Italııanyń áıgili opera ánshisi Danıela Dessı senbi kúni Breshıa qalasyndaǵy klınıkada jasy 60-qa qaraǵan shaǵynda qaıtys boldy. Bul týraly jýrnalısterge ánshimen sońǵy 15 jyl boıy birge ómir súrip, tvorchestvolyq baılanysta bolǵan tenor Fabıo Armılıato jetkizdi.
Lırıkalyq-dramalyq soprano daýysty Dessı kompozıtorlar Maskanıdiń, Pýchchını men Leonkavallonyń operalyq partııalaryn álemdegi eń úzdik oryndaýshylardyń birinen sanalyp keldi. Ol keremet daýsy bolýymen birge, akterlik talanty jaǵynan da erekshe bolyp kórinetin.
Dessı 1957 jylǵy 14 mamyrda Genýıa qalasynda týǵan. Ol toǵyz jasynan bastap-aq óziniń opera ánshisi bolatynyn jaqsy bildi. Ánshi birinshi úlken syılyǵyn 1980 jyly Italııanyń Rai memlekettik televıdenıesi uıymdastyrǵan halyqaralyq konkýrsta jeńip aldy.
Ánshiniń repertýarynda Mosarttan Verdıge, Monteverlıden Prokofevke deıingi uly kompozıtorlardyń 60-tan astam operalary boldy. Ol álemniń eń úzdik operalyq teatrlarymen birlese jumys jasady. Bulardyń qatarynda Mılannyń «La Skala», Nıý-Iorktiń «Metropolıten-opera», Berlındegi «Nemis operasy» teatrlary bar.
Murat AITQOJA
https://youtu.be/X4cCF6tN_Qs