Jerlesimiz – «Jańa tolqynnyń» júldegeri

Astananyń 11 jasar turǵyny Janel Sádýaqas Qyrymda ótken halyq­­aralyq «Balalar Jańa tolqyny-2016» jas oryndaý­shy­lar baıqaýynda júldeger atandy. Jas ónerpazdyń byltyrǵy «Jańa tolqyn» baıqaýynda ekinshi oryn ıelengen qazaqstandyq ánshi Dınara Qaıyrovanyń shákirti ekenin aıta ketken jón. «Baıqaý­ǵa qaty­sýymyzdyń maqsaty – Janel­di oryndaýshy retinde odan ári damytý, jańa deńgeıge shyǵý, je­tek­shi prodıýserlermen jumys isteý. Men Janeldiń ónerin asa jo­ǵary baǵalaımyn, óıtkeni, «Bala­lar Jańa tolqynyna» qaty­sý­dyń ózi jeńis, al júldeli orynǵa ıe bolý – úlken jetistik. Bul onyń shyǵarmashylyq jolynda baǵyn­­dyrǵan taǵy bir belesi, endi odan ári eńbektenip, vokaldyq sheber­li­gin shyńdaýǵa sep bolady», – deıdi ol. «Balalar Jańa tolqynyna» álemniń 11 elinen 8-12 jas araly­ǵyndaǵy 15 bala qatysty. Baıqaýǵa Evgenıı Krylatov, Lev Leshenko, Irına Dýbsova, Sergeı Lazarev jáne Fılıpp Kırkorov qazylyq etti. Qazylar alqasynyń tóraǵasy – Reseıdiń halyq ártisi, prodıýser, kompozıtor Igor Krýtoı. Sonymen, balalar án baı­qaýyn­da birinshi oryndy Reseı konkýrsant­tary – 12 jastaǵy Alekseı Zabý­gın jáne «EI’VA» trıosy bólisti. Ekinshi oryn Maltadan kelgen 10 jasar Eıla Manjon men Arme­nııa­nyń 8 jasar óreni Mıhaıl Grıgorıan­ǵa buıyr­dy. Al júldeli úshinshi oryndy elimizdiń namysyn qorǵaǵan Janel Sadýaqas pen 10 jasar reseılik Marııa Mırovaıa ıelendi. «Egemen aqparat»