Ǵalymǵa qurmet

L.N.Gýmılev atyndaǵy Eýrazııa ulttyq ýnıversıtetinde akademık Rymǵalı Nurǵalı atyndaǵy dárishana ashyldy Qazaqstannyń halyq jazý­shy­sy, memleket jáne qoǵam qaı­rat­keri Ábish Kekilbaev: «Qa­dirli qaýym, búginnen bastap Rymǵalı Nurǵalı tarıhtyń menshigine aınaldy. Buǵan deıingi onyń sóı­legen sózi, aıtqan pikirleriniń barlyǵy bizdiń kóz aldymyzda tur. Al sóılegen sóz­deri men eńbekteri endi Rym­ǵalı Nurǵalı atyndaǵy dáris­hana bolyp sóı­le­mek. Rymǵalı­dyń máńgilik ómiri jasaı bersin! Jazǵan dúnıesi arttaǵy ur­paqqa juǵysty bol­syn! Shá­kirt­teri onyń sózi men pikirin damytyp, órbitip júr­sin!» degen aq batasymen dá­ris­hanany ashty. Budan keıin dáris­hanada  «Rymǵalı Nurǵalı mura­sy já­ne qazirgi ádebıettanýdyń kó­keı­kesti má­se­leleri» atty res­pýblıkalyq ǵy­lymı-teorııalyq kon­ferensııa ótti. Onda Máde­nı­et mınıstri Muhtar Qul-Mu­ham­med, Parlament depý­tat­tary Ád­il Ahmetov, Ýálıhan Qalıjan, akademık Jabaıhan Ábdildın,  ta­nymal qalamger Sul­tan Orazalınov, «Egemen Qazaq­stan» res­pýblıka­lyq gazeti» AQ prezıdenti Saý­yt­bek Abdrahmanov, taǵy basqa­lar sóz sóılep, baıandama jasady. Ádebıettaný men til bili­mi­niń ózekti máselelerine arnal­ǵan kon­ferensııada sóılegen sózinde Muhtar Qul-Muhammed: «Shyn­dy­ǵynda Rymǵalı Nurǵa­lı naǵyz alashshyl azamat edi. Sonaý Ke­ńes zamanynda Alash bolasha­ǵyna naǵyz jany ashy­ǵan adam­nyń biri de osy  Rym­ǵalı Nur­ǵa­lı boldy. Ol óz zamanynan ozyp týǵan tulǵa edi» dese, senator Ádil Ahmetov: «О́ldi deýge bola ma, oı­lańdarshy, ólmeıtuǵyn ar­tyna sóz qaldyrǵan» dep Abaı aıt­qandaı, birqatar Alash aza­mat­­taryn zerttegen tulǵanyń ar­tyn­da qanshama eńbekteri tur­ǵanda óldi deýge kelmes. Aldaǵy ýaqytta  osy dárishana arqyly talaı urpaq osy jerden bilimge sýsyndaıtyn bolady», deı kele, ǵalymnyń eki kitabyn dá­ris­ha­naǵa, naqtyraq aıtqanda, ýnıversıtet rektory Baqytjan Ábdi­raı­ymǵa tartý etti. Joǵary deńgeıde jasaq­tal­ǵan dárishanada akademık ómiri men shyǵarmashylyǵynan syr sher­te­tin maǵlumattardyń bári bar. Dá­rishana qabyrǵasyna ja­ǵalaı il­in­gen akademıktiń shy­ǵarma­shy­ly­ǵy jaıly aqparat­tar men eńbek­terine arnalǵan kitap sóreleri óz deńgeıinde jabdyq­tal­ǵan eken desek, bul dárishana aldaǵy ýaqytta ǵalym eńbekterin ulyqtaýmen qa­tar, keıingi jas­tarǵa bereri mol oıly ustahana bolady degen  oıdamyz. Talant ıesin udaıy dáripteý, nasıhattaý bul kúnde erekshe mańyzǵa ıe. Bul – jastardy tárbıeleýde tap­tyrmas múmkindik. Tek ádebıet­tanýshy ǵana emes, fılo­so­fııa­lyq qyrynan da kórine bilgen akademık Rymǵalı Nurǵalıdyń boıyna bitken qarapaıym­dy­lyǵy, adamgershilik ustanym­dary, týa bitken talanty men ty­nymsyz eńbegi keleshek urpaqqa juǵysty bolsyn. Juldyz BAIDILDA.