2015 jylǵy 27 sáýir, Astana qalasy
Keıinnen ótkizýge arnalǵan aýyl sharýashylyǵy janýarlaryn soıýdy uıymdastyrý qaǵıdalaryn bekitý týraly
«Veterınarııa týraly» 2002 jylǵy 10 shildedegi Qazaqstan Respýblıkasy Zańynyń 8-babynyń 42) tarmaqshasyna sáıkes buıyramyn:
1. Qosa berilip otyrǵan Keıinnen ótkizýge arnalǵan aýyl sharýashylyǵy janýarlaryn soıýdy uıymdastyrý qaǵıdalary bekitilsin.
2. Qazaqstan Respýblıkasy Aýyl sharýashylyǵy mınıstrliginiń Veterınarııa jáne tamaq qaýipsizdigi departamenti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr A.MAMYTBEKOV
«KELISILGEN»
Qazaqstan Respýblıkasynyń
Ulttyq ekonomıka mınıstri
______________ E.Dosaev
2015 jylǵy 8 maýsym
Qazaqstan Respýblıkasy Aýyl sharýashylyǵy mınıstriniń 2015 jylǵy 27 sáýirdegi № 7-1/370 buıryǵymen bekitilgen
Keıinnen ótkizýge arnalǵan aýyl sharýashylyǵy janýarlaryn soıýdy uıymdastyrý qaǵıdalary
1. Jalpy erejeler
1. Osy Keıinnen ótkizýge arnalǵan aýyl sharýashylyǵy janýarlaryn soıýdy uıymdastyrý qaǵıdalary (budan ári – Qaǵıdalar) «Veterınarııa týraly» 2002 jylǵy 10 shildedegi Qazaqstan Respýblıkasy Zańyna (budan ári – Zań) sáıkes ázirlendi jáne keıinnen ótkizýge arnalǵan aýyl sharýashylyǵy janýarlaryn soıýdy uıymdastyrý tártibin aıqyndaıdy.
2. Soıý aldynda aýyl sharýashylyǵy janýarlary soıý aldyndaǵy veterınarııalyq qarap tekserýge jáne ushalary men aǵzalaryn soıýdan keıingi veterınarııalyq-sanıtarııalyq saraptaýǵa jatady.
3. Soıýdan keıingi veterınarııalyq qarap tekserý nátıjeleri boıynsha ushaǵa «aldyn ala qarap tekserý» tańbasy qoıylady.
4. Aýyl sharýashylyǵy janýarlaryn soıý aldyndaǵy veterınarııalyq qarap tekserý men ushalar men aǵzalardy soıýdan keıin veterınarııalyq qarap tekserý nátıjelerin veterınarııalyq dáriger «Veterınarııalyq esep pen eseptilik nysandaryn bekitý týraly» Qazaqstan Respýblıkasy Aýyl sharýashylyǵy mınıstriniń 2014 jylǵy 25 aqpandaǵy № 16-07/114 buıryǵyna (Normatıvtik-quqyqtyq aktilerdi memlekettik tirkeý tiziliminde № 9342 bolyp tirkelgen) sáıkes bekitilgen nysan boıynsha, soıylatyn janýarlardy qarap tekserýdiń jáne soıý pýnktteri (alańdary) men et kombınattarynda et jáne et ónimderin veterınarııalyq-sanıtarııalyq saraptaý nátıjelerin esepke alýy jýrnalyna tirkeıdi.
2. Keıinnen ótkizýge arnalǵan aýyl sharýashylyǵy
janýarlaryn soıýdy uıymdastyrý tártibi
5. Keıinnen ótkizýge arnalǵan aýyl sharýashylyǵy janýarlaryn soıý Zańnyń 8-babynyń 46-14) tarmaqshasyna sáıkes bekitiletin veterınarııalyq-sanıtarııalyq saraptama júrgizý qaǵıdalaryn (budan ári – veterınarııalyq-sanıtarııalyq saraptama) jáne Zańnyń 8-babynyń 9) tarmaqshasyna sáıkes bekitilgen veterınarııalyq (veterınarııalyq-sanıtarııalyq) qaǵıdalardy saqtaı otyryp, Zańnyń 8-babynyń 44) tarmaqshasyna sáıkes bekitiletin veterınarııalyq (veterınarııalyq-sanıtarııalyq) normalarǵa jáne Zańnyń 8-babynyń 46-2) tarmaqshasyna sáıkes bekitiletin janýarlardan alynatyn ónim men shıkizatty daıyndaýdy (janýarlardy soıý), saqtaýdy, óńdeýdi jáne ótkizýdi júzege asyratyn óndiris obektilerine qoıylatyn veterınarııalyq (veterınarııalyq-sanıtarııalyq) talaptarǵa (budan ári – veterınarııalyq talaptar) sáıkes keletin soıý pýnktterinde nemese et óńdeý kásiporyndarynda júzege asyrylady.
