2016 jylǵy 30 maýsym, Astana qalasy
«Qazaqstan Respýblıkasynyń azamattary bolyp tabylatyn balalardy asyrap alýǵa berý týraly ruqsat berý múmkindigi (múmkin emestigi) týraly qorytyndy beretin komıssııa qyzmetiniń qaǵıdalaryn jáne quramyn bekitý týraly» Qazaqstan Respýblıkasy Bilim jáne ǵylym mınıstriniń 2015 jylǵy 16 qańtardaǵy № 13 buıryǵyna ózgerister engizý týraly
buıyramyn:
1. «Qazaqstan Respýblıkasynyń azamattary bolyp tabylatyn balalardy asyrap alýǵa berý týraly ruqsat berý múmkindigi (múmkin emestigi) týraly qorytyndy beretin komıssııa qyzmetiniń qaǵıdalaryn jáne quramyn bekitý týraly» Qazaqstan Respýblıkasy Bilim jáne ǵylym mınıstriniń 2015 jylǵy 16 qańtardaǵy № 13 buıryǵyna (Qazaqstan Respýblıkasynyń Normatıvtik quqyqtyq aktilerdi memlekettik tirkeý tiziliminde № 10288 bolyp tirkelgen, Qazaqstan Respýblıkasy normatıvtik quqyqtyq aktileriniń «Ádilet» aqparattyq-quqyqtyq júıesinde 2015 jylǵy 3 naýryzda jarııalanǵan) mynadaı ózgerister engizilsin:
buıryqtyń taqyryby mynadaı redaksııada jazylsyn:
«Qazaqstan Respýblıkasynyń azamattary bolyp tabylatyn balalardy asyrap alýǵa berý týraly ruqsat berý múmkindigi (múmkin emestigi) týraly qorytyndy beretin komıssııanyń qyzmeti men quramyn aıqyndaýdyń qaǵıdalaryn bekitý týraly»;
1-tarmaq mynadaı redaksııada jazylsyn:
«1. Qosa berilip otyrǵan Qazaqstan Respýblıkasynyń azamattary bolyp tabylatyn balalardy asyrap alýǵa berý týraly ruqsat berý múmkindigi (múmkin emestigi) týraly qorytyndy beretin komıssııanyń qyzmeti men quramyn aıqyndaýdyń qaǵıdalary bekitilsin.»;
kórsetilgen buıryqpen bekitilgen Qazaqstan Respýblıkasynyń azamattary bolyp tabylatyn balalardy asyrap alýǵa berý týraly ruqsat berý múmkindigi (múmkin emestigi) týraly qorytyndy beretin komıssııa qyzmetiniń qaǵıdalarynda jáne quramynda:
taqyryby myndaı redaksııada jazylsyn:
«Qazaqstan Respýblıkasynyń azamattary bolyp tabylatyn balalardy asyrap alýǵa berý týraly ruqsat berý múmkindigi (múmkin emestigi) týraly qorytyndy beretin komıssııanyń qyzmeti men quramyn aıqyndaýdyń qaǵıdalary»;
3-tarmaq mynadaı redaksııada jazylsyn:
«3. Komıssııanyń negizgi fýnksııalary:
1) Qaýlyǵa sáıkes qorǵanshylyq jáne qamqorshylyq jónindegi fýnksııalardy júzege asyratyn organdardy (budan ári – organ) balalardy qorǵanshylyqqa nemese qamqorshylyqqa otbasyna, patronattyq tárbıege ne balany qabyldaıtyn otbasyǵa ornalastyrý boıynsha qoldanylǵan sharalary týraly tyńdaý;
2) jetim balalar men ata-anasynyń qamqorlyǵynsyz qalǵan balalardy (budan ári – balalar) asyrap alýǵa berý týraly ruqsat berý múmkindigi (múmkin emestigi) týraly qorytyndy daıyndaý bolyp tabylady.»;
5-tarmaq mynadaı redaksııada jazylsyn:
«5. Komıssııa aýdannyń, oblystyq, respýblıkalyq mańyzy bar qalanyń, astananyń jergilikti atqarýshy organdarynyń janynan qurylady.
