The Washington Post gazeti «Obama sheginip júrgende, Pýtın Reseıdiń uly derjava mártebesin qaıtaryp aldy» dep jazdy.
О́tken aptada Reseı bombardırovshıkteri sodyrlardyń Sırııadaǵy pozısııalaryna shabýyl jasaý úshin Irandaǵy avıabazalardan ushyp shyqty. AQSh memlekettik departamenti munyń ózderin tań qaldyrmaıtynyn kórsetetin túr tanytty, shyn máninde ol qaıran qalýǵa tıis edi, dep jazdy The Washington Post osyǵan oraı.
Basylym atap kórsetkendeı, qazir Taıaý Shyǵystaǵy ahýal barynsha qarqyndy qımylmen ózgeriske túsip barady. Buǵan deıin 40 jyl boıy AQSh pen Egıpet alıansy baqylaýǵa alyp turǵan aımaqtaǵy oqıǵalarǵa endi Reseı men Iran egelik ete bastady. Avtordyń pikirinshe, bul – Barak Obamanyń basshylyǵymen AQSh-tyń Iranmen ıadrolyq kelisim jasasýǵa, Iraktan áskerlerdi shyǵarýǵa jáne Sırııada «barynsha is-qımylsyz júrýge» jibergen segiz jyldyq sheginisteri men qysqartýlarynyń nátıjesi.
Maqala avtory sonymen qatar Reseı prezıdenti Vladımır Pýtınniń Taıaý Shyǵystaǵy tabystaryn tańdanyspen atap kórsetedi. Ol alyp Keńes Odaǵy taraǵannan keıin, birneshe jylyn ishki soǵystarǵa arnaǵannan keıin álsirep qalǵan Reseıdi basqarýdy qolyna alǵan memleket basshysy oǵan jurttyń sanaspaýyna bolmaıtynyndaı uly derjava mártebesin alyp bergenin moıyndaıdy.
Sholýshy osy jerde Pýtınmen salystyrǵanda, Obamanyń osy segiz jyldyń ishinde eshqandaı sheshýshi is-áreket jasaı almaǵanyn, munyń ornyna áldeqandaı bir halyqaralyq arbıtrdyń rólin atqaryp, «bári de qarbalas» qaǵıdatymen ómir súrgenin atap ótti. Sonyń nátıjesinde «Ýkraına bólshekke túsip ketti, Shyǵys Eýropa qurdymǵa keter aldynda tur, Sırııa qańqaǵa aınaldy, Iran Irakty jutyp bara jatyr, Reseı men Iran Taıaý Shyǵystyń soltústiginde shabýyl jasaýǵa kóshti».
Murat AITQOJA