Rıo-2016 Olımpıadasynda bokstan altyn medal alǵan jerlesimiz Danııar Eleýsinovtiń qurmetine tanymal aqyndar óleń arnap jatyr. Boksshy altyn tuǵyrǵa kóterilgen sátten keıin kóp uzamaı aqyndardyń áleýmettik paraqshasynda jarııalanǵan, shynaıy shabyt pen tolqynystan týǵan óleńderdiń keıbirin oqyrman nazaryna usynǵandy jón kórdik.
Birneshe jyr kitaptarynyń avtory, «Shabyt» halyqaralyq shyǵarmashyl jastar vfestıvaliniń laýreaty Mıras Asan «Kókjal qazaq Danııar» atty óleńinde bylaı deıdi:
— Saq babańnyń altyn bopty kıimi,
Ǵun babańnyń altyn bopty buıymy.
Altyn bizge tańsyq emes,
másele -
Seniń shyqqan tuǵyrynnyń, bıigi!
Bolat bilek Danııar!
Altynǵa qul bolǵan emen saltymda,
Artymda ul
qalsa altyn, ór tulǵa!
Bul jerde de altynda emes másele,
Eluranyn Alashymnyń al, tynda!
О́r, nar ǵajap Danııar!
Búktep soqqan oǵlandardy talaı tik,
Halqyńdy altyn qoıdyń tipti zoraıtyp!
Qoıynyna altyn tyqqan álem tur,
Moıynyńa altyn taqqan seni aıtyp!
Kókjal qazaq Danııar!
Belgili aqyn, Tólegen Aıbergenov atyndaǵy syılyqtyń ıegeri, Halyqaralyq «Shabyt» festıvaliniń 1-dárejeli laýreaty, «Shalqar» radıosynyń bas redaktory Serik Seıitman da jeńimpazdy jyrǵa qosty:
ALTYN ULǴA
Jasa, batyr!
Jasyndaıyn jarqylda!
Jas ta bolsań, sensiń naǵyz nar tulǵa.
Otanyńnyń altyn taqtyń moınyna,
Opasyzdar Otan satsa altynǵa.
Maıda-shúıde maqsatynan mı jaýyr
Maǵan jurttyń maıdalyǵy tıdi aýyr.
Sen qazaqsha án shyrqattyń álemge,
Qazaq tilin mensinbese keı baýyr.
El erkesi, top serkesi tek Sizder,
Erkeleseń qoımaımyz da shek bizder.
Sen Elińdi erligińmen jylattyń,
Esirgennen El jylatsa essizder.
El súısinip erligińe eltýmen,
Kóz-janardan kól tógildi tolqýmen.
Kók baıraqty Olımp-shyńǵa kóterdiń,
Kóp qandasyń kúl tasysa sol Týmen.
Ǵasyrmen teń bul Qudaıdyń bal kúni,
Jasynmen teń janaryńnyń jarqyly.
Jasa!
Jasa!
Jasa máńgi!
Jasaı ber,
Otanymnyń tat baspaıtyn ALTYNY!
Ázirlegen Nurtóre SAMARHAN