Taldyqorǵan qalalyq kóp salaly aýrýhanasynyń ashylý saltanatyna qala turǵyndary men qonaqtary osylaı jınaldy. Halyqtyń osy bir qýanyshyn bólisip tól mindetin oryndaýǵa óńir basshysy arnaıy keldi. Jón. Negizi qurylysshynyń eńbegi jarysa boı kótergen nysandarynyń ádemiligimen, árqandaı salany qamtyǵandyǵymen de baǵalanady ǵoı. Desek, Almaty oblysynyń ákimi Amandyq Batalovtyń jyldar boıy etken eńbeginiń jemisin taldyqorǵandyqtar búgingi múmkindikti paıdalana ashyq aıta bildi. Muny eldiń rııasyz peıili dep túsingen durys. Olaı bolatyny jyldar boıy etken eńbeginiń jemisi bıyl erekshe kórindi. Taldyqorǵandy túrlentip, zaman talabyna saı ári respýblıkamyzdaǵy birden bir Oqýshylar saraıy boı kóterip, paıdalanýǵa berildi. Qaratal ózeniniń Taldyqorǵan qalasynyń tusynan ótetin arnasyn boılata ózindik úılesimin taýyp jaınap, merekelik sharalardy ótkizetin jáne turǵyndar erteli-kesh serýendeıtin gúljıek qandaı tamasha boldy. Endi mine, Taldyqorǵan qalalyq kópsalaly aýrýhanasynyń ashylý saltanaty ótýde.
«Elbasynyń tapsyrmasyna sáıkes, memlekettik baǵdarlama aıasynda bıylǵy jyly altynshy nysandy ashyp otyrmyz. Bul nysannyń arhıtektýralyq jobasyn elimizdegi jetekshi sáýletshilermen birlese talqylaı otyryp, bekitken edik. Alla násip etip, bastaǵan isimizdi aıaǵyna deıin jetkizip, taldyqorǵandyqtarǵa taǵy bir tartý jasadyq. Zaman talabyna saı salynǵan kópsalaly aýrýhanany durys paıdalanyp, saqtaı bilý kerek. Sóz reti kelgende osy oıymdy ushtaı tússem, mundaı nysandar aldaǵy ýaqytta da boı kóteredi. Naqtylaı tússem, Almaty – О́skemen kúrejolymen Taldyqorǵan qalasyna kire beriste jeke tulǵalar qurylys jumysyn bastaǵan 25 qabatty qonaq úıdi memleket menshigine alyp, Taldyqorǵan qalalyq ákimdiginiń quzyryna berdik. Qaratal ózeniniń Taldyqorǵan qalasynyń tusynan óter salalarynyń arasynan Shveısarııadaǵydaı ádemiligimen kórgen jannyń kózin toıdyratyndaı sýburqaq salamyz. О́zimiz bastaǵan teatr jumysyn aıaǵyna deıin jetkizemiz. Sonymen qatar, Raıymbek aýdany, Narynqol aýylyna baratyn kúre joldy tolyq jóndep, sol aýylda osydan biraz jyl buryn bastalyp, aıaqsyz qalǵan sý júıesin de bıyl tolyq bitirip, narynqoldyqtardy aýyz sýmen qamtamasyz etemiz. Bul jumystardyń barlyǵyna «Nurly Jol» baǵdarlamasy arqyly 37 mlrd teńgeni bıýdjetten qosymsha aldyq. Oblys ortalyǵy Taldyqorǵan qalasyna kóship kelgende bıýdjetimiz 24-27 mln. teńge edi. Al qazir 4 mlrd. teńgeniń ústine shyqty. Bile bilsek bul Elbasynyń sarabdal saıasatynyń jemisi», dedi Amandyq Batalov.
Kelesi kezekte, medısına salasynyń ardageri Shaımerden Sadyqov dúıim jurttyń aldyna shyǵyp: «Densaýlyq saqtaý salasynyń sımvoly – aq halat. Osy aq halatty kirletpeńizder dárigerler. Jastar oqýdan jalyqpańyzdar. Eń bastysy shet elden oqyp, kórip kelgenderińizdi áriptesterińizge úıretińizder. Qadirli dárigerler, halyqty qınamańyzdar. Ár adamnyń óz násibi bolady. El bolǵan soń túrli áńgime aıtylady. Biraq sizderge taǵy qaıtalap aıtam aq halatty kirletpeńizder. Taldyqorǵanymyzdy túrlentken óńir basshysyna halyqtyń atynan aıtarymyz tek alǵys», dedi ardager-dáriger.
Negizi, 33885,6 sharshy metr jerdi alyp jatqan ǵımarat 9,3 mlrd teńgege salyndy. 12 bólimshede stasıonarlyq joǵary mamandandyrylǵan medısınalyq kómek, stasıonardy almastyrýshy qyzmetteri kórsetiledi. Árqaısysy úsh qabattan turatyn 4 korpýsty aýrýhanadaǵy jaıly bólmelerde 300 tósek qoıylǵan. Magnıtti-rezonanstyq tomograf, kompıýterlik tomograf, eksperttik klastaǵy ÝDZ, Eksımer Lazer, endobeınehırýrgııalyq qurylǵy, barokamera, gemodıalızge arnalǵan apparat, rentgenologııalyq qural-jabdyq, ottegi-stansasy sekildi zamanaýı qondyrǵylar retimen ornatylyp, iske qosylǵan. Jas mamandar meńgerip te alǵan tárizdi. Endigi talap sol qundylyqty durys paıdalanyp, halyq qajettiligin óteý kerek. Tilin bilý, ıaǵnı qondyrǵy jazýyn durys oqý basty másele bolyp sanalady.
«Ýaqyt talabyna saı salynyp, paıdalanýǵa berilgen asa iri kóp salaly aýrýhananyń ashylǵanyna qýanyshtymyn. Bul jerde zamanaýı qadamdar jasaýǵa múmkindikter mol . Joǵary deńgeıli mamandandyrylǵan, salalarǵa qoljetimdilik ornady. Sondyqtan jan-jaqtyly bilikti mamandardy daıyndaý kerek dep sanaımyn. Sol mamandar myna kóp salaly aýrýhanada ornatylǵan zamanaýı qondyrǵylardy jete meńgerip, durys oqı, uǵa bilse, jumys ta alǵa jyljyp beredi. Qan tamyrlaryna, mıkrohırýrgııalyq nerv júıesine qatysty salalardyń jete meńgerilgeni abzal. Keýdeni ashpaı aq ishki kletkalaryn emdeýde dárigerlerge - jetistik, emdelýshilerge - shıpa qonýyna tilektespin», dedi Vladımır Kraısman «Nur-Aveseným» medısınalyq ortalyǵynyń dırektory, medısına ǵylymdarynyń kandıdaty.
Qoryta aıtqanda, qalyptasqan dástúr boıynsha qurylysshylar ókili jańadan salynǵan ǵımarattyń sımvolıkalyq kiltin Taldyqorǵan qalalyq kópsalaly aýrýhanasynyń dırektory Sáýle Qusmoldanovaǵa eldiń aldynda tapsyrdy. Bul degenimiz, el senimin arqalaý bolyp sanalady. Dárigerlik antqa adaldyq tanytyp, aq halatqa kir túsirmeý ekeni taǵy bar. Taǵy bir qýanysh – osy kóp salaly aýrýhanaǵa qyzmetke ornalasqan 7 dárigerge Taldyqorǵan qalasynan 7 páter kiltin óńir basshysy tapsyrdy.
Nurbol ÁLDIBAEV
Taldyqorǵan
Foto: Jumabaı MUSABEKOV