nysanaly ındıkatorlarǵa qol jetkizý joldarynyń sıpattamasyn;
bıýdjettik baǵdarlamalardyń maqsattary men bıýdjettik baǵdarlamalardyń josparlanǵan túpkilikti nátıjeleriniń sıpattamasyn;
bıýdjettik baǵdarlamalar men bıýdjettik kishi baǵdarlamalar bólinisinde bıýdjet qarajatyn jumsaý baǵyttaryn naqtylaıtyn aqparatty, bıýdjettik baǵdarlamalardyń tikeleı nátıjeleriniń sıpattamasyn qamtıdy.»;
66-tarmaq mynadaı redaksııada jazylsyn:
«66. Bıýdjettik josparlaý jónindegi ortalyq ýákiletti organ nemese memlekettik josparlaý jónindegi jergilikti ýákiletti organ bıýdjettik ótinimderdi jasalýy jáne usynylýy Qazaqstan Respýblıkasynyń bıýdjettik zańnamalaryna sáıkes kelmegen kezde olardy bıýdjettik baǵdarlamalardyń ákimshilerine qaramastan qaıtarýǵa mindetti.»;
69, 70 jáne 71-tarmaqtar mynadaı redaksııada jazylsyn:
«69. Bıýdjettik kodeksiniń 68 babyna sáıkes Memlekettik josparlaý jónindegi ortalyq ýákiletti organ jetekshilik etetin saladaǵy (aıadaǵy) maqsattarǵa qol jetkizý jáne olardy iske asyrý jónindegi memlekettik organ qyzmetiniń tıimdiligin baǵalaý nátıjelerin eskere otyryp:
1) strategııalyq josparlardyń jobalaryn nemese strategııalyq josparlarǵa ózgerister men tolyqtyrýlardyń jobalaryn olardyń strategııalyq jáne baǵdarlamalyq qujattarǵa, eldiń áleýmettik-ekonomıkalyq damý boljamyna sáıkestigi, nysanaly ındıkatorlardy tańdaýdyń jáne olarǵa qol jetkizý dárejeleriniń durystyǵy turǵysynan;
2) nátıjeler kórsetkishterin tańdaýdyń durystyǵy, bıýdjettik baǵdarlamalardyń nátıjeler kórsetkishteriniń strategııalyq jospardyń nysanaly ındıkatorlarymen ózara baılanysynyń bolýy, nátıjeler kórsetkishterine qol jetkizýshilik dárejesi turǵysynan bıýdjettik baǵdarlamalar jobalaryn qaraıdy.
70. Bıýdjettik josparlaý jónindegi ortalyq ýákiletti organ esepti qarjy jylyndaǵy bıýdjettiń atqarylýyn taldaý nátıjelerin, sondaı-aq bıýdjet qarajatyn basqarý jónindegi memlekettik organ qyzmetiniń tıimdiligin baǵalaý nátıjelerin eskere otyryp:
1) bıýdjettik baǵdarlamalar ákimshileriniń bıýdjettik ótinimderin olardyń Qazaqstan Respýblıkasynyń bıýdjet jáne ózge de zańnamasyna, áleýmettik-ekonomıkalyq damý boljamyna, qoldanystaǵy zattaı normalarǵa jáne strategııalyq josparlardyń jobalaryna nemese strategııalyq josparlarǵa ózgerister men tolyqtyrýlardyń jobalaryna jáne bıýdjettik baǵdarlamalar jobalaryna sáıkes kelýi turǵysynan qaraıdy, bul rette bıýdjettik ótinimderdi qaraý kezinde árbir bıýdjettik baǵdarlama boıynsha shyǵystar túrleri boıynsha esepteý kezinde baǵdar retinde, sondaı-aq, Qazaqstan Respýblıkasynyń memlekettik satyp alý týraly zańnamasynda taýarlarǵa, jumystarǵa, kórsetiletin qyzmetterge belgilengen baǵalar derekqory paıdalanylady. Bul rette, bir dana qarastyrylǵan taýarlarǵa, jumystarǵa, kórsetiletin qyzmetterge naqtyly ortasha baǵany asyp túspeıtyn baǵalar derekqorynda baǵaǵa baǵdarlanǵan. Baǵalar derekqorynda joq bolǵan jaǵdaıda, josparlanǵan shyǵystardy negizdeıtin qujattar (sharttardyń kóshirmeleri, praıs-paraqtar) paıdalanylady;
2) strategııalyq josparlar ázirleıtin bıýdjettik baǵdarlamalar ákimshileriniń bıýdjettik baǵdarlamalary jobalarynyń kórsetkishterin olardyń strategııalyq josparynyń maqsattarymen jáne nysanaly ındıkatorlarymen ózara baılanysy turǵysynan qaraıdy;
3) strategııalyq josparlar ázirlemeıtin bıýdjettik baǵdarlamalar ákimshileriniń bıýdjettik baǵdarlamalary jobalarynyń kórsetkishterin bıýdjettik baǵdarlamalar ákimshisiniń fýnksııalaryna, ókilettikterine, qyzmetiniń baǵyttaryna sáıkes kelýi turǵysynan qaraıdy.
