Halyqaralyq Túrki akademııasynyń uıymdastyrýymen «Tıan-Shannan О́týkenge deıin: Uly dala halyqtarynyń tarıhı-mádenı qazynalary» dep atalǵan ǵylymı-tanymdyq ekspedısııa jumysyn bastady. Jaqynda ǵana ózara yntymaqtastyq týraly memorandýmǵa qol qoıǵan "Egemen Qazaqstan» gazeti men «Qazaqstan» telearnasy osy sharaǵa birlesken aqparattyq qoldaý kórsetetin bolady.
Bul sapar barysynda Ázerbaıjannan, Reseıden, Túrkııadan, Qyrǵyzstannan kelgen ǵalymdar men BAQ ókilderi Mońǵolııadaǵy tarıhı oryndarǵa arnaıy barady. Atap aıtqanda, Kúltegin, Tonykók, Bilgeqaǵan keshenderi syndy túrki halyqtaryna ortaq tarıhı-mádenı jádigerlermen tanysady. Jalpy túrkitaný baǵytynda atqarylyp jatqan ǵylymı jumystar men izdenisterdi saralap, dóńgelek ústel májilisteri men konferensııalar ótkizedi.