2015 jylǵy 28 jeltoqsan, Astana qalasy
Memlekettik satyp alý veb-portalyn paıdalaný qaǵıdalaryn jáne Memlekettik satyp alý veb-portalynyń jumysynda tehnıkalyq isten shyǵý týyndaǵan jaǵdaıda memlekettik satyp alý veb-portalynyń jumys isteý qaǵıdalaryn bekitý týraly
«Memlekettik satyp alý týraly» 2015 jylǵy 4 jeltoqsannan Qazaqstan Respýblıkasynyń Zańy 16-babynyń 3) jáne 4) tarmaqshalaryna sáıkes buıyramyn:»;
1. Qosa berilip otyrǵan Memlekettik satyp alý veb-portalyn paıdalaný qaǵıdalaryn jáne Memlekettik satyp alý veb-portalynyń jumysynda tehnıkalyq isten shyǵý týyndaǵan jaǵdaıda memlekettik satyp alý veb-portalynyń jumys isteý qaǵıdalary bekitilsin.
2. Buıryǵynyń kúshi joıyldy dep tanylsyn:
1) «Memlekettik satyp alý veb-portalyn paıdalaný qaǵıdalaryn jáne Memlekettik satyp alý veb-portalynyń jumysynda tehnıkalyq isten shyǵý týyndaǵan jaǵdaıda memlekettik satyp alý veb-portalynyń jumys isteý qaǵıdalaryn bekitý týraly» Qazaqstan Respýblıkasy Premer-Mınıstriniń orynbasary – Qazaqstan Respýblıkasy Qarjy Mınıstriniń 2014 jylǵy 27 naýryzdaǵy №133 buıryǵyna (Normatıvtik quqyqtyq aktilerdi memlekettik tirkeý tiziliminde №9369 bolyp tirkelgen, «Ádilet» aqparattyq-quqyqtyq júıesinde 2014 jylǵy 27 mamyrdyń jarııalanǵan);
2) «Memlekettik satyp alý veb-portalyn paıdalaný qaǵıdalaryn jáne Memlekettik satyp alý veb-portalynyń jumysynda tehnıkalyq isten shyǵý týyndaǵan jaǵdaıda memlekettik satyp alý veb-portalynyń jumys isteý qaǵıdalaryn bekitý týraly» Qazaqstan Respýblıkasy Premer-Mınıstriniń orynbasary – Qazaqstan Respýblıkasy Qarjy Mınıstriniń 2014 jylǵy 27 naýryzdaǵy № 133 buıryǵyna ózgerister engizý týraly» Qazaqstan Respýblıkasy Qarjy mınıstriniń 2015 jylǵy 15 qazandaǵy №522 (Normatıvtik quqyqtyq aktilerdi memlekettik tirkeý tiziliminde №12287 bolyp tirkelgen, «Ádilet» aqparattyq-quqyqtyq júıesinde 2015 jylǵy 30 qarannyń jarııalanǵan) buıryǵynyń kúshi joıyldy dep tanylsyn.
3. Qazaqstan Respýblıkasy Qarjy mınıstrliginiń Memlekettik satyp alý zańnamasy departamenti (S.M.Ahmetov) zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqtyń memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde, sondaı-aq Qazaqstan Respýblıkasy normatıvtik quqyqtyq aktileriniń Etalondyq baqylaý bankinde ornalastyrý úshin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna resmı jarııalaýǵa jiberilýin;
3) osy buıryqty Qazaqstan Respýblıkasy Qarjy mınıstrliginiń ınternet-resýrsynda ornalastyrýdy qamtamasyz etsin.
4. Osy buıryq alǵashqy resmı jarııalanǵan kúninen keıin qoldanysqa engiziledi.
Qazaqstan Respýblıkasynyń Qarjy mınıstri B.SULTANOV.
Qazaqstan Respýblıkasy Qarjy mınıstriniń 2015 jylǵy
28 jeltoqsandaǵy №692 buıryǵymen bekitilgen
Memlekettik satyp alý veb-portalyn paıdalaný qaǵıdalary
1. Jalpy erejeler
1. Osy Memlekettik satyp alý veb-portalyn paıdalaný qaǵıdalary (budanári - Qaǵıdalar) «Memlekettik satyp alý týraly» Qazaqstan Respýblıkasynyń 2015 jylǵy 4 jeltoqsandaǵy Zańynyń (budanári - Zań) 16-babynyń) tarmaqshasyna sáıkes ázirlendi jáne memlekettik satyp alý veb-portalyn paıdalaný tártibin belgileıdi jáne memlekettik satyp alý veb-portalyn paıdalanýǵa qoıylatyn negizgi tehnıkalyq talaptardy qamtıdy.
