Búgin Rıo-de-Janeıroda boksshylar básekesinde fınalǵa shyqqan eki bylǵary qolǵap sheberi Olımpıadanyń eki dúrkin chempıony atandy.
Atap aıtqanda, áıelder arasyndaǵy saıysta 51 kıloǵa deıingiler jekpe-jeginde fransııalyq Sara Oýrahmondy 3:0 (39:37, 39:37, 39:37) etip utqan 33 jastaǵy ulybrıtanııalyq Nıkola Adams, erler arasyndaǵy tartysta 56 kıloǵa deıingi salmaqtaǵy amerıkalyq Shakýr Stevensondy 2:1 (29:28, 29:28, 28:29) etip tize búktirgen 22 jastaǵy kýbalyq Robeısı Ramıres (sýrette) osyndaı ataqqa qol jetkizdi. Bulardyń ekeýi de budan buryn, 2012 jyly London Olımpıadasynda da top jaryp edi.
Endi 75 kg salmaqta kýbalyq Arlen Lopes pen ózbek Bektemır Melıkýzıevtiń arasynda ótetin taǵy bir fınaldyq shaıqas bar.
Damır QOJAMQUL