Bolgarııalyq arheologtar Pazardjık qalasynyń mańynan osydan 6500 jyl buryn jasalǵan altyn alqany tapty. Ǵalymdardyń zertteýinshe, bul osyǵan deıingi tabylǵan alqalardyń ishindegi eń eskisi eken.
Buǵan deıin Varnadaǵy kóne qorymnan tabylǵan altyn eń eski zamanǵa tıesili dep sanalǵan edi. Ǵalymdar bizdiń dáýirimizge deıingi 5 myńjyldyqta jer óńdeýmen aınalysqan adamdardyń altynnan buıym jasaýdy qaıdan úırengenin bile almaı, tańǵalysqan bolatyn. Pazardjıkten tabylǵan jádiger bolsa Varna altynynan eki ǵasyr buryn jasalǵany anyqtalyp otyr.
Pazardjık qorymynan altyn alqamen qatar, kóptegen qysh buıymdar, músinder, ydys-aıaqtar tabylypty. Arheologtar bul jerdegi qazba jumystaryn áli birneshe jyl júrgizýdi josparlap otyr. Olar bul qorymda qola dáýirindegi Balqan órkenıetiniń jádigerleri saqtalǵan dep sanaıdy.
Nurıslam ASQAR