Brazılııanyń Rıo-de-Janeıro qalasynda ótken Olımpııalyq oıyndardyń izi sýymaı jatyp, birqatar elderdiń sportshylary dúbirli dodada jeńip alǵan júldelerinen aıyrylyp jatyr. Halyqaralyq dopıngke qarsy agenttik sportshylardyń júldesin tyıym salynǵan medısınalyq preparattardy qoldanǵany úshin tartyp alyp otyr.
Solardyń biri – Qyrǵyzstannyń aýyr atleti Izzat Artyqov Olımpıadada alǵan qola medalinen aıyryldy. Halyqaralyq dopıngke qarsy agenttiktiń Arbıtrajdy soty sportshynyń qanynan strıhnın dárisiniń tabylǵanyn aıtyp, ony qola júldeger ataǵyna laıyqsyz dep tanydy. Strıhnın – ýly dári. Solaı bola tura, adam ony qajetti mólsherde qabyldasa, onyń dene jáne júrek bulshyq etterine jaqsy áser etedi. Bul dári sportshylar arasynda HIH ǵasyrdyń sońy men HH ǵasyrdyń basynda keńinen taralǵan. Sodan keıin ol jan-janýarlar men jándikterge qarsy pestısıd retinde qoldanylǵan. Iаǵnı, ýlaý úshin paıdalanylǵan. Keńes Odaǵy kezinde dári egeýquıryqtardy óltirý úshin satylǵan.
Endi Izzat Artyqov atalǵan agenttiktiń Arbıtrajdy sotynyń sheshimimen belgili bir merzimge sporttan shettetildi. Ol Olımpıadada 69 kıloǵa deıingi salmaqta kúsh synasyp, Qyrǵyzstanǵa jalqy júlde jeńip alǵan bolatyn.
Dastan KENJALIN