2. Osy Qaǵıdalarda mynadaı uǵymdar paıdalanylady:
1) aqparattyq qyzmet – aqparattyq resýrsty paıdalanýshylarǵa berý qyzmet;
2) veb-portalǵa qatysýshy (budan ári – qatysýshy) – veb-portalda tirkeýden ótken tapsyrys berýshi, memlekettik satyp alýdy uıymdastyrýshy, áleýetti ónim berýshi;
3) veb-portaldy paıdalanýshy (budan ári - paıdalanýshy) - veb-portalda tirkeýden ótken qatysýshynyń laýazymdy adamy nemese ókili;
4) eńserilmes kúsh jaǵdaılary – zilzala apattar nemese kózdeý nemese aldyn alý múmkin emes, veb-portaldyń ne tutastaı alǵanda júıeniń jumys isteýin nemese tıisinshe jumysqa qabilettiligin toqtatýǵa ákep soqtyratyn ózge jaǵdaılar;
5) ınteraktıvtik qyzmet kórsetý – ózara aqparat almasýdy qajet etetin, paıdalanýshylarǵa olardyń suraýlary boıynsha nemese taraptardyń kelisimi boıynsha elektrondyq aqparattyq resýrstardy usyný jóninde qyzmet kórsetý;
6) Qazaqstan Respýblıkasynyń senim bildirilgen úshinshi tarapy (budan ári - QR SbÚT) — elektrondyq sıfrlyq qoltańba quraldaryn (elektrondyq sıfrlyq qoltańbany qalyptastyrý jáne tekserý prosesterin iske asyratyn aqparatty krıptografııalyq qorǵaý quraldaryn) paıdalanýmen sheteldik elektrondyq sıfrlyq qoltańbanyń túpnusqalylyǵyn rastaýdy júzege asyratyn memlekettik tehnıkalyq qyzmet;
7) qujattyń elektrondyq kóshirmesi – ótinish berýshiniń nemese atalǵan qujatty kýálandyrýǵa ókilettikteri bar adamnyń ne memlekettik qyzmet kórsetýdi alýshynyń óziniń jeke qatysýy kezinde bergen jazbasha kelisimi negizinde halyqqa qyzmet kórsetý ortalyǵynyń ýákilettik berilgen qyzmetkeriniń elektrondyq sıfrlyq qoltańbasymen kýálandyrylǵan, túpnusqa qujattyń túrin jáne ondaǵy aqparatty (derekterdi) elektrondyq-sıfrlyq nysanda tolyǵymen kórsetetin qujat;
8) memlekettik satyp alý veb-portaly – elektrondyq memlekettik satyp alýdyń elektrondyq qyzmet kórsetýlerine qol jetkizýdiń biryńǵaı núktesin usynatyn memlekettik aqparattyq júıe;
9) memlekettik satyp alý veb-portalynda tirkelý (budan ári - tirkelý) - memlekettik satyp alý júıesi sýbektisiniń, onyń laýazymdy adamdary men múddeli tulǵalardyń veb-portalda qatysýǵa qol jetkizý;
10) memlekettik satyp alý júıesiniń sýbektileri – memlekettik satyp alý salasyndaǵy qyzmetti júzege asyratyn jeke jáne zańdy tulǵalar;
11) tehnıkalyq jáne aldyn alý jumystary – esepteý tehnıkasy quraldaryn jáne telekommýnıkasııalyq jabdyqty jumysqa qabiletti jaǵdaıda ustaý jónindegi, onyń ishinde tehnıkanyń jáne (nemese) jabdyqtyń jumys istemeýiniń jáne onyń ýaqytynan buryn tozýynyń aldyn alý maqsatynda aldyn alýdy, aqaýlardy joıýdy, jekelegen bólikter men bloktardy aýystyrýdy, jabdyqtyń qýatyn ulǵaıtý úshin jabdyqtardy, qosymsha qondyrǵylar men jadylardy ornatýdy jáne teńsheýdi jáne paıdalanýshylarǵa kómek kórsetýdi qamtıtyn is-sharalar kesheni;
12) elektrondyq aqparattyq resýrstardy, aqparattyq júıelerdi ıemdenýshi – atalǵan obektilerdi olardyń menshik ıesi aıqyndaǵan shekte jáne tártippen ıelený, paıdalaný jáne olarǵa bılik etý quqyqtaryn iske asyratyn sýbekt;
13) EMS AIAJ (budan ári – Júıe) – «Elektrondyq memlekettik satyp alý» avtomattandyrylǵan ıntegrasııalanǵan aqparattyq júıesi;
14) elektrondyq qujat – ózindegi aqparat elektrondyq-sıfrlyq nysanda usynylǵan jáne elektrondyq sıfrlyq qoltańba arqyly kýálandyrylǵan qujat;
15) elektrondyq memlekettik satyp alý – aqparattyq júıeler men elektrondyq aqparattyq resýrstardy paıdalana otyryp júzege asyrylatyn memlekettik satyp alý;
16) elektrondyq memlekettik satyp alý salasyndaǵy biryńǵaı operator - Qazaqstan Respýblıkasy Úkimetiniń sheshimi boıynsha qurylatyn, aksııalardyń (jarǵylyq kapıtalǵa qatysý úlesteriniń) jalǵyz menshik ıesi memleket nemese ulttyq holdıng bolyp tabylatyn, elektrondyq memlekettik satyp alý salasynda biryńǵaı tehnıkalyq saıasatty iske asyrýdy júzege asyratyn zańdy tulǵa;
17) elektrondyq sıfrlyq qoltańba – elektrondyq sıfrlyq qoltańba quraldarymen jasalǵan jáne elektrondyq qujattyń durystyǵyn, onyń tıesiligin jáne mazmunynyń ózgermeıtindigin rastaıtyn elektrondyq sıfrlyq nyshandar terimi;
18) elektrondyq sıfrlyq qoltańbanyń ashyq kilti – kez kelgen tulǵanyń qoly jetetin jáne elektrondyq qujattaǵy elektrondyq sıfrlyq qoltańbanyń túpnusqalyǵyn rastaýǵa arnalǵan elektrondyq sıfrlyq nyshandar dáıektiligi;
19) elektrondyq sıfrlyq qoltańbanyń jabyq kilti – tirkeý kýáliginiń ıesine belgili jáne elektrondyq sıfrlyq qoltańba quraldaryn paıdalana otyryp elektrondyq sıfrlyq qoltańbany jasaýǵa arnalǵan elektrondyq sıfrlyq nyshandar dáıektiligi.
Osy Qaǵıdalarda kórsetilmegen basqa uǵymdar men termınder Qazaqstan Respýblıkasynyń zańnamasyna sáıkes aıqyndalatyn mánderde paıdalanylady.
3. Elektrondyq sıfrlyq qoltańbany paıdalanǵan kezde paıdalanýshylar osy Qaǵıdalardy jáne «Elektrondyq qujat jáne elektrondyq sıfrlyq qoltańba týraly» Qazaqstan Respýblıkasynyń 2003 jylǵy 7 qańtardaǵy Zańyn basshylyqqa alady.
2. Memlekettik satyp alý veb-portalyn paıdalaný tártibi
4. Taýarlardy, jumystardy jáne kórsetiletin qyzmetterdi memlekettik satyp alýdy júzege asyrý maqsatynda elektrondyq memlekettik satyp alýdy uıymdastyrýǵa jáne ótkizýge baılanysty usynylatyn qujattar men málimetterdi veb-portaldy paıdalanýshy elektrondyq qujattar nemese qujattardyń elektrondyq kóshirmeleri túrinde ornalastyrady jáne veb-portaldyń tıisti qatysýshysynyń atynan áreket etýge quqyǵy bar adamnyń elektrondyq sıfrlyq qoltańbasy qoıylady.
5. Veb-portalda barlyq elektrondyq qujattardy jáne qujattardyń elektrondyq kóshirmelerin jasaý, alý jáne jóneltý ýaqyty Júıeniń (Astana qalasynyń jergilikti) ýaqyty boıynsha tirkeledi.