Sondaı-aq et óńdeý kásiporyndary «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasynyń Kodeksiniń 144-babynyń 6-tarmaǵyna sáıkes bekitilgen halyqtyń sanıtarııalyq-epıdemıologııalyq qaýipsizdigi salasyndaǵy normatıvtik quqyqtyq aktilerge sáıkes kelýi kerek.
6. Soıý pýnktteri nemese et óńdeý kásiporyndary bolmaǵan kezeńde aýyl sharýashylyǵy janýarlaryn soıý jáne janýar men onyń soıylǵan ónimin veterınarııalyq qarap tekserý belgilengen veterınarııalyq talaptarǵa sáıkes keletin soıý alańdarynda (aýyl sharýashylyǵy janýarlaryn soıý alańdarynda) júzege asyrylady.
7. Aýyl sharýashylyǵy janýarlaryn soıý soıý pýnktterinde, et óńdeý kásiporyndarynda nemese «Janýarlar ósirýdi, janýarlardy, janýarlardan alynatyn ónim men shıkizatty daıyndaýdy (soıýdy), saqtaýdy, qaıta óńdeýdi jáne ótkizýdi júzege asyratyn óndiris obektilerine, sondaı-aq veterınarııalyq preparattardy, jemshóp pen jemshóp qospalaryn óndirý, saqtaý jáne ótkizý jónindegi uıymdarǵa eseptik nómirler berý qaǵıdalaryn bekitý týraly» Qazaqstan Respýblıkasy Aýyl sharýashylyǵy mınıstriniń 2015 jylǵy 23 qańtardaǵy № 7-1/37 buıryǵymen (Normatıvtik quqyqtyq aktilerdi memlekettik tirkeý tiziminde № 10466 bolyp tirkelgen) bekitilgen Janýarlar ósirýdi, janýarlardy, janýarlardan alynatyn ónim men shıkizatty daıyndaýdy (soıýdy), saqtaýdy, qaıta óńdeýdi jáne ótkizýdi júzege asyratyn óndiris obektilerine eseptik nómirler berý qaǵıdalaryna sáıkes beriletin eseptik nómirleri bar soıý alańdarynda (aýyl sharýashylyǵy janýarlaryn soıý alańdarynda) júzege asyrylady.
8. Janýarlardy soıý alańdarynda (aýyl sharýashylyǵy janýarlaryn soıý alańdarynda) soıǵan kezde veterınarııalyq dáriger:
aýyl sharýashylyǵy janýarynda jeke nómiriniń, veterınarııalyq pasportynyń jáne aýyl sharýashylyǵy janýarlaryn birdeılendirý jónindegi derekqorda nemese odan alynǵan úzindi-kóshirmede ótkizilgen veterınarııalyq-profılaktıkalyq is-sharalar men dıagnostıkalyq zertteýler týraly málimetterdiń bolýyn tekserýdi;
veterınarııalyq qaǵıdalarǵa sáıkes aýyl sharýashylyǵy janýarlaryn soıý aldynda veterınarııalyq qarap tekserýdi jáne ushalar men ishki aǵzalardy soıýdan keıin qarap tekserýdi, ushalardy tańbalaýdy júrgizedi.
