Fýtboldan Brazılııa quramasy óziniń tarıhynda birinshi ret Olımpııalyq oıyndardyń chempıony atandy. Ol Rıo-de-Janeıronyń «Marakana» stadıonynda Germanııa terme jamaǵatymen ótken fınaldyq oıynda penaltıler serııasy boıynsha jeńiske jetti.
Matchtyń negizgi jáne qosymsha ýaqyttary 1:1 esebimen teń aıaqtaldy. Brazılııalyq forvard Neımardyń 27-mınýtta soqqan golyna nemister 60-mınýtta Maksımılıan Meıerdiń týra soqqysy arqyly jaýap qaıtardy. Biraq budan keıin eki jaqqa da shabýyldan nátıje shyǵarýdyń oraıy kelmedi. Ekstra-taımda da tablodaǵy esep ózgere qoıǵan joq.
Qarsylastar penaltıler serııasyn besinshi soqqyǵa deıin múltiksiz oryndap turdy. Alań ıeleriniń qaqpashysy Veverton sol kezde germanııalyq Nıls Petersenniń soqqysyn qaıtara bildi. Al sońǵy soqqyǵa kelgen Neımar múlt ketken joq. Sóıtip, penaltıden 5:4 etip utqan Brazılııa quramasy óziniń tarıhynda birinshi ret Olımpıada chempıony degen ataqqa qol jetkizdi.
Damır QOJAMQUL