Qazaqstan Prezıdenti Nursultan Nazarbaev Reseı Federasııasynyń Prezıdenti Vladımır Pýtınmen kezdesti, dep habarlady Qazaqstan Prezıdentiniń baspasóz qyzmeti.
Kezdesý barysynda memleket basshylary ekijaqty yntymaqtastyqtyń keń aýqymdy máselelerin talqylady, sondaı-aq, óńirlik jáne halyqaralyq kún tártibindegi ózekti máseleler jóninde pikir almasty.
Nursultan Nazarbaev pen Vladımır Pýtın G20, TMD Memleketteri basshylarynyń keńesi jáne Qazaqstan-Reseı О́ńiraralyq yntymaqtastyq forýmy aıasynda ótetin aldaǵy kezdesýlerge daıyndyq barysyn qarastyrdy.
Memleket basshysy Sochı qalasyna shaqyrǵany úshin V.Pýtınge alǵys aıtyp, onyń Reseı óńirlerin damytý jolyndaǵy qajyrly eńbegin atap ótti. Nursultan Nazarbaev ekijaqty yntymaqtastyqtyń qarqynyna rızashylyǵyn bildirip, ony Qazaqstannyń ilgerilete túsýge nıetti ekenin aıtty.
– Bizdiń qarym-qatynasymyz saıası turǵydan da, ekonomıkalyq turǵydan da úlgi etýge laıyq dep sanaımyn. Osy jyldary Qazaqstan men Reseıdiń 6 myń birlesken kásiporny qurylyp, ıntegrasııamyzdyń ómirde naqty iske asqanyn kórsetti. Aldaǵy Qazaqstan-Reseı О́ńiraralyq yntymaqtastyq forýmyna úlken úmit artamyn. Onyń ekonomıkalyq turǵydan mańyzdy kezdesý ekenin bilemin, osyǵan oraı kóptegen jobalar ázirlenýde. Qazirgi máseleler bizdiń úkimetterimiz arqyly sheshimin tabýda. Elderimizdiń mindeti – osyndaı qıyn jaǵdaıda árdaıym birge bolý jáne bir-birimizge kómektesý. Dostyq, yntymaqtastyq pen ózara kómek týraly shartqa jáne HHI ǵasyrdaǵy tatý kórshilik pen odaqtastyq týraly shartqa negizdelgen Qazaqstan-Reseı qarym-qatynasy turaqty bolyp qala beredi. Qazaqstan men Reseı senimdi kórshi ári áriptes bolyp sanalady jáne barlyq máselelerdi órkenıetti elderdegi úlgi boıynsha sheshedi. Reseıdiń Túrkııamen qarym-qatynasy jaqsaryp kele jatqanyna qýanyshtymyn, – dedi Qazaqstan Prezıdenti.
V.Pýtın Qazaqstan Prezıdentine Reseı-Túrkııa qarym-qatynasyn qalpyna keltirý jolyndaǵy qaırat-jigeri úshin alǵys aıtyp, jaǵdaıdy retteýdegi bitimgerlik mıssııasyn atap ótti.
– Kórip otyrǵanymyzdaı, bul qadam jemisti boldy. Biz kóptegen jyldar boıy biregeı yntymaqtastyq qarym-qatynasymyz ben ózara is-qımylymyz ornyqqan dostas Túrkııamen tolyq pishimdegi qarym-qatynasty qalpyna keltirýge rııasyz umtylys jasap otyrmyz. Túrkııa Prezıdenti R.Erdoǵannyń Reseıge sońǵy sapary ekijaqty baılanystardy qalpyna keltirý ǵana emes, ony damytý jóninde de bizdiń tolyqqandy jumys júrgizýge nıetti ekenimizdi dáleldep berdi. Sol úshin Sizge kóp rahmet, – dedi Reseı Prezıdenti.
Budan bólek, V.Pýtın Qazaqstan men Reseı arasyndaǵy strategııalyq seriktestiktiń barlyq baǵyt boıynsha tabysty damyp kele jatqanyna nazar aýdardy.
– Árıne, biz ekonomıkada qıyndyqtarǵa da kezigip turamyz, ásirese, álemdik shıkizat naryǵyndaǵy turaqsyzdyq pen valıýtalyq aýytqý jaǵdaıynda tómendeý baıqalýda. Bul rette naqty kólemi jóninen ol sonshalyqty kóp emes – nebári 7%. Qazirgi yntymaqtastyq tetikteri bizge ony eńserýge múmkindik beredi. Al bizde mundaı tetikter tıimdi jumys isteýde, – dedi Reseı Prezıdenti.
Sýretter Qazaqstan Prezıdentiniń baspasóz qyzmetinen alyndy