Astanadaǵy «Jas ulan» respýblıkalyq áskerı mektebinde oqýǵa túsý úshin talap kúsheıdi. Qazir áskerı bolǵysy keletin bozbalalar kún saıyn kezeń-kezeńnen ótýde. Bıylǵy jyly oqýǵa túsý úshin bir orynǵa 10 adam úmittenip otyr.
2016 jyly «Jas ulan» respýblıkalyq mektebine 52 adam qabyldanady. Mektep bastyǵynyń oqý jumystary jónindegi orynbasary, podpolkovnık Hamıt Baıkenovtiń aıtýynsha, qazir 500-ten asa bozbala qujat tapsyrǵan. Endi olar irikteýdiń tórt kezeńinen múdirmeı ótýleri qajet. Talakerler aldymen kásibı psıhologııalyq, logıkalyq oılaý boıynsha testileýden ótedi. Sodan keıin olardyń dene daıarlyǵy men densaýlyǵy tekseriledi. Osylardyń bárinen ótse, talapker mandattyq komıssııanyń sheshimimen oqýǵa qabyldanady.
Sonymen birge ol jetim balalarǵa, qyzmettik mindetterin oryndaý barysynda qaza bolǵan áskerı qyzmetshiler men 10 jyldan astam ýaqyt áskerde qyzmet etip kele jatqan adamdardyń balalaryna, halyqaralyq, respýblıkalyq, prezıdenttik olımpıadalar men ártúrli baıqaýlardyń jeńimpazdaryna, úzdik dıplomy, sporttyq dárejeleri bar balalarǵa oqýǵa túsý úshin jeńildikterdiń jasalatynyn aıtty.
Byltyr «Jas ulan» mektebine qabyldaý erejeleri ózgertildi. Sol kezden beri orta mektepte 9-synypty bitirgen balalar qabyldanyp keledi. Saǵadat Nurmaǵambetov atyndaǵy «Jas ulan» respýblıkalyq mektebinen 15 jylda 600-den asa tárbıelenýshi túlep shyqty. Búgingi tańda «Jas ulan» mektebiniń kóptegen túlekteri sheteldiń joǵary áskerı oqý oryndaryna túsip, elimizdiń Reseı Federasııasy men basqa da elderdiń áleýetti qurylymdarynda qyzmet etip jatyr. Olardyń kóbisi elimizdiń Qarýly Kúshteri áskerı bólimderiniń komandırleri. Joǵary ofıserlik ataqtary men memlekettik nagradalary bar.
Dastan KENJALIN