Qola júldeli qaısar qyz

Brazılııa boz kilemindegi beldesýler qaraǵandylyq bal­ýan qyz Elmıra Syzdyqova úshin sátsiz bastaldy. 1/8 fınalda ol reseılik myqty balýan, London-2012 Olımpıadasynyń chempıony, 2015 jylǵy álem chempıo­ny Natalıa Vorobevadan 1:4 esebimen utylyp qaldy. Alaıda, qarsylasy fınalǵa shyǵýy nátıjesinde  joly bolǵan Elmıra jubanysh beldesýin ótkizýge múmkindik aldy. Balýan qyz taǵdyrdyń ózine tosynnan bergen múmkindigine qos qoldap jabysty. Áýeli ol mońǵol sportshysy Ochırbatyn Nasan­býr­mamen boz kilemge shyq­ty. Asa tartysty ótken kúres 2:2 esebi­men teń aıaqtaldy. Tóre­shi­ler aqyl­dasa kelip, kilem ústinde bel­sen­diligimen kózge túsken bizdiń balýanǵa bir upaıdy artyq berip, jeńisti qolyna ustatty. Qarsy aldynan jarq etip juldyz janǵan Elmıra kúshine minip, qola medal úshin bolǵan beldesýde Mysyr eliniń qyzy Enas Mostafa Iýssef Ahmedti 7:4 esebimen bet qaratpaı utty. Sóıtip, Qaraǵandynyń qaı­sar qyzy jeńis tuǵyrynyń úshinshi satysyna kóterilip, Qazaq eliniń júlde qorjynyna 12-shi medaldy saldy. Elmıra Soltústik Qazaqstan oblysynyń týmasy bolsa da Qara­ǵandy ony «О́zimizdiń qaısar qyz» dep oryndy maqtan etedi. Segizinshi synypta oqyp júrgeninde áke­si Elmırany Qaraǵandyǵa alyp kelip, Álııa Moldaǵulova atyn­daǵy sportqa beıimdi, daryn­dy balalarǵa arnalǵan oblys­tyq mamandandyrylǵan mektep-ın­ter­nattyń kúres bólimine bergen eken. Bul jerde Vladımır Staro­selskıı syndy bilikti bap­ker­diń qaraýynda jattyqty. Eń alǵashqy iri jarysy – Tashkentte ótken kadetter arasyndaǵy Azııa chempıonatynda top jarǵan Elmıra jurttyń nazaryn ózine birden aýdartty. Sol kezdiń ózinde-aq ol bolashaǵynan mol úmit kúttirgen balýandar sanatyna qosyldy. Jalpy, óziniń 24 jasyna de­ıin Elmıra Syzdyqova kúres áleminde talaı bıikterdi baǵyn­dy­ryp úlgergen. 2012 jyly jasóspirimder arasynda Azııanyń chempıony atandy. Arada bir jyl ótkende Golden Gran-prı – 2013 týrnıriniń kúmis júldegeri atandy. 2014 jyly eresekter arasynda Azııa chempıonatynda baq synap, júldeli úshinshi orynǵa taban tiredi. Sol jyly Mońǵolııada ótken Gran-prı jarysynda qarsy­lastarynyń bárin qırata jeńip, altyn medaldy utyp aldy. Bir jyldan keıin Azııa chempıonatynda kúresip, tek fınalda ǵana qarsy­lasyna jol berdi. Bıylǵy jyl Elmıra úshin asa tabysty jyldardyń biri boldy. Aldymen ol I.Iаrygınniń júl­desi úshin ótken Gran-prı týrnırin­de top jarsa, odan keıin Azııa chem­pıonatynda taǵy da kúmis júl­dege qol saldy. Al 18-20 naý­ryzda Astanada ótken lısenzııa­lyq týrnırde sátti óner kórset­ken Elmıra Rıo-2016 Olımpıa­da­sy­nyń joldamasyn jeńip aldy. Jalpy, Elmıra 69 kılo sal­maqta elimiz boıynsha óziniń myqtylyǵyn kilem ústinde talaı márte dáleldedi. Mysaly, ol Taraz qalasynda ótken Qazaqstan chempıonatynda óz salmaǵyndaǵy 14 balýannyń ishinen úzdik shyqty. – sportpen birge bilimdi de qatar alyp júr­gen aqyldy qyzdardyń biri. Ol E.Bóketov atyndaǵy QarMÝ-dyń dene tárbıesi jáne sport fakýl­te­tin támamdaǵan. Qazir Qaraǵandy eko­no­mıkalyq ýnıversıtetinde ekin­­shi joǵary bilim alý úshin oqyp júr. Qaırat ÁBILDINOV, «Egemen Qazaqstan»  QARAǴANDY Sýretti túsirgen Danııar MAILYBAEV