6. Veb-portalda jumys isteý jáne (nemese) memlekettik satyp alýǵa qatysý úshin veb-portaldy paıdalanýshylar mynadaı is-áreketter jıyntyǵyn jasaıdy:
1) elektrondyq sıfrlyq qoltańba sertıfıkattaryn (ashyq jáne jabyq kilt) paıdalaný múmkindigi úshin qajetti apparatty-baǵdarlamalyq qamtymdy ornatady;
2) Qazaqstan Respýblıkasynyń Ulttyq kýálandyrýshy ortalyǵynda ne Reseı Federasııasy men Belarýs Respýblıkasynyń kýálandyrýshy ortalyqtarynda elektrondyq sıfrlyq qoltańbanyń sertıfıkattaryn (Keden odaǵynyń qatysýshy elderiniń paıdalanýshylary úshin) belgilengen tártippen alady;
3) veb-portalda tirkelý rásimin ótedi.
7. Veb-portalda Qazaqstan Respýblıkasynyń Ulttyq kýálandyrýshy ortalyǵynyń, sondaı-aq QR SÚT teksergen Reseı Federasııasy men Belarýs Respýblıkasynyń kýálandyrýshy ortalyqtarynyń jeke jáne zańdy tulǵalar úshin shyǵarǵan elektrondyq sıfrlyq qoltańba sertıfıkattary qoldanylady.
8. Júıege júkteletin faıldardyń nemese faıl muraǵattarynyń mólsheri 20 megabaıttan asqan jaǵdaıda, olardy júıege bóliktermen júkteý qajet, olardyń árqaısysy 20 megabaıttan aspaýy tıis.
9. Memlekettik satyp alý salasynda aqparattyq jáne ınteraktıvtik qyzmetterdi operator kórsetedi. Operator veb-portaldyń jumys istep turǵany týraly mynadaı:
veb-portal paıdalanýshylaryn aqparattandyrý úshin veb-portaldyń jańa múmkindikteri týraly;
operator oryndaıtyn, reglamenttelgen tehnıkalyq jáne profılaktıkalyq jumystar týraly jáne olardy joıýdyń josparly merzimderimen birge veb-portaldaǵy tehnıkalyq isten shyǵýlar týraly habarlandyrýlardy aqparatty ornalastyrady.
10. Operator memlekettik satyp alý veb-portalyn aqparattyq tolyqtyrýdy ýákiletti organmen kelise otyryp, júzege asyrady. Elektrondyq aqparattyq resýrstardyń qosymsha túrlerin ornalastyrý qajettigi bolǵan jaǵdaıda memlekettik satyp alý jónindegi ýákiletti organ memlekettik satyp alý veb-portalyn aqparattyq tolyqtyrýǵa jazbasha túrde ótinim qalyptastyrady jáne operatorǵa jiberedi.
11. Qazaqstan Respýblıkasynyń Azamattyq kodeksine sáıkes aıqyndalatyn tejeýsiz kúsh jaǵdaıattary týyndaǵan kezde operator mundaı jaǵdaıattardyń týyndaǵany, áreket etýi men toqtaýynyń boljamdy merzimi týraly veb-portal ıesin dereý habardar etedi, sondaı-aq veb-portal ıesine atalǵan jaǵdaıattardyń dáleldemesin usynady.
Qazaqstan Respýblıkasy Qarjy mınıstriniń 2015 jylǵy
28 jeltoqsandaǵy №692 buıryǵymen bekitilgen
Memlekettik satyp alý veb-portalynyń jumysynda tehnıkalyq irkilister týyndaǵan jaǵdaıda memlekettik satyp alý veb-portalynyń jumys isteý qaǵıdalary
1. Jalpy erejeler
1. Osy Memlekettik satyp alý veb-portalynyń jumysynda tehnıkalyq irkilister týyndaǵan jaǵdaıda memlekettik satyp alý veb-portalynyń jumys isteý qaǵıdalary (budan ári – Qaǵıdalar) «Memlekettik satyp alý týraly» 2015 jylǵy 4 jeltoqsandaǵy Qazaqstan Respýblıkasy Zańynyń (budan ári – Zań) 16-baby 4) tarmaqshasyna sáıkes ázirlendi jáne memlekettik satyp alý veb-portalynyń jumysynda tehnıkalyq irkilister týyndaǵan jaǵdaıda memlekettik satyp alý veb-portalynyń jumys isteý tártibin belgileıdi.
2. Osy Qaǵıdalarda mynadaı uǵymdar paıdalanylady:
1) aqparatqa ruqsat etilmegen áser etý – aqparatqa qol jetkizýdiń jarııa bolýyna, burmalanýyna, jasandylyǵyna, joıylýyna, oqshaýlanýyna, sondaı-aq aqparatty tasyǵyshtyń joǵalýyna, joıylýyna nemese jumys isteýiniń irkilýine ákep soqtyratyn qol jetkizýdiń belgilengen quqyqtaryn jáne/nemese qaǵıdalaryn buza otyryp, qorǵalǵan aqparatqa áser etý;
2) veb-portalǵa qatysýshy (budan ári –qatysýshy) – tapsyrys berýshi, memlekettik satyp alýdy uıymdastyrýshy, memlekettik satyp alýdy biryńǵaı uıymdastyrýshy, memlekettik satyp alý veb-portalynda tirkeýden ótken áleýetti ónim berýshi;
3) veb-portaldy paıdalanýshy (budan ári – paıdalanýshy) –qatysýshynyń laýazymdy adamy nemese ókili;
4) júıeniń standartty jumys isteýi – normatıvtik-tehnıkalyq qujattamaǵa sáıkes aqparattyq júıeniń tehnıkalyq irkilister bolmaǵan kezde óńdeletin aqparattyń berilgen rejımderi men kóleminde jumys isteýi;
5) Jumys toby – memlekettik satyp alý jónindegi ýákiletti organnyń buıryǵymen qurylatyn, bıýdjetti atqarý jónindegi ýákiletti organnyń elektrondyq memlekettik satyp alý júıesiniń jumys isteýin taldaý jáne sapasyn júıelendirýdi júzege asyratyn qurylymdyq bólimsheleriniń laýazymdy tulǵalarynan turatyn, turaqty negizde áreket etetin alqaly organ;
6) tejeýsiz kúsh jaǵdaılary – zilzala apattar nemese tutastaı alǵanda júıeniń jumys isteýin nemese tıisinshe jumysqa qabilettiligin toqtatýǵa ákep soqtyratyn kózdeý nemese aldyn alý múmkin emes ózge jaǵdaılar;
