Armııalar alamany

Astanada Qor­ǵanys mınıstri I.Tas­maǵambetov­tiń bas­shy­lyq etýimen Armııa halyqaralyq oıyn­darynyń qo­rytyndysy shyǵa­ryldy. Onda aıaq­talǵan is-shara­nyń negizgi máseleleri qaraldy. Qazaqstan Respýblıkasynyń aýmaǵynda Armııa halyqaralyq oıyndary baıqaýy aıaqtalǵannan keıin oǵan qatysýshy elderdiń ókilderi jasalǵan jaǵdaıdy jáne saıystaǵy obektıvti tóreshilikti joǵary baǵalady. «Konkýrs básekelik jáne dostyq jaǵdaıda ótti.  Tóreshiler men is-sharany ótkizý týraly qaǵıdalar jáne erejeler jaq­sy daıyndalǵan», – dep «Mergen shebi» baıqaýyna qatysty Úndistan komandasynyń jetekshisi polkovnık Dj. Sıngh atap ótti. «Tóreshiler alqasynyń jumysