Jaqynda EKSPO-2017 kórmesiniń Komıssary Rápil Joshybaevtyń Shrı-Lanka Respýblıkasyna sapary ótti. Sapary barysynda ol Shrı-Lanka Respýblıkasynyń О́nerkásip jáne saýda mınıstri Rıshad Basıýdınmen, osy eldiń Ulttyq seksııa komıssary – «Huejay International» korporasııasynyń basqarma basshysy Hýbert Djakodımen jáne isker toptary ókilderimen kezdesti.
О́nerkásip jáne saýda mınıstrliginde ótken kezdesýde taraptar ekijaqty yntymaqtastyqtyń ózekti máseleleri boıynsha pikir almasty. EKSPO-2017 Komıssary qabyldaýshy jaqqa Qazaqstannyń bastamalaryn, sondaı-aq, elimizdiń 2017-2018 jyldarǵa BUU Qaýipsizdik Keńesiniń turaqty emes múshesi kandıdatýrasyn qoldaǵany úshin alǵys bildirip, «Bolashaqtyń energııasy» taqyrybyndaǵy kórmege daıyndyq jumystary týraly habardar etti.
Shrı-Lanka Komıssarymen ótken kezdesý barysynda kórmege qatysý sharttary talqylandy jáne pavılonnyń ornalasý reti belgilendi. Shrı-Lanka pavılonynyń aýmaǵy 526 sharshy metr shamasynda. Sonymen qatar, Komıssar Hýbert Djakodı EKSPO-2017 kórmesi aıasynda Shrı-Lanka ulttyq kúnin 2017 jyly 19 shildede ótkizýge ótinish bildirdi. Atalǵan sharaǵa Shrı-Lanka Prezıdenti Lankı Maıtrıpala Sırısenniń qatysýy josparlanypty.
Rápil Joshybaev Shrı-Lankanyń EKSPO-2017 kórmesine qatysýy ekijaqty qarym-qatynastardyń damı túsýine aıtarlyqtaı oń áser etetindigin atap ótti. 12 halyqaralyq kórmeniń Komıssary bolǵan Hýbert Djakodı myrza, Astanada ótetin kórmege daıyndyq jumystaryn joǵary baǵalap, Shrı-Lankada «jasyl» energetıka salasyndaǵy qoldanys tapqan tehnologııalardy kórsetý josparlanyp otyrǵanyn aıtty. Komıssar Hýbert Djakodıdiń sózine qaraǵanda, búgingi tańda Shrı-Lankanyń energetıkalyq obektileriniń jalpy qýaty 3,9 GVt qurap, onyń 11%-y nemese 448 MVt energııasy jańartylatyn energııa kózderi arqyly alynady. Al «jasyl» energııa shaǵyn gıdro jáne jel elektr stansalary arqyly óndiriledi eken. Shrı-Lanka 2030 jylǵa qaraı elektr qýatyn óndirýde jańǵyrmaly energııa kózderiniń úlesin 100%-ǵa jetkizýdi josparlap otyrǵan kórinedi.
Kezdesý qorytyndysy boıynsha, kórme komıssarlary R.Joshybaev pen H.Djakodı Shrı-Lankanyń О́nerkásip jáne saýda mınıstri Rıshad Basıýdın men Qazaqstan Respýblıkasynyń Úndistandaǵy elshisi – Shrı-Lankada elshilik qyzmetti qosa atqarýshy B.Sársenbaevtyń qatysýymen Shrı-Lankanyń EKSPO-2017 kórmesine qatysý kelisimine qol qoıdy.
«Egemen-aqparat»