Aýyl sharýashylyǵy janýarlaryn soıý alańdarynda (aýyl sharýashylyǵy janýarlaryn soıý alańdarynda) soıǵan kezde ushasy Zańnyń 8-babynyń 46-4) tarmaqshasyna sáıkes bekitiletin Veterınarııalyq qujattardy berý qaǵıdalaryna (budan ári - Veterınarııalyq qujattardy berý qaǵıdalary) jáne olardyń blankilerine qoıylatyn talaptarǵa sáıkes janýarlardyń, janýarlardan alynatyn ónimder men shıkizattyń veterınarııalyq normatıvterge sáıkestigin anyqtaý jónindegi óndiristik baqylaý bólimshesiniń attestattalǵan veterınarııalyq dárigeri nemese jergilikti atqarýshy organ qurǵan memlekettik veterınarııalyq uıymdardyń veterınarııa salasyndaǵy mamany bergen, janýardy soıý aldynda veterınarııalyq qarap tekserý jáne ushalar men aǵzalardy soıýdan keıin veterınarııalyq qarap tekserý nátıjeleri kórsetilgen tıisti ákimshilik-aýmaqtyq birlik aýmaǵynyń salaýattylyǵy týraly veterınarııalyq anyqtamamen birge júredi.
Aýyl sharýashylyǵy janýarlaryn soıý alańynda (aýyl sharýashylyǵy janýarlaryn soıý alańynda) soıý nátıjesinde alynǵan ushalar men aǵzalar ótkizýdiń aldynda veterınarııalyq-sanıtarııalyq saraptamadan ótedi.
9. Soıý pýnktterinde nemese et óńdeý kásiporyndarynda soıǵan kezde veterınarııalyq-sanıtarııalyq saraptama zerthanasynyń nemese óndiristik baqylaý bólimshesiniń veterınarııalyq dárigeri:
aýyl sharýashylyǵy janýarynda jeke nómiriniń, veterınarııalyq pasporttyń jáne aýyl sharýashylyǵy janýarlaryn birdeılendirý jónindegi derekqorda nemese odan alynǵan úzindi-kóshirmede ótkizilgen veterınarııalyq-profılaktıkalyq is-sharalar men dıagnostıkalyq zertteýler týraly málimetterdiń bolýyn tekserýdi;
veterınarııalyq qaǵıdalarǵa jáne «Saraptama aktisin (synaq hattamasyn) berý qaǵıdalaryn bekitý týraly» Qazaqstan Respýblıkasy Aýyl sharýashylyǵy mınıstriniń 2015 jylǵy 16 qańtardaǵy № 7-1/19 buıryǵymen (Normatıvtik quqyqtyq aktilerdi memlekettik tirkeý tiziminde № 10410 bolyp tirkelgen) bekitilgen Saraptama aktisin berý qaǵıdalaryna (synaq hattamasy) sáıkes janýardy soıý aldynda veterınarııalyq qarap tekserýdi jáne ushalar men ishki aǵzalardy soıýdan keıin veterınarııalyq-sanıtarııalyq saraptaýdy, saraptama aktisin (synaq hattamasyn) berýdi, ushalardy tańbalaýdy júrgizedi.
Aýyl sharýashylyǵy janýarlaryn soıý pýnktterinde nemese et óńdeý kásiporyndarynda soıǵan kezde ushasy veterınarııalyq-sanıtarııalyq saraptama zerthanasynyń nemese óndiristik baqylaý bólimshesiniń saraptama aktisi (synaq hattamasy) negizinde Veterınarııalyq qujattardy berý qaǵıdalaryna sáıkes berilgen veterınarııalyq anyqtamamen birge júredi. Veterınarııalyq anyqtamada saraptama aktisiń (synaq hattamasynyń) berilgen kúni men nómiri kórsetiledi.
10. Janýarlardan alynatyn ónimder (et jáne et ónimderi) men shıkizatty ishki saýda obektilerinde ótkizýge aýyl sharýashylyǵy janýarynyń osy Qaǵıdalardyń talaptaryna sáıkes soıylǵandyǵyn rastaıtyn veterınarııalyq qujattar bolǵan kezde ǵana jol beriledi.
Buıryq Qazaqstan Respýblıkasynyń Ádilet mınıstrliginde 2015 jylǵy 8 shildede Normatıvtik quqyqtyq kesimderdi memlekettik tirkeýdiń tizilimine №11591 bolyp engizildi.