Oblystyń bilim basqarmasynyń, aýdannyń, oblystyq, respýblıkalyq mańyzy bar qalanyń, astananyń bilim bóliminiń basshysy (komıssııa tóraǵasy), qorǵanshylyq jáne qamqorshylyq jónindegi fýnksııalardy júzege asyratyn maman (komıssııa hatshysy), jergilikti atqarýshy organdarynyń, ishki ister organdarynyń jáne balalardyń quqyqtaryn qorǵaý máselelerimen aınalysatyn úkimettik emes uıymdardyń ókilderi komıssııaǵa kiredi.
Komıssııa músheleri komıssııa otyrystaryna almasý quqyǵynsyz qatysady.»;
7-tarmaq mynadaı redaksııada jazylsyn:
«7. Komıssııada qaraýǵa jatatyn qujattardy (balanyń týý týraly kýáliginiń kóshirmesi, balanyń áleýmettik jaǵdaıyn rastaıtyn qujattar, on jasqa tolǵan balanyń asyrap alýǵa kelisim berýi týraly ótinishi) aýdannyń, oblystyq, respýblıkalyq mańyzy bar qalanyń, astananyń organy daıyndaıdy jáne olar túsken sátten bastap on jumys kúni ishinde qaralady.
Komıssııa qaraýyna túsken materıaldardyń ýaqtyly jáne sapaly qaralýyn qamtamasyz etý maqsatynda komıssııa tóraǵasy men músheleri olardy jeti jumys kúni ishinde aldyn ala zerdeleıdi.
Qaraýǵa túsken materıaldardy aldyn ala zerdeleý prosesinde komıssııa:
komıssııa otyrysyna shaqyryp alynýǵa nemese shaqyrylýǵa jatatyn adamdar tobyn;
materıaldardyń ýaqtyly jáne durys qaralýy úshin mańyzy bar mán-jaılardy qosymsha tekserýden ótkizý, sondaı-aq qosymsha materıaldardy talap etý qajettigin aıqyndaıdy.»;
10-tarmaq mynadaı redaksııada jazylsyn:
«10. Komıssııa qabyldaǵan sheshim osy Qaǵıdalarǵa qosymshaǵa sáıkes Qazaqstan Respýblıkasynyń azamaty bolyp tabylatyn balalardy asyrap alýǵa berý týraly ruqsat berý múmkindigi (múmkin emestigi) týraly qorytyndy nysanda (budan ári - qorytyndy) resimdeledi.
Qorytyndy kóshirmesi úsh jumys kúni ishinde organǵa jiberiledi.».
2. Balalardyń quqyqtaryn qorǵaý komıteti (M.S. Ábdikárim) zańnamada
belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde osy buıryqtyń kóshirmesin «Ádilet» aqparattyq-quqyqtyq júıesinde jáne merzimdi baspa basylymdarynda resmı jarııalaý úshin elektrondyq tasymaldaǵyshta eltańbaly mórmen kýálandyrylǵan qaǵaz danasyn qosa bere otyryp joldaýdy;
3) tirkelgen osy buıryqty alǵan kúnnen bastap bes jumys kúni ishinde Qazaqstan Respýblıkasy Bilim jáne ǵylym mınıstrliginiń mórimen rastalǵan jáne osy buıryqqa qol qoıýǵa ýákiletti adamnyń elektrondyq sıfrlyq qoltańbasymen kýálandyrylǵan baspa jáne elektrondyq túrdegi kóshirmelerin Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin joldaýdy;
4) osy buıryqty Qazaqstan Respýblıkasy Bilim jáne ǵylym mınıstrliginiń ınternet-resýrsynda ornalastyrýdy;
5) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin on jumys kúni ishinde Qazaqstan Respýblıkasy Bilim jáne ǵylym mınıstrliginiń Zań qyzmeti jáne halyqaralyq
yntymaqtastyq departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri E.A.Sýhanberdıevaǵa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Bilim jáne ǵylym mınıstri E.SAǴADIEV
Buıryq Qazaqstan Respýblıkasynyń Ádilet mınıstrliginde 2016 jylǵy 5 tamyzdaǵy Normatıvtik quqyqtyq kesimderdi memlekettik tirkeýdiń tizilimine №14078 bolyp engizildi.