7) memlekettik satyp alý veb-portaly (budan ári – veb-portal) – elektrondyq memlekettik satyp alýdyń elektrondyq qyzmet kórsetýlerine qol jetkizýdiń biryńǵaı núktesin usynatyn memlekettik aqparattyq júıe;
8) memlekettik satyp alý veb-portalyna qyzmet kórsetý jónindegi jospardan tys is-sharalar – memlekettik satyp alý veb-portalynyń kúrdelilik osaldyǵyn joıý maqsatynda ne isten shyqqan jabdyqty aýystyrýǵa baılanysty baǵdarlamalyq qamtamasyz etýdi kúrdeli jańartýlardy ornatýǵa baılanysty tehnıkalyq jáne profılaktıkalyq jumystary;
9) operator mamandarynyń zańsyz áreketteri – mynadaı sebeptermen memlekettik satyp alý veb-portalynyń jumysynyń tómendeýine, toqtaýyna, onda tehnıkalyq irkilisterdiń týyndaýyna ákep soqqan operator qyzmetkerleriniń áreketteri:
memlekettik satyp alý veb-portalynyń júıelik jýrnaldarynda tirkelgen operator mamandarynyń ruqsat etilmegen áreketterdi oryndaýy;
ıelenýshi men operator arasyndaǵy tıisti shartta kózdelgen memlekettik satyp alý veb-portalynyń apparattyq-baǵdarlamalyq keshenin súıemeldeý, ákimshilendirý jáne oǵan júıelik-tehnıkalyq qyzmet kórsetý jónindegi talaptardy buzý jáne (nemese) tıisinshe oryndamaý;
10) tehnıkalyq ákimshilendirý bólimi (budan ári – bólim) – elektrondyq memlekettik satyp alý salasyndaǵy biryńǵaı operatordyń memlekettik veb-portalynyń baǵdarlamalyq-apparattyq keshenin ákimshilendirýge jáne monıtorıngteýge jaýapty qurylymdyq bólimshesi;
11) tehnıkalyq jáne profılaktıkalyq jumystary – esepteý tehnıkasy quraldaryn jáne telekommýnıkasııalyq jabdyqty jumysqa qabiletti jaǵdaıda ustaý jónindegi, onyń ishinde tehnıkanyń jáne (nemese) jabdyqtyń jumys istemeı qalýyn jáne onyń ýaqytynan buryn tozýyn boldyrmaý maqsatynda profılaktıkany, aqaýlardy joıýdy, jekelegen bólikter men bloktardy aýystyrýdy, jabdyqtyń qýatyn ulǵaıtý úshin jabdyqtardy, qosymsha qondyrǵylar men jadylardy ornatýdy jáne teńsheýdi jáne paıdalanýshylarǵa kómek kórsetýdi qamtıtyn is-sharalar kesheni;
12) tehnıkalyq irkilis– bir nemese birneshe qatysýshylardyń Júıeni paıdalaný múmkindigin boldyrmaýǵa ákelip soǵatyn Júıeniń apparattyq-baǵdarlamalyq kesheniniń nemese onyń jeke quraýyshtarynyń josparlanbaǵan ýaqytsha isten shyǵýy (apattyq toqtaýy, jady mazmunynyń kúıreýi, apparattyq-baǵdarlamalyq qamtamasyz etý resýrstarynyń artyq júktemesi jáne qabyldanǵan tehnologııany eleýli buzatyn jáne júıeniń jaǵdaıynda baǵdarlamalyq qamtamasyz etýdi paıdalanýǵa múmkindik bermeıtin basqa da ahýaldar, onyń ishinde baǵdarlamalyq qamtamasyz etý beretin qate shyǵys derekteri (nátıjeleri);
13) elektrondyq memlekettik aqparattyq júıeni ıelenýshi (budan ári - ıelenýshi) – kórsetilgen obektilerdi olardyń menshik ıesi aıqyndaǵan shekte jáne tártippen ıelený, paıdalaný jáne olarǵa bılik etý quqyqtaryn iske asyratyn sýbekt;
14) elektrondyq memlekettik satyp alý (budan ári –satyp alý) – aqparattyq júıeler men elektrondyq aqparattyq resýrstardy paıdalana otyryp júzege asyrylatyn memlekettik satyp alý;
15) elektrondyq memlekettik satyp alý salasyndaǵy biryńǵaı operator (budan ári – operator) – Qazaqstan Respýblıkasy Úkimetiniń sheshimi boıynsha qurylatyn, aksııalarynyń (jarǵylyq kapıtalǵa qatysý úlesteriniń) jalǵyz menshik ıesi memleket nemese ulttyq holdıng bolyp tabylatyn, elektrondyq memlekettik satyp alý salasynda biryńǵaı tehnıkalyq saıasatty iske asyrýdy júzege asyratyn zańdy tulǵa;
16) Veb-portaldyń baılanys ortalyǵy (budan ári – baılanys ortalyǵy) – paıdalanýshynyń júginý sıpatyna baılanysty operatordyń basqa bólimshesi máseleni odan ári korrelıasııalaýmen (qajet bolǵan kezde) ınsıdentterdi (tehnıkalyq irkilister) tirkeýdi qamtamasyz etetin operatordyń servıstik-dıspetcherlik qyzmeti.
17) EMS AIAJ (budan ári – Júıe) – «Elektrondyq memlekettik satyp alý» avtomattandyrylǵan ıntegrasııalanǵan aqparattyq júıesi.
3. Osy Qaǵıdalarda kórsetilmegen basqa uǵymdar men termınder Qazaqstan Respýblıkasynyń memlekettik satyp alý týraly zańnamasyna sáıkes aıqyndalatyn maǵynalarda paıdalanylady.
2. Júıe ınsıdentteriniń (tehnıkalyq irkilister) synyptamasy
4. Júıe ınsıdentterin (tehnıkalyq irkilister) synyptamasy mynadaı túrlerge bólinedi:
1) operatorǵa baılanysty:
operator qyzmetkerleriniń zańsyz áreketteriniń saldary;
Júıe aqparatyna ruqsat etilmegen áserge ákep soqtyrǵan júıeniń aqparattyq qaýipsizdiginiń tıisti deńgeıin qamtamasyz etpeý saldary;
operatordyń nemese onyń qyzmetkerleriniń kinásinen júıeniń jáne (nemese) ony quraıtyndardyń fızıkalyq zaqymdanýy saldary.
