Rıo-de-Janeıroda ótip jatqan Olımpııalyq oıyndardyń áıelder kúresinde 75 kıloǵa deıingi salmaqta kúsh synasýshy qazaqstandyq 38 jastaǵy balýan Gúzel Mánúrova fınalǵa shyǵyp, altyn medal úshin kúresetin boldy.
London Olımpıadasynyń qola júldegeri jartylaı fınalda 29 jastaǵy reseılik Ekaterına Býkınany beldesýdiń birinshi kezeńinde 8:1 etip utty. Al ekinshi úsh mınýttyqta onyń qarsylasy 5:0 etip jeńdi. Sonymen, qorytyndy esep 8:6 bolyp turǵanda Gúzel qarsylasynyń jaýyrynyn jerge tıgizip, taza utyp ketti.
О́ziniń birinshi beldesýinde Mánúrova venger Janett Nemetti 12:2 etip tize búktirdi. Sodan keıin 1/4 fınalda Kamerýnniń 31 jastaǵy ókili Annabel Alıdi 8:6 etip jeńdi.
Damır QOJAMQUL