Rıo-de-Janeıroda ótip jatqan Olımpııalyq oıyndardyń boks básekesinde 81 kıloǵa deıingi salmaqta qazaqstandyq Ádilbek Nııazymbetov kúmis medaldiń ıegeri atandy. Ol kýbalyq Hýlıo Sezar La Krýspen shaıqasta 0:3 esebimen utylyp qaldy.
Bul boksshylar buǵan deıin bir-birimen úsh ret kezdesken bolatyn. 2011 jyly Bakýde, 2013 jyly Almatyda ótken álem chempıonattarynda – kýbalyq, 2012 jyly Almatyda oınalǵan Qazaqstan Prezıdenti týrnırinde Ádilbek upaı sanymen jeńiske jetken.
Al olımpııalyq týrnırde birinshi ret kezdesti.
Osymen Ádilbek qatarynan eki Olımpıadada kúmis medaldiń ıegeri atandy. Mundaı kórsetkishti buryn 1996 jyly Atlantada, 2000 jyly Sıdneıde qazaqstandyq Bolat Jumádilov kórsetken edi.
Damır QOJAMQUL