2) operatorǵa baılanysty emes:
úshinshi tulǵalardyń kinásinen júıeniń jáne ony quraıtyndardyń fızıkalyq zaqymdanýy jáne (nemese) óshý saldary;
júıeniń kommýnıkasııalyq jabdyǵynyń jumysyn toqtatýdy týdyratyn yqtımal jappaı syrtqy shabýyldardan júıeniń qol jetimsizdigi saldary;
paıdalanýshy sharttyq qatynastarda aıqyndalǵan shamada veb-portalǵa qosylý úshin paıdalanatyn derekterdi berý jelileriniń jáne (nemese) elektr energııasynyń bolmaýy ne kepildendirilgen jumysqa qabilettiliginiń buzylýy saldary;
paıdalanýshyǵa veb-portalda tolyqqandy jumys isteýge múmkindik bermeıtin paıdalanýshynyń kompıýterlik tehnıkasynda baǵdarlamalyq-tehnıkalyq shekteýlerdiń jáne kúıge keltirýdiń bolýy, sondaı-aq qajetti baǵdarlamalyq-tehnıkalyq múmkindikterdiń bolmaýy saldary;
Júıeniń zaqymdanǵan faıldy nemese faıldar muraǵatyn ornalastyrý múmkindigin avtomatty túrde buǵattaýyna baılanysty paıdalanýshynyń veb-portalda jumys isteýine múmkindik bermeıtin zııandy baǵdarlamalyq qamtamasyz etýmen paıdalanýshynyń kompıýterlik tehnıkasynyń zaqymdanýy saldary;
veb-portalda jumys isteý kezinde paıdalanýshynyń veb-portal jumysynyń tártibin jáne paıdalanýshylar nusqaýlyqtaryn tıisinshe saqtamaý saldary;
elektrondyq sıfrlyq qoltańba kiltin saqtaý qaǵıdalaryn saqtamaý, veb-portalda jumys isteýge jaýapty adam retinde taǵaıyndalǵan paıdalanýshynyń elektrondyq sıfrlyq qoltańba kiltin tıisti ókilettigi joq úshinshi tulǵalarǵa berýi saldary.
3. Tehnıkalyq irkilisterdiń týyndaýy týraly aqparat kózderi
5. Tehnıkalyq irkilisterdiń týyndaýy týraly aqparat kózderi bolyp mynalar:
paıdalanýshynyń habarlamasy;
veb-portaldyń jumys isteýine monıtorıngti oryndaıtyn operator mamandarynyń habarlamasy;
tehnıkalyq irkilister baıqalǵan Júıe fýnksıonalynyń jumys qabileti men qoljetimdiligin aıqyndaý úshin paıdalanylatyn veb-portaldyń aqaýlaryn monıtorıngteý jáne aıqyndaý boıynsha baǵdarlamalyq-aqparattyq quraldar;
tehnıkalyq irkilisterdiń týyndaýy nemese týyndaý yqtımaldyǵy týraly kýálandyratyn jazbalar tirkeletin Júıeniń júıelik jýrnaldary bolyp tabylady.
4. Memlekettik satyp alý veb-portalyn paıdalaný kezinde tehnıkalyq irkilister týyndaǵan jaǵdaıda paıdalanýshylardyń, operatordyń jáne operator mamandarynyń is-áreketi
6. Tehnıkalyq irkilis týyndaǵan kezde mynadaı is-sharalar júrgiziledi:
1) tehnıkalyq irkilis anyqtalǵan kúndi jáne ýaqytty Astana qalasynyń ýaqyty boıynsha, sondaı-aq baılanys derekterin kórsete otyryp jáne rastaýshy materıaldary qosa bere otyryp, veb-portalda kórsetilgen elektrondyq pochta arqyly bir saǵattan keshiktirmeı baılanys ortalyǵyn habardar etedi.
Tehnıkalyq irkilis týraly aqparatty elektrondyq pochta boıynsha jiberý múmkin bolmaǵan jaǵdaıda paıdalanýshy telefon arqyly bir saǵattan keshiktirmeı baılanys ortalyǵyn habardar etedi.
2) operator mamany júıe jumysynda nemese konfıgýrasııasynda standartty jumys isteýge sáıkes kelmeıtin ózgeristerdi tapqan jaǵdaıda, osy Qaǵıdalarǵa 1-qosymshaǵa sáıkes Memlekettik satyp alý veb-portalynda tehnıkalyq irkilister týyndaýy týraly paıdalanýshylardyń ótinishterin esepke alý jýrnalynda (budan ári – Esepke alý jýrnaly) tehnıkalyq irkilistiń týyndaǵan kúni men ýaqytyn tirkeıdi.
Baılanys ortalyǵy júginý tásiline baılanysty júıeni paıdalanýshylarmen ózara is-qımyldy (telefon, elektrondyq pochta, resmı hattar, ınternet-forým arqyly) qamtamasyz etedi:
jumys kúnderi – Astana qalasynyń ýaqyty boıynsha saǵat 9.00-den 19.00-ge deıin jumys ýaqytynda;
Bul rette osy Qaǵıdalardyń 2-tarmaǵynyń 8) jáne 11) tarmaqshalarynda kórsetilgen is-sharalarǵa jumsalatyn ýaqytty qospaǵanda, veb – portal paıdalaný úshin táýlik boıy qol jetimdi.
7. Operatordyń baılanys ortalyǵy paıdalanýshylardyń jáne operator mamandarynyń ótinishterin Esepke alý jýrnalyna Astana qalasynyń ýaqyty boıynsha jumys ýaqytynda otyz mınýt ishinde tirkeıdi.
Eger tehnıkalyq irkilis týraly paıdalanýshynyń ótinishi Astana qalasynyń ýaqyty boıynsha túski úzilis kezinde elektrondyq pochta boıynsha túsken jaǵdaıda, operator habarlamany túski úzilisten keıin otyz mınýt ishinde tirkeıdi.
Eger tehnıkalyq irkilis týraly paıdalanýshynyń ótinishi Astana qalasynyń ýaqyty boıynsha jumystan tys ýaqytta elektrondyq pochta boıynsha túsken jaǵdaıda, operator habarlamany kelesi jumys kúni tirkeıdi.
Baılanys ortalyǵynyń operatory esepke alý jýrnalyn paıdalanýshylardyń ótinishterin esepke alý boıynsha operatordyń aqparattyq júıesinde elektrondyq túrde júrgizedi.
8. О́tinish tirkelgennen keıin paıdalanýshylardyń ótinishterin esepke alý boıynsha operatordyń aqparattyq júıesindegi ınsıdenttiń biregeı sáıkestendirýshi beriledi jáne bir saǵat ishinde paıdalanýshynyń elektrondyq pochtasyna jiberiledi.
