Bıyl Kókshetaý tehnıkalyq ınstıtýtynyń birinshi kýrsyna 143 kýrsant qabyldandy. Saltanatty ant qabyldaý rásiminde, olardyń 32-sine Reseıdiń sáıkes kásiptegi joǵary oqý oryndarynda bilim alýǵa joldama berildi.
Atap aıtqanda, Reseı TJM memlekettik órtke qarsy qyzmetiniń Sankt-Peterbýrg ýnıversıteti men Azamattyq qorǵanys akademııasynda – 10, TJM О́rtke qarsy qyzmet akademııasynda – 12 jáne TJM Oral ınstıtýtynyń kúndizgi bóliminde 10 qazaqstandyq kýrsant bilim alatyn bolady.
Kýrsanttardyń ata-analary, týǵan-týystary, komandırleri qatysqan saltanatty sharada Kókshetaý tehnıkalyq ınstıtýty bastyǵynyń mindetin atqarýshy, azamattyq qorǵanys polkovnıgi Kendebaı Raıymbekov joldama ıelerine bilim men kásibı sheberliktiń qasterli jolynda nyq qadam basyp, bıik senimnen kórinýlerine tilektestik bildirdi.
Baqbergen AMALBEK,
«Egemen Qazaqstan»
Aqmola oblysy