Bıýdjet qaıta pysyqtaldy

Ol Memleket basshysynyń tapsyrmalaryn júzege asyrý maqsatyn kózdeıdi Premer-Mınıstr Kárim Másimovtiń tóraǵalyǵymen burnaǵy kúni ótken Úkimet otyrysynda «Qazaqstan Respýblıkasynyń «2011-2013 jyldarǵa arnalǵan res­pýblıkalyq bıýdjeti týraly» zańǵa ózgerister men tolyqtyrýlar engizý týraly» zań jobasy maquldandy. Elbasy Nursultan Nazarbaev Qazaqstan halqyna arnaǵan «Bolashaqtyń irgesin birge qalaımyz» atty Joldaýynda jáne «Nur Otan» HDP HIII sezinde sóılegen sózinde Úkimet aldyna birqatar naqty mindetter qoıǵan bolatyn. Osy mindetterden týyn­da­ǵan baǵdarlamalar jedel túrde daıyn­da­lyp, talqylaýdan ótti. Bul baǵdar­la­ma­lardyń barlyǵy qarjylyq qoldaýdy qajet etedi. Sondyqtan 2011-2013 jyldarǵa ar­nalǵan respýblıkalyq bıýdjetke túzetýler engizý qajet, dedi Úkimet basshysy oty­rysty ashqan kirispe sózinde. Mundaı óz­ge­rister engizýge 2010 jylǵy ekonomı­ka­nyń ósýi jáne 2011 jylǵa arnalǵan makro­eko­nomıkalyq esepter múmkindik berip otyr. Ekonomıkalyq damý jáne saýda mınıstri Janar Aıtjanovanyń málimdeýinshe, 2011 jyldyń alǵashqy aıynda qysqa merzimdi ekonomıkalyq ındıkator ótken jyl­dyń sáıkes merzimimen salystyrǵanda 106,9 pa­ıyz­dy quraǵan. О́nerkásip óndirisi 5,8 paıyz, qurylys jumystarynyń kólemi 2,2 paıyz, bólshek saýdadaǵy taýar aınalymy 11,1 paıyz, kólik qyzmeti 7 paıyzǵa artqan. Al­ǵash­qy aıdyń osyndaı kórsetkisheri 2011 jy­ly ekonomıkanyń ósimi 5 paıyz kóle­min­de bolady dep boljam jasaýǵa múmkindik beredi. Ekonomıkalyq damý jáne saýda mı­nıstrliginiń boljamy boıynsha, bıylǵy jy­ly aýylsharýashylyq ónimderiniń kóle­mi 5,0 paıyzǵa jáne ónerkásip óniminiń kóle­mi 4,8 paıyzǵa óspek. Munaı óndirý 81 mıllıon tonna kóleminde bolmaq. Bıylǵy jyly eksport kólemi 59 058,4 mıllıon dollar, taýar ımportynyń kólemi 33 768,9 mıllıon dol­lar kóleminde bolady dep boljanýda. Úkimet otyrysynda Qarjy mınıstri Bolat Jámishev   joǵaryda atalǵan zań jo­ba­syn tanystyrdy. Onyń aıtýynsha, 2011 jylǵy respýblıkalyq bıýdjettiń túsimi 4 trıllıon 249,3 mıllıard teńge nemese qol­danystaǵy bıýdjetten (4 trıllıon 041,4 mıllıard teń­ge) 207,9 mıllıard teń­­ge­ge artyq boljanyp otyr. Respýb­lı­ka­lyq bıýd­jet­tiń shyǵysy 4 trıllıon 945,1 mıllıard teńge nemese bu­ryn bekitilgen mólsherden 301,3 mıllıard teńge ar­tyq bolmaq. So­nymen birge bıýdjet túsi­mine 2010 jyldan qal­­ǵan 82,9 mıllıard teńge qar­jy da qosylady. Joba boıynsha respýb­lı­kalyq bıýdjet­tiń shy­ǵys bóliginde basymdyq berilgen baǵ­dar­lamalar da anyqtaldy. Negizinen bıýdjette qarastyrylǵan qarjy bilim berý salasyna (20,5 mıllıard teńge), densaýlyq saqtaý sala­syna (7,1 mıllıard teńge), tur­ǵyndardy ju­mys­pen qamtý baǵ­dar­lamansyn is júzine asyrý­ǵa (40,2 mıllıard teńge) jumsal­maq. Údemeli ındýstrııa­lyq-ınnovasııalyq damý baǵdarlamasyna 56,9 mıllıard teńge, aýyl sharýashylyǵy salasyn damytýǵa 15,2 mıllıard teńge, eldi mekenderdi sapaly aýyz sýmen qamta­ma­syz etýge 8,2 mıllıard