9. Tehnıkalyq irkilis týraly aqparat bolǵan kezde operator Astana qalasynyń ýaqyty boıynsha jumys ýaqytynyń eki saǵaty ishinde usynylǵan materıaldarǵa (ekran túsirilimderi men ózge de usynylǵan elektrondyq qujattarǵa) taldaý júrgizedi, qajet bolǵan jaǵdaıda Júıeniń tehnıkalyq irkilis faktisin rastaý nemese teriske shyǵarý maqsatynda tehnıkalyq irkiliske ákep soǵatyn paıdalanýshynyń áreketin qaıtalaıdy (ımıtasııalaıdy).
10. Paıdalanýshylardyń satyp alýǵa qatysý múmkindigine kedergi bolatyn tehnıkalyq irkilisterin qospaǵanda, ótinimderdi nemese baǵa usynystaryn qabyldaý merzimi tehnıkalyq irkilisti rastaý nemese teriske shyǵarý ýaqytynda ótetin satyp alýdy operator yqtımal tehnıkalyq irkilis faktisin rastaý nemese teriske shyǵarý kezine deıin uzartady.
11. Tehnıkalyq irkilis teriske shyǵarylǵan kezde operator otyz mınýt ishinde Júıeniń tehnıkalyq irkilistiń teriske shyǵarylǵandyǵy týraly faktilerdiń bolýy rastalǵannan keıin rastaıtyn aqparatpen qosa tehnıkalyq irkilistiń teriske shyǵarylǵany týraly tehnıkalyq qoldaýǵa júgingen paıdalanýshynyń elektrondyq pochtasy, telefony arqyly habarlaıdy.
12. Paıdalanýshylardyń problemalaryn sheshýge den qoıý bóliginde operator servısiniń is júzindegi deńgeıi tıisti qarjy jylyna bólingen bıýdjet qarajaty negizinde «Elektrondyq memlekettik satyp alý» AIAJ apparattyq-baǵdarlamalyq keshenin súıemeldeý, ákimshilendirý jáne oǵan júıelik-tehnıkalyq qyzmet kórsetý jónindegi qyzmetterdi memlekettik satyp alý týraly shartqa beriletin tehnıkalyq erekshelikterde sıpattalatyn boldy.
5. Memlekettik satyp alý veb-portaly jumysynyń tehnıkalyq irkilisteri rastalǵan jaǵdaıda memlekettik satyp alý veb-portaly jumysynyń jáne
operator áreketiniń tártibi
13. Operator tehnıkalyq irkilisti rastaǵan kezde onyń kúrdelilik deńgeıi belgilenedi.
14. Tehnıkalyq irkilister Júıeniń baǵdarlamalyq-apparattyq kesheniniń jumys isteýine jáne elektrondy túrde ótkiziletin satyp alý rásimderine yqpal etý dárejesi boıynsha mynadaı kúrdelilik deńgeılerge bólinedi:
1) tómen – satyp alý rásimderin ótkizýge jáne olarǵa qatysý múmkindikterine kedergi jasamaıtyn irkilister;
2) ortasha – Júıeni paıdalanýshylardyń aldyńǵy jumystarynyń nátıjesizdigine ákep soqtyrýy múmkin nemese ákep soqtyrǵan aqaýlyqtyń yqpalyna ushyraǵan bir jáne (nemese) birneshe qatysýshylardyń satyp alýǵa qatysý múmkindiginiń bolmaýyna ákelgen irkilister;
3) joǵary – Júıeniń bir jáne (nemese) odan da kóp modýlderiniń toqtaýyn nemese qol jetimsizdigin týdyratyn irkilister jáne (nemese) oqıǵalar, bul rette veb-portaldy paıdalanýshylardyń barlyǵynda satyp alýǵa qatysý múmkindigi bolmaıdy.
15. Tómen kúrdelilik deńgeıi bar tehnıkalyq irkilister týyndaǵan jaǵdaıda, operator:
1) tehnıkalyq irkilis rastalǵan kezde otyz mınýt ishinde tehnıkalyq qoldaýǵa júgingen paıdalanýshynyń elektrondyq pochtasy, telefony arqyly tehnıkalyq irkilistiń kúrdelilik deńgeıi, tehnıkalyq irkilisti joıýdyń josparly ýaqyty men kúni týraly habarlaıdy.
Mundaı aqparat ózgergen jaǵdaıda Júıeni paıdalanýshyǵa qaıta habarlaıdy;
2) tehnıkalyq irkilis sebepterin joıýǵa dereý kirisedi;
3) tehnıkalyq irkilis joıylǵannan keıin veb-portaldaǵy qatysýshynyń tirkeý derekterinde kórsetilgen elektrondyq pochta, telefon arqyly, ne tehnıkalyq qoldaý úshin júgingen paıdalanýshynyń telefony arqyly jumys júrgizýdiń aıaqtalǵany jáne tehnıkalyq irkilistiń joıylǵany týraly qaıta habarlaıdy.
Tómen kúrdelilik deńgeıi bar tehnıkalyq irkilis joıylǵan jaǵdaıda satyp alýdy toqtata turý jáne merzimderin aýystyrý júrgizilmeıdi.
16. Ortasha kúrdelilik deńgeıi bar tehnıkalyq irkilister týyndaǵan jaǵdaıda operator mynadaı is-sharalardy oryndaıdy:
1) dereý jazbasha, elektrondyq pochta jáne telefon arqyly Jumys tobynyń múshelerin týyndaǵan tehnıkalyq irkilis týraly habardar etedi;
2) tehnıkalyq irkilis rastalǵan sátten bastap otyz mınýt ishinde veb-portaldyń basty betine habarlandyrý men lottardyń nómirin kórsete otyryp, tehnıkalyq isten shyǵý, onyń kúrdelilik deńgeıi, ony joıýdyń josparly ýaqyty men kúni, satyp alýdy uzartý merzimi týraly aqparatty ornalastyrady.
Mundaı aqparat ózgergen jaǵdaıda aqparatty qaıta ornalastyrady;
3) tehnıkalyq irkilis rastalǵan sátten bastap bir saǵat ishinde tehnıkalyq qoldaý úshin júgingen paıdalanýshynyń, sondaı-aq tehnıkalyq irkilis týyndaǵan satyp alýǵa qatysqan barlyq áleýetti ónim berýshilerdiń elektrondyq pochtasy, telefony arqyly tehnıkalyq irkilis, onyń kúrdelilik deńgeıi, ony joıýdyń josparly ýaqyty men kúni, satyp alýdy uzartý merzimi týraly habarlaıdy.
