Aq tilek

Jasym 90-ǵa taıasa da, bolyp jatqan oqıǵalarǵa qulaǵym tú­rik, kókiregimniń kózi ashyq. Hal­qy­myzdyń 20 jyl boıy erkindikte, bostan zamanda ómir súrip, elimizdiń órkendep jatqanyna qýanamyn. О́tken jylǵy Astana sam­mıti, EQYU-ǵa tóraǵalyǵy­myz qazaq halqyna úlken ha­lyq­aralyq bedel, abyroı ápergenine de súıindim. Keler jyly 90 jyl­dyǵy bolatyn ózimniń otaǵasym, Qazaqstannyń halyq jazýshysy Safýan Sháımerdenov tiri bolsa, osynyń bárine sózsiz qýanar edi, osy ıgilikti isterdiń bárine eldi jumyldyra bilgen Elbasynyń eren eńbegine qoldaý bildirer edi ǵoı. О́z basym ásirese Nursultan Ábishulynyń eń aldymen, keshegi kóshten qalyp qoıǵan provın­sııa­lyq Aqmolany abattandyryp, ǵajaıyp Astanaǵa aınaldyrýy adam senbesteı oqıǵa boldy dep esepteımin. Muny «ǵasyr qury­lysy» desek te bolady. Sol kezderde ár jerde talqylaýlar jú­rip, úlken jıyn bolyp, astanany Aqmolaǵa kóshirý týraly másele qoıylǵanda Safekeń birden ózi­niń qoldaý sózin aıtqan bolatyn. Búgingi Astanamyzdyń saltanaty Eýropanyń sáýletti qalalarynan bir de kem emestigin kórip te, bilip te júrmiz. Osylaısha bir-birimen sabaq­tas­qan ǵalamat jumystar aıtýǵa ǵana ońaı. Shyn máninde onyń ǵalamattyǵyn kóretin kóz, sezetin júrek kerek. Soǵan qarap keıde osynyń bárine qalaı úlgeredi, osy kisi uıyqtamaıtyn shyǵar dep oılaımyn. Osyndaı sátterde ataqty halyq ártisi, qurmetti Roza Baǵlanova aıtatyn: «Aq patsham!» degen sózi oıǵa oralady. О́te oryndy aıtylǵan teńeý sóz osy. Osy ǵajaıyp Astanamyzda, arý Almatymyzda Azıadanyń ótýi de keremet. Ondaǵy eń basty eńbek te Elbasynyki. Zııaly qaý­ym halyq jazýshysy Safýan Sháımerdenovtiń uly Saıannyń dopty hokkeıden 10 dúrkin KSRO chempıony ataǵyn alǵan, keıin ulttyq áıelder quramasyna bapkerlik etken sporttyń sańlaq tulǵasy bolǵandyǵyn biledi. Aıaýly ulymnyń arýaǵy úshin de el rýhyn taǵy bir kótergen Azıadany ótkizgen Elbasyna basymdy ıemin. Tarıhty paraqtasaq, Amerıka prezıdenti Rýzvelt birneshe ret saılanǵany belgili. Al endi ózimizdiń Buqar jyraý babamyz: «Tóremiz taqtan taımasyn, Toq­sandaǵy qart babań, Topqa jaıaý barmasyn» dep ósıet aıtqan eken. Ata-ana tárbıesin alǵan, ha­lyq unatqan, óte alǵyr da kó­regen saıasatker Nursultan Ábish­uly referendým tóńiregindegi áńgimelerdi salıqaly tujyrym­men óte ádil túıindegeni de kóńi­limizge qonyp otyr. Tek meniń analyq tilegim bireý ǵana: qazaq memleketiniń altyn taǵynda aınalaıyn Nurekeńniń ózi otyra berse eken. Baǵdat ShAIMERDENKELINI, qart pedagog. Almaty.