Rıo-de-Janeıroda ótip jatqan Olımpııalyq oıyndarda búgin bastalǵan grek-rım kúresi sheberleriniń jarysynda qazaqstandyq eki atlet kúsh synasyp, ekeýi de jeńilip qaldy.
Aldymen kilemge shyqqan 59 kg salmaqtaǵy Almat Kebisbaev birinshi beldesýinde jeńiske jetti. Ol 1/16 fınalda jarystyń basty favorıti sanalyp otyrǵan reseılik Ibragım Labazanovty 4:0 esebimen utty. Biraq 28 jastaǵy atletimiz 1/8 fınalda 22 jastaǵy japon palýany Shınobý Otamen beldesýde mundaı aıbat kórsete almady. Saıysty Olımpıada chempıony, álemniń alty dúrkin chempıony 30 jastaǵy ırandyq Hamıd Sorıandy jeńýden bastaǵan Kúnshyǵys eliniń qyrany Almatty 6:0 etip tize búktirdi.
Bizdiń 75 kg salmaqtaǵy ekinshi ókilimiz Dosjan Qarpyqov óziniń birinshi beldesýinde-aq utylyp qaldy.
Damır QOJAMQUL