71. Memlekettik josparlaý jónindegi jergilikti ýákiletti organ esepti qarjy jylyndaǵy bıýdjettiń atqarylýyn taldaýdyń jáne bıýdjet qarajatyn basqarý jónindegi memlekettik organ qyzmetiniń tıimdiligin baǵalaýdyń nátıjelerin eskere otyryp:
1) bıýdjettik baǵdarlamalar ákimshileriniń bıýdjettik ótinimderin olardyń Qazaqstan Respýblıkasynyń bıýdjet jáne ózge de zańnamasyna, oblystyń, respýblıkalyq mańyzy bar qalanyń, astananyń áleýmettik-ekonomıkalyq damý boljamyna, aýmaqtardy damytý baǵdarlamalarynyń nysanaly ındıkatorlaryna, bıýdjettik baǵdarlamalar jobalaryna jáne qoldanystaǵy zattaı normalarǵa sáıkes kelýi turǵysynan qaraıdy, bul rette bıýdjettik ótinimderdi qaraý kezinde, sondaı-aq árbir bıýdjettik baǵdarlama boıynsha shyǵystar túrleri boıynsha esepteý kezinde baǵdar retinde Qazaqstan Respýblıkasynyń memlekettik satyp alý týraly zańnamasynda taýarlarǵa, jumystarǵa, kórsetiletin qyzmetterge belgilengen baǵalar derekqory paıdalanylady. Bul rette, bir dana qarastyrylǵan taýarlarǵa, jumystarǵa, kórsetiletin qyzmetterge naqtyly ortasha baǵany asyp túspeıtin baǵalar derekqorynda baǵaǵa baǵdarlanǵan. Baǵalar derekqorynda joq bolǵan jaǵdaıda, josparlanǵan shyǵystardy negizdeıtin qujattar (sharttardyń kóshirmeleri, praıs-paraqtar) paıdalanylady;
2) bıýdjettik baǵdarlamalar ákimshileriniń bıýdjettik baǵdarlamalarynyń jobalary nátıjeler kórsetkishterin tańdaýdyń durystyǵy, nátıjeler kórsetkishteriniń aýmaqtardy damytý baǵdarlamalarynyń nysanaly ındıkatorlarymen ózara baılanystylyǵy, nátıjeler kórsetkishterine qol jetimdilik dárejesi turǵysynan, sondaı-aq olardyń bıýdjettik baǵdarlamalar ákimshisiniń fýnksııalaryna, ókilettikterine, qyzmetiniń baǵyttaryna sáıkestigi turǵysynan qaraıdy.».
2. Qazaqstan Respýblıkasy Qarjy mınıstrliginiń Bıýdjet zańnamasy departamenti (Z.A. Ernazarova) zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Qarjy mınıstrliginiń ınternet-resýrsynda ornalastyrýdy qamtamasyz etsin.
3. Osy buıryq memlekettik tirkelgen kúninen bastap qoldanysqa engiziledi.
Qazaqstan Respýblıkasy Qarjy Mınıstri B. SULTANOV
Buıryq Qazaqstan Respýblıkasynyń Ádilet mınıstrliginde 2015 jylǵy 10 jeltoqsanda Normatıvtik quqyqtyq kesimderdi memlekettik tirkeýdiń tizilimine №12377 bolyp engizildi.