Fýtzaldan Qazaqstan ulttyq quramasy Taılandta ótken halyqaralyq týrnırdiń jeńimpazy atandy.
Týrnır Taılandtyń astanasy - Bankgok qalasynda ótti. Oǵan Taıland, Iran, Japonııa men Qazaqstan quramalary qatysty. Alǵashqy matchta elimizdiń bas komandasy Iran komandasymen kezdesip, 3:3 esebimen teń oınady. Ekinshi oıynda Japonııa quramasyn 9:0 esebimen jeńse, úshinshi kezdesýde alań ıelerimen 3:3 esebimen teń tústi.
Bul synǵa Qazaqstan quramasy álem chempıonatyna daıyndyq retinde qatysty. Álem dodasy 10 qyrkúıek pen 2 qazan aralyǵynda Kolýmbııada ótedi. Onda Qazaqstan toptyq týrnırde Argentına, Kosta-Rıka men Solomon araldary quramalarymen kezdesedi.
Dastan KENJALIN