Bilikti maman – damý kepili

Keshe Aqordada Memlekettik hatshy Gúlshara Ábdiqa­lyqovanyń qatysýymen Shetelde mamandar daıarlaý jónindegi respýblıkalyq komıssııanyń kezekti otyrysy ótti. Otyrysty ashqan G.Ábdi­qa­ly­qova birinshi kezekte elimiz úshin bilimdi, bilikti mamandar daıar­laýdyń ózektiligine toqtalyp ótti. «Álemdik ekonomıkada joǵary deńgeıli mamandarǵa degen suranys artyp kele jatqany baıqalýda. Bul turǵyda álemdik sarapshylar jýyq arada bilikti mamandarǵa degen tapsyrys kólemi óse túsetinin boljap otyr. Osy oraıda, Elbasy Nursultan Nazarbaev «Qazaqstan jańa jahandyq naqty ahýalda: ósim, reformalar, damý» atty Joldaýynda eldiń adamı kapıtalyn damytýǵa arnalǵan aýqymdy ınvestısııalar memlekettik saıasat­tyń basym baǵyttarynyń biri ekenin atap ótken bolatyn», – dedi Memlekettik hatshy. Odan ári G.Ábdiqalyqova joǵary bilikti mamandar daıyndaýda «Bolashaq» baǵdarlamasynyń joǵary mánge ıe ekenin sóz etti. Sondaı-aq, ol Elbasy Nur­sultan Nazar­baevtyń tapsyr­masyna sáı­kes aýyl sharýa­shylyǵy, densaý­lyq saqtaý, aeroǵarysh jáne kólik ındýstrııasy salalaryna jańa tehnologııalardy engizý ba­ǵy­tyndaǵy jumystardy bel­sendi atqarý kerektigine nazar aýdardy. Jıynda belgili bolǵan­daı, bıylǵy jyldyń basynan beri bul baǵdarlama Prezı­denttiń «Bolashaq» halyq­aralyq stıpen­dııasy­nyń 2016-2020 jyldarǵa ar­nalǵan jańa damý jospary boıyn­sha iske asyrylýda. Qu­jatta ony jańartýdyń negiz­gi baǵyttary belgilen­gen. Budan bólek, otyrys ba­rysynda 2017 jyldan bas­tap «Bolashaq» baǵdar­la­masy boıynsha aýyl muǵa­lim­derine jeńildikter qarasty­rylatyny sóz boldy. Bul tur­ǵyda «Halyqaralyq baǵdar­lamalar ortalyǵy» AQ pre­zıdenti Ǵanı Nyǵ­me­tov málim etti. «Búgin jańa tapsyrmalar berildi. Onyń ishinde aýyl muǵalimderine jeke kvo­ta qarastyrý bar. Dáli­regi, kelesi jyldan bastap aýyl muǵalimderine «Bo­la­­shaqqa» jeńildikpen túsýge múmkinshilik bolady. Aýyl muǵalimderi aǵyl­shyn tilin orta deńgeı­de bilse, «Bo­lashaq» baǵdarla­masymen magıs­tratýraǵa túse alady. Kele­shekte olar­ǵa jalpy maman­dyq boıyn­sha jumys isteý talaby qoıylady», – dedi or­talyq basshysy. Ǵ.Nyǵmetovtiń aıtýyn­sha, bıylǵy jyly «Bolashaq» baǵ­darlamasyna 23 jyl to­lyp otyr. Osy jyldar ishinde 12 myńǵa jýyq stıpen­dııa bólingen. Shetelde bilim alǵan 9 myń azamat elge oral­ǵan. Qazir 1,5 myń stýdent shetelde oqyp jatyr. Sonymen birge, Ǵ.Nyǵ­me­tov «Bolashaq» baǵ­dar­lamasy Qa­zaqstannyń úl­ken jetis­tigi ekenin atap ótti. «Bolashaq» – elimiz­diń eń ashyq, ádil baǵ­dar­­lama­larynyń biri. Bul baǵ­darlama árbir azamatqa qol­jetimdi. О́z betimen she­tel­­ge oqýǵa tús­ken úmit­ker­ler úshin eki jyl eńbek ótili ta­­laby alynyp tastaldy. Ja­­­­qynda bul jó­ninde Úki­­met­­tiń qaýlysy qabyl­danady. Jalpy, «Bolashaq» baǵ­dar­lamasy «Qazaq­stan-2050», «Nurly Jol», «100 naqty qadam» baǵdar­lamalaryna mamandar daıyndaıdy. Son­dyqtan qazir ınjener-tehnık mamandyqtaryna úlken kóńil bólip jatyrmyz», – dedi Ǵ.Nyǵmetov. Onyń sózine qaraǵanda, 2016 jylǵa 700 stıpendııa bó­linipti. Jyldyń basynda 137 stıpendııanyń ıegerleri anyqtalsa, maýsym-shilde aılarynda ekinshi kezeń boıynsha qujattar qabyldanǵan. Al úshinshi kezeńge qujattar 30 qyrkúıekke deıin qabyl­danyp, qorytyndysy jel­toq­sanda shyǵarylmaq. Joldybaı BAZAR, «Egemen Qazaqstan» Sýretti túsirgen Erlan OMAROV, «Egemen Qazaqstan»