Premer-Mınıstr Kárim Másimov Qaraǵandy oblysyna jumys sapary aıasynda óńirdegi metallýrgııa salasynyń damý áleýetin baǵalady.
Pm.kz-tiń málimetinshe, «Qazaqmys Korporasııasy» JShS basqarma tóraǵasy Bahtııar Qyryqpyshev Úkimet basshysyna kompanııanyń qurylymdyq bólimsheleriniń jáne tústi metallýrgııanyń álemdik naryqtaǵy jáne elimizdegi áleýeti jóninde baıandady.
Onyń aıtýynsha, ótken jyly korporasııanyń bólimsheleri, sonyń ishinde Jezqazǵan mys qorytý zaýyty shamamen 223 myń tonna katodty mys óndirgen, bul – jospardaǵy kórsetkishten 3 paıyzǵa artyq. Suranys pen baǵanyń tómendigine qaramastan, kásiporyn toby mys óndirisin 2014-2015 jyldardyń kólemimen birdeı deńgeıde ustap turýǵa nıetti.
2016 jyldyń alǵashqy jartyjyldyǵynda korporasııa bólimsheleri 111 myń tonna katodty mys óndirdi, bul ótken jyldyń sáıkes kezeńimen salystyrǵanda 8 paıyzǵa artyq.
Aıdar О́RISBAEV