Osy aqparat ózgergen jaǵdaıda tehnıkalyq qoldaý úshin júgingen paıdalanýshyǵa, sondaı-aq tehnıkalyq irkilis týyndaǵan satyp alýǵa qatysqan barlyq áleýetti ónim berýshilerge qaıta habarlaıdy;
4) aýksıon tásilimen satyp alýdy qospaǵanda, tehnıkalyq irkilisti joıý úshin qajet ýaqytta týyndaǵan tehnıkalyq irkilistegi konkýrs nemese baǵa usynystaryn suratý tásilderimen satyp alýǵa qatysýǵa ótinimderdi jáne (nemese) baǵa usynystaryn qabyldaý rásimderiniń ýaqytyn tehnıkalyq irkilis ýaqytyna dereý uzartady;
5) tehnıkalyq irkilis týyndaǵan aýksıon tásilimen satyp alý boıynsha aýksıonnyń ekinshi raýndyn ony joıý faktisi rastalǵannan keıin kelesi jumys kúnine aýystyrady.
Júıe aýksıon ótkizý nátıjeleri týraly hattamany avtomatty túrde qalyptastyrǵan jaǵdaıda mundaı hattama men berilgen ótinimder joıylady;
6) ótinimderdi nemese baǵa usynystaryn qabyldaý merziminen asyp ketetin tehnıkalyq irkilisi bar satyp alý boıynsha ótinimderdi nemese baǵa usynystaryn qabyldaýdy aıaqtaý merzimin kelesi jumys kúnine uzartady;
7) satyp alý boıynsha, sondaı-aq osyǵan uqsas tehnıkalyq irkilis anyqtalǵan jaǵdaıda basqa satyp alý boıynsha tehnıkalyq irkilisti joıýǵa kirisedi;
8) tehnıkalyq qoldaý úshin júgingen paıdalanýshynyń, tehnıkalyq irkilis týyndaǵan satyp alýǵa qatysqan barlyq áleýetti ónim berýshilerdiń elektrondyq pochtasy, telefony arqyly tehnıkalyq irkilistiń joıylǵany, naqty joıý kúni men ýaqyty týraly qaıta habarlaıdy, sondaı-aq veb-portaldyń basty betinde habarlandyrýlar men lottardyń nómirleri kórsetile otyryp, jańa ótkizý merzimderi kórsetilip satyp alýdy uzartý faktisi týraly aqparatty ornalastyrady;
9) ıelenýshige, Jumys toby múshelerine tehnıkalyq irkilistiń týyndaý sebebi men joıý boıynsha oryndalǵan is-sharalar, joıý nátıjesi, jańa ótkizý merzimderi kórsetilip satyp alýdy uzartý faktisi, tehnıkalyq irkiliske jol bermeý jónindegi usynystar týraly jazbasha habarlaıdy.
17. Joǵary kúrdelilik deńgeıi bar tehnıkalyq irkilister týyndaǵan jaǵdaıda operator mynadaı is-sharalardy oryndaıdy:
1) týyndaǵan tehnıkalyq irkilis jazbasha, elektrondyq pochta, telefon arqyly Jumys tobyn dereý habardar etedi;
2) tehnıkalyq irkilis rastalǵan sátten bastap tehnıkalyq irkilisti joıý úshin qajetti ótinimderdi nemese baǵa usynystaryn qabyldaý merzimderi Júıeniń tıisti modýlindegi tehnıkalyq irkilis pen ýaqyty qatar kelgen barlyq satyp alýdy uzartady;
3) tehnıkalyq irkilis rastalǵan sátten bastap otyz mınýt ishinde veb-portaldyń basty betine tehnıkalyq irkilis, onyń kúrdelilik deńgeıi, ony joıýdyń josparly ýaqyty men kúni týraly aqparatty ornalastyrý jolymen paıdalanýshylardy habarlandyrady.
Mundaı aqparat ózgergen jaǵdaıda Júıeni paıdalanýshylarǵa aqparatty qaıta habarlaıdy;
4) konkýrs, aýksıon, turǵyn úılerdi satyp alý nemese baǵa usynystaryn suratý tásilderimen satyp alýǵa qatysýǵa ótinimderdi jáne (nemese) baǵa usynystaryn qabyldaý merzimi ishinara sáıkes bolǵan kezde ótinimderdi jáne (nemese) baǵa usynystaryn qabyldaý rásimderiniń ýaqytyn uzartady;
5) aýksıon tásilimen satyp alýda tehnıkalyq irkilis ýaqyty jáne aýksıon taýarlarynyń kezeńin ýaqtyly ótkizýdiń ishinara nemese tolyq sáıkes bolǵan kezde aýksıon taýarlaryn ótkizý kezeńi tehnıkalyq irkilisti joıý faktisi rastalǵannan keıin kelesi jumys kúnine aýystyrady.
Júıeniń aýksıondy ótkizý nátıjeleri týraly hattama avtomatty túrde qalyptastyrylǵan jaǵdaıda mundaı hattama jáne berilgen ótinimder kúshin joıady;
6) ótinimderdi nemese baǵa usynystaryn qabyldaý merziminen asatyn tehnıkalyq irkilis bolǵan jaǵdaıda, mundaı satyp alýlar boıynsha ótinimderdi nemese baǵa usynystaryn qabyldaý merzimin uzartady.
7) «Baǵa usynystaryn suratý», «Aýksıon», «Konkýrs», «Turǵyn úılerdi satyp alý» tásilderimen satyp alýǵa berilgen baǵa usynystaryn ashý múmkindigin boldyrmaıtyn tehnıkalyq irkilis kezinde, eger tehnıkalyq irkilis kezinde ótinimderdi nemese baǵa usynystaryn qabyldaý merzimi bitpegen bolsa, operator satyp alýdy irkilisti joıý ýaqytyna uzartady jáne ónim berýshilerge ótinimderdi jáne baǵa usynystaryn qaıta berý qajettigi týraly habarlaıdy.
