Rıo-de-Janeırodaǵy Olımpııalyq oıyndarda medaldar esebi boıynsha ázirge Kýba quramasynan keıin ekinshi bolyp kele jatqan Qazaqstan boksshylarynyń úshtik quramynan da shyǵyp qalýy múmkin.
Dál qazir resmı túrde ekinshi bolyp sanalǵandarymen, olardyń qorytyndy kestede keminde bir «altynnan» bólek taǵy úsh kúmis medali bola alatyny aıdan anyq ózbek terme jamaǵatyn alǵa salyp, úshinshi pozısııaǵa ketetini eshqandaı kúmán týdyrmaı otyr. Sebebi, qazir 1 kúmis medali bar О́zbekstannyń taǵy eki boksshysy fınalǵa shyqqan. Tipti solardyń ekeýi birdeı jeńilip qalǵan kúnniń ózinde bizden alǵa shyǵyp ketedi. Budan basqa, áli altyn medal úshin kúresetin boksshysy bar Reseı quramasy da Qazaqstan komandasynyń aldyna túsip kete alady. Eger Mısha Aloıan fınalda jeńse, bul eldiń quramasy ekinshi orynǵa bir-aq kóteriledi. Biraq bul jaǵdaıda asa aýyr salmaqtaǵy brıtanııalyq Djo Djoıs fransýz Tonı Iokony, 64 kg salmaqtaǵy ázerbaıjandyq Lorenso Sotomaıor ózbek Fazlıddın Gaıbnazarovty utýǵa tıis. Mundaı múmkindikke Ulybrıtanııa boksshylary da ıe.
Qazir kósh basynda 3 altyn medali bar Kýba boksshylary keledi.
Al jalpy medaldar sanyna kelsek, О́zbekstan quramasynda, fınalǵa shyqqan ekeýdi qosyp eseptegende, 7 medal bar. Kýba – 6, Qazaqstan men Fransııa – 5, Reseı 4 medalmen týrnırdi qorytyndylaıdy.
Damır QOJAMQUL