Turǵyn úı qurylysymen tanysty

Parlament Senatynyń depýtattary Rashıt Ákimov pen Jabal Erǵalıev Aqmola oblysynda jumys babyndaǵy sapar­men boldy, dep habarlady osy palatanyń baspasóz qyzmeti. Senatorlar aımaqtyń áleý­mettik-ekonomıkalyq jaǵ­daıymen tanysýdy oblys ortalyǵy Kókshetaý qalasynan bastady. Depýtat­tar «Saryarqa» shaǵyn aýdanyn­daǵy turǵyn úı­lerdiń qurylys alań­daryn­da bolyp, jańadan salyn­ǵan bala­lar baqshasy men órt són­dirý de­po­s­ynyń ǵımarattarymen tanysty. Kókshetaý sút zaýyty men «Bıjan» et kombınatynyń eńbek ujym­­­darymen kezdesý barysyn­da shaǵyn jáne orta bıznesti damy­tý, ha­lyqty jumysqa ornalas­tyrý máse­le­leri kóterildi. Depýtat­­­tar et jáne sút ónimderiniń ón­diri­sin ke­le­­shek­te ulǵaıtýǵa nazar aýdar­dy. R. Ákimov pen J. Erǵalıev Arshaly aýdanyndaǵy «jasyl teh­nologııaǵa» bet burǵan Vıacheslav orta mektebinde boldy. Bul oqý ornynda tamshylatyp sýarý júıesi jáne kún energııasyn paıda­laný arqyly oqýshylardyń ózderi kókónister men jemis ósiretin óz jylyjaıy bar. Aqmola oblystyq máslıhatynyń depýtattarymen kezdesýde parla­ment­shiler Parlamenttiń joǵarǵy palatasynyń zań shyǵarý qyzmeti jumysynyń nátıjeleri týraly áńgimeledi. J.Erǵalıev, sonymen qatar, Kókshetaý qalasynda Qurylysshylar kúnine arnalǵan saltanatty jına­lysqa da qatysty. Senator óz sózin­de Memleket basshysy qurylys sala­syna jáne jastar men halyqtyń áleýmettik álsiz toptaryn turǵyn úı­men qamtamasyz etýge basa nazar aýda­ryp otyrǵanyn atap ótti.