8) «Baǵa usynystaryn suratý», «Aýksıon», «Konkýrs», «Turǵyn úılerdi satyp alý» tásilderimen satyp alýǵa berilgen baǵa usynystaryn ashý múmkindigin boldyrmaıtyn tehnıkalyq irkilis kezinde, eger tehnıkalyq irkilis kezinde ótinimderdi nemese baǵa usynystaryn qabyldaý merzimi bitken bolsa, tásilderimen satyp alýǵa berilgen baǵa usynystaryn tolyq jazý múmkindigin eskere otyryp, operator ótinimderdi nemese baǵa usynystaryn qabyldaý merzimin irkilis joıylǵan sátten bastap, bes jumys kúnine uzartady jáne ónim berýshilerge ótinimderdi jáne baǵa usynystaryn qaıta berý qajettigi týraly habarlaıdy.
Tejeýsiz kúsh jaǵdaıattary bastalǵan jaǵdaıda operator ıelenýshini dereý habardar etedi jáne atalǵan jaǵdaıattardyń búkil oryn alý ýaqytynda toqtaǵan sátine deıin ıelenýshige qabyldanyp jatqan sharalar men atalǵan jaǵdaıattardyń dáleldemelerin usynady. Mundaı jaǵdaılarda ıelenýshi kelisim boıynsha, jaǵdaıattar sozylǵan saǵattardyń (kúnderdiń) sanyna satyp alý merzimin uzartý týraly sheshim qabyldaıdy;
7) tehnıkalyq irkilisti joıýǵa kirisedi;
8) veb-portaldyń basty betinde habarlandyrýlar men lottardyń nómirleri kórsetilip, tehnıkalyq irkilistiń naqty joıylǵan kúni men ýaqyty, satyp alýdy uzartý faktisi týraly aqparatty ornalastyra otyryp, tehnıkalyq irkilistiń joıylǵany týraly paıdalanýshylardy qaıta habarlandyrady;
9) ıelenýshige, Jumys toby múshelerine tehnıkalyq irkilis, týyndaý sebebi jáne joıý boıynsha oryndalǵan is-sharalar, joıý nátıjesi, tehnıkalyq irkilisti boldyrmaý jóninde usynystardy kórsete otyryp, satyp alýdy uzartý faktisi týraly jazbasha bir jumys kúni ishinde habarlaıdy.
18. Veb-portaldy paıdalanýshylardyń is-áreketinde qylmystyq jáne (nemese) ákimshilik quqyq buzýshylyqtardyń belgileri anyqtalǵan jaǵdaıda operator ıelenýshige, sondaı-aq quqyq qorǵaý organdaryna nemese qylmystyq jáne (nemese) ákimshilik quqyq buzýshylyq týraly isterdi qaraýǵa ýákilettik berilgen organdarǵa aqparat jiberedi.
19. Júıeniń jumys isteýinde operatordyń óz kúshimen joıýy múmkin emes irkilister bolǵan jaǵdaıda operator ıelenýshiniń kelisimimen baǵdarlamalyq jáne apparattyq qamtamasyz etý boıynsha tıisti joǵary bilikti mamandardy tartady.
6. Operatordyń josparly-profılaktıkalyq jumystardy júrgizýi kezinde memlekettik satyp alý veb-portalynyń jumys tártibi
20. Júıede tehnıkalyq jáne profılaktıkalyq jumystardy júrgizý aǵymdaǵy jyldyń birinshi aıynyń birinshi dekadasynda bekitilgen jáne veb-portalda jarııalanǵan Júıede tehnıkalyq jáne profılaktıkalyq jumystar júrgizý boıynsha jumys jospary negizinde júzege asyrylady.
21. Júıeniń tehnıkalyq jáne profılaktıkalyq jumystary júrgizilgen jaǵdaıda operator tehnıkalyq jáne profılaktıkalyq jumystar júrgizilgenge deıin eki kúntizbelik kún buryn Júıeni paıdalanýshylarǵa habarlaıdy. Bul rette, kúni atalǵan kezeńge tus keletin satyp alý boıynsha ótinimderdi qabyldaýdy aıaqtaý, ashý rásimderiniń, jiberý jáne qorytyndylar shyǵarý merzimderi tehnıkalyq jáne profılaktıkalyq jumystar bolǵan ýaqytqa aýystyrylatyn bolady.
7. Tehnıkalyq irkilis týyndaǵan jaǵdaıdaǵy veb-portal
jumysynyń máseleleri boıynsha operatordyń
Jumys tobymen ózara is-qımyl tártibi
22. Tehnıkalyq irkilistiń týyndaǵany týraly aqparat túsken kezde operator orta jáne joǵary kúrdelilik deńgeıi bar tehnıkalyq irkilisti rastaý maqsatynda jazbasha, elektrondyq pochta, telefon arqyly ıelenýshiniń aqparattandyrý, aqparattyq qaýipsizdikti qamtamasyz etý máselelerine jaýapty qurylymdyq bólimshesin, Jumys toby múshelerin týyndaǵan tehnıkalyq irkilis týraly habardar etedi.
23. Operator kúndelikti aldyńǵy kúnniń tehnıkalyq irkilisterine taldaý júrgizedi jáne olardy barynsha tez joıýdy qamtamasyz etedi.
24. Operator toqsan saıyn sharttyq qatynas sheńberinde Jumys tobyna:
operatordyń basshylyǵy jáne bólimniń jaýapty tulǵalary qol qoıǵan Esepke alý jýrnalynan úzindi kóshirmeni;
tehnıkalyq irkilister týyndaý sebepteri, joıý boıynsha oryndalǵan is-sharalar, joıý nátıjeleri, tehnıkalyq irkiliske jol bermeý jónindegi usynystar týraly aqparatty;
ótinimniń oryndalýyn qamtamasyz etý somalaryn kórsete otyryp, satyp alýǵa qatysýǵa ótinimniń oryndalýyn qamtamasyz etýdi áleýettik ónim berýshiniń joǵaltýyna yqpal etken qol qoıylǵan tehnıkalyq irkilis týraly aktilerdiń kóshirmelerin beredi.
25. Jumys toby usynylǵan aqparatty qaraıdy jáne memlekettik satyp alý jónindegi ýákiletti organnyń basshylyǵyna tehnıkalyq irkilisterdi joıý jáne olarǵa jol bermeý boıynsha usynym jiberedi, operatordyń nemese basqa tulǵanyń kinásinen Júıede týyndaǵan tehnıkalyq irkilister úshin turaqsyzdyq aıybynyń (aıyppul, ósimpul) somasyn esepteıdi.
26. Jumys toby toqsan saıyndyq negizde basshylyqty júrgiziletin jumys nátıjeleri týraly habardar etedi.
27. Memlekettik satyp alýǵa qa