teńge qaras­ty­ryl­ǵan. Memleket basshysynyń Jol­daýynan týyndaıtyn tur­ǵyn-úı kommýnaldyq sa­lany damytýǵa jáne jyljymaıtyn múlik rynogyn qoldaýǵa 75 mıllıard teńge, daǵ­da­rystan keıingi turaq­tandyrýdyń jańa baǵ­darlamasyna 8,8 mıllıard teńge, «Eńbek ónimdiligi-2020» baǵdarla­masyna 15 mıllıard teńge, gıdro­teh­nıkalyq qondyrǵy­lar jáne ózen jaǵa­laýlaryn bekitý shara­laryna 9,9 mıllıard teńge jumsalmaq. «Eńbek ónimdiligi-2020» baǵdarlamasy­nyń negizgi maqsaty turǵyndardy turaqty jumyspen qamtý arqyly el ekonomıkasyna qarqyndy damý úderisin berý bolyp taby­lady. Elbasynyń Joldaýynan týyndaǵan turǵyn úı qurylysyn qoldaý baǵdarla­ma­synyń aıasynda 2011 jyly 6 mıllıon shar­shy metr turǵyn úı qoryn paıdalanýǵa berý kózdelgen. Bul baǵdarlama sheńberinde 500 myń sharshy metr turǵyn úı qory memlekettik baǵdarlama boıynsha respýblıkalyq bıýdjet qarjysy esebinen qamtamasyz etiledi. 2,3 mıllıon sharshy metr turǵyn úı qory úleskerlerdi memleket tarapynan qoldaý baǵdarlamasy aıasynda júzege asy­rylmaq. Al 400 myń sharshy metr turǵyn úı qory kommersııalyq negizde júzege asyryl­maq. 2,8 mıllıon sharshy metr tur­ǵyn úı qory jeke menshik negizde júzege asyrylmaq. Memleket basshysynyń «Nur Otan» HDP HIII sezinde sóılegen sózinen týyn­daıtyn mindetterge baılanysty elimizde «Eńbek ónimdiligi-2020» baǵdarlamasy qabyldanyp, júzege asyryla bastady. Bul baǵdarlama Elbasynyń 2010 jylǵy 19 naýryzda ja­ryq­qa shyqqan elimizdi údemeli ın­dýs­trııa­lyq-ın­no­vasııalyq damytý baǵ­dar­lama­synyń sheń­berindegi belgilengen min­det­terdi júzege asy­rýǵa arnalǵan. Al «Eń­bek ónimdi­li­gi-2020» baǵ­darlamasynyń negizgi maqsaty elimizde budan buryn qabyldanǵan daǵdarysqa qarsy «Bıznestiń jol kar­tasy-2020» baǵdar­la­masynyń jal­ǵasy bo­lyp tabylady. Sonymen birge, qaıta pysyqtalǵan res­pýblıkalyq bıýdjet aıasynda Almaty qala­syna 12,1 mıllıard teńge bólindi. Onyń ishinde Almaty metropolıtenine 2,1 mıllıard teńge, «Áıgerim» turǵyn úı keshenin aıaqtaýǵa 2 mıllıard teńge bólinbek. Al Astana qalasynyń qurylysyn damytýǵa, onyń ishinde №2 JEO-ny qaıta jaraq­tan­dyrýǵa 3,3 mıllıard teńge, úleskerlerdiń qatysýy­men  salynatyn turǵyn úı qury­lysyn aıaq­taý­­ǵa 2 mıllıard teńge bólinbek. Úkimet oty­rysynda Elbasynyń Qazaqstan halqyna ar­naǵan «Bolashaqtyń irgesin birge qalaı­myz» atty Joldaýynan jáne «Nur Otan» HDP HIII­ sezinde sóılegen sózinen týyndaıtyn mindetter qarjylyq jaǵynan tolyq qamta­ma­syz etilip, naqty júzege asyrý baǵytynda tııanaqty sheshimder qabyldandy. Úkimet músheleri jan-jaqty talqylaý­dan keıin  «Qazaqstan Respýblıkasynyń 2011-2013 jyldarǵa arnalǵan respýb­lı­kalyq bıýdjeti týraly» zańyna ózgerister men tolyqtyrýlar engizý týraly» zań jo­ba­syn tolyq maquldap, bekitti. Sonymen birge Úkimet otyrysynda Indýstrııa jáne jańa tehnologııalar vıse-mınıstri  Nur­mu­ham­bet Ábdibekov «Eńbek ónim­diligi-2020» baǵdar­la­masynyń jobasymen tanystyrdy. Jylqybaı JAǴYPARULY.