Syn túzeldi...

Kezinde Ońtústik Qazaqstan oblysynyń mádenıet jáne óner salasyndaǵy oı­sy­rap ketken olqylyq­tardy «Egemen Qa­zaq­stan» gazeti biraz-biraz shym­shyp-shy­m­shyp ja­zyń­qyraǵan. Dástúrli án óneriniń ógeısip, dás­túrli án­shilerdiń kó­rinbeı qal­ǵanyn. Bul jó­ninde Jambyl men Qyzylorda oblystarynyń ozyp ketkenin. Jumat Shanın atyndaǵy oblys­tyq qazaq drama teatry men opera jáne balet teatryndaǵy ká­sibı-kórkemdik deńgeıdiń quldy­raǵanyn... Jaqynda oblystyq máde­nıet basqarmasynyń jyldyq ese­bi alqaly jıyn retinde, ja­rııaly túrde ótti. Oǵan barlyq aýdandar men qalalardyń tıisti basshylary, zııaly qaýymnyń, mádenıet jáne óner salalary­nyń, jalpy jurtshylyqtyń ókil­deri kóptep qatysty. Bas­qarma bastyǵy Kúlııa Aıdarbe­kovanyń baıandamasy bastan-aıaq ótkir synǵa quryldy. Jarys­sózge shyqqandar da naqty-naqty usynystar bildirip, qundy-qundy oı-pikirler óristetti. Oblys ákiminiń orynbasary Álı Bektaev oblystyq fılarmonııany, oblys­tyq qazaq drama teatryn, ázil-syqaq teatryn, Jetisaı drama teatryn, taǵy basqa da birtalaı mekemelerdi Ońtústiktiń óner ordalary deýdiń ózi keı retterde uıat sııaqty seziletinin aıtyp, qat­ty qynjylys bildirdi. Sony­men qatar, oblystyq mádenıet bas­qar­masy men ákimdikterdiń, ózge de tıisti oryndardyń jergilikti aqyn-jazýshylarmen birlese ju­mys isteýdi, qamqorlyq ja­saýdy múlde umyt qaldyrǵanyn da eske saldy. Budan birazyraq buryn ǵana oblystyq fılarmonııaǵa dástúrli ánshi Meıirbek Bekbaevtyń dırektor, ob­lys­tyq dramteatrǵa da­ryndy rejısser Er­ǵalı Orazymbetovtiń kór­kemdik jetekshi, salı­qaly kadrlar sa­na­tyn­daǵy Bastarbek Pi­rim­betovtiń dırektor, ope­ra jáne balet teatryna tanymal talant ıeleri Ábdihan Nurma­ǵambetov pen Imanáli Saparov­tyń basshy bop ta­ǵaıyn­dal­ǵanyn, jalpy bıyl má­denıet basqarmasy bıýd­je­tiniń 2 mıllıard teńgeni qurap otyr­ǵanyn eskersek, Ońtústik ónerindegi qı­salańdaǵan kóshtiń tezdetip túze­lerine sengińiz keledi-aq. Eń bastysy, syn túzeldi. «Syn túzelmeı, min túzel­meıdini» qaıran qazaq beker aıtpaǵan shyǵar. Marhabat BAIǴUT.