Beıjiń-2008 Olımpıadasynyń qola júldegeri Nurbaqyt Teńizbaev Rıoda búgin kilemge shyǵyp, birinshi beldesýlerinde qarsylastarynan utylyp, jarys jolynan shyǵyp qalǵan qazaqstandyq erkin kúres sheberleri Aslana Kahıdze men Dáýlet Shabanbaıdyń úmitti aqtamaǵanyn aıtty.
«Shabanbaı da, Kahıdze de birinshi jekpe-jekterinde Belarýs palýandarymen kezdesti. Biz olarǵa úlken úmit artyp edik. Ekeýi de uıatqa qaldyrdy», - dedi Teńizbaev «Habar» arnasynyń tilshisine.
Eske sala keteıik, Olımpıadada 86 kg salmaqta synǵa túsken Kahıdze – Omargadjı Magomedovke, al 125 kg salmaqta kúresken Shabanbaı Ibragım Saıdovke utyldy.
Kelesi raýndta bulardyń ózderi de jeńilip qalǵandyqtan, qazaqstandyq palýandar jubanysh fınalyna shyǵa almady.
Damır QOJAMQUL