Soltústik Koreıa Qurama Shtattardy eldiń ishki isine aralasýǵa áreket jasaıdy dep aıyptap, endi tıtteı ǵana arandatýshylyq bolsa, oǵan ıadrolyq soqqy beretinin aıtyp, qoqan-loqqy jasady.
Koreıa Ortalyq telegraf agenttiginiń habarlaýynsha, KHDR bıligi Qurama Shtattardy óz eline basyp kirýge áreket jasamaqshy degen aıyptaǵan. Sondyqtan endi tıteı ǵana arandatýshylyq baıqalsa, AQSh-qa ıadrolyq soqqy beretinin málimdegen.
«KHDR-dyń qarýly kúshteri qazirgi áskerı teketires jaǵdaıynan dushpandarynyń qolaısyz áskerı arandatýshylyǵyna eskertý soqqylaryn berý rejımine kóshti. Olardyń barlyq jedel toptary tıtteı ǵana arandatýshylyq oqıǵasy oryn ala qalsa, dushpanǵa aıaýsyz jáne joıqyn soqqy berý úshin tolyq daıyndyq sapyna qoıyldy», - delingen osyǵan baılanysty taratylǵan habarlamada.
Aıta ketetin jaıt, Soltústik Koreıa lıderi Kım Chen Yn bıylǵy mamyr aıynda KHDR-dyń burynǵy jaýlarymen qalypty qarym-qatynas ornatýǵa daıyn ekenin málimdegen bolatyn.
Murat AITQOJA