Elimizdiń shekarashylary ótken táýlik ishinde ǵana jalpy salmaǵy jarty kılogramdaı bolatyn esirtki zattaryn jasyryn ótkizýge árekettengenderdi ustady.
Naqtyraq aıtqanda, Qazaqstan-Qyrǵyzstan shekarasynyń boıynda ornalasqan «Qordaı-avto» baqylaý-ótkizý beketiniń shekarashylary qyzmettik ıttiń kómegimen Reseı Federasııasynyń 30 jastaǵy azamatyn ustady.
Ol azamat «VAZ-2115» avtokóligimen Qazaqstannan Qyrǵyzstanǵa bara jatyr eken. Al salmaǵy 15 gramm tartqan qarasora tuqymy avtokóliktiń júksalǵyshyndaǵy qolsómkesinen tabyldy.
Dál osy kúni Qarasaı shekara otrıadyna qarasty «Saty» zastavasynyń shekarashylary da Raıymbek aýdandyq ishki ister bóliminiń qyzmetkerlerimen birlese otyryp, 39 jastaǵy taǵy bir azamatty ustady. Ol salmaǵy 500 gramm bolatyn «gashıshti» daıyndap jatqan jerinen qolǵa túsken eken. Bul týraly UQK ShQ baspasóz qyzmeti habarlady.