Búgin túnde túriktiń Gazıantep qalasynda ótip jatqan úılený toıy kezinde kúshti jarylys jasalǵany týraly vıdeo jazba áleýmettik jelilerge tarady.
RIA «Novostı» agenttiginiń jazýynsha, qaıǵyly oqıǵa toıdyń naǵyz qyzǵan kezinde oryn alǵan.
Zalda jarylystyń qulaq tundyratyn qatty daýsy estilisimen jurt ne bolǵanyn bilmeı, jan-jaqqa qasha bastaǵan. Vıdeodan sondaı-aq toı saltanaty júrip jatqan jerdiń óte tar ekeni de baıqalady. Sonyń saldarynan jurtty syrtqa shyǵarýda biraz qıynshylyqtar týǵan. Keptelis bul prosestiń tez júzege asýyna kedergi keltirgen.
Aldyn ala esep boıynsha, keminde 30 adam osy teraktiniń qurbany bolyp, taǵy 90 adam ártúrli dene jaraqattaryn alǵan.
Túrkııa prezıdenti Redjep Taııp Erdoǵan jarylystyń syrtynda «Islam memleketi» dep atalatyn terrorlyq uıym sodyrlary turǵanyn málimdedi.
Murat AITQOJA
https://youtu.be/0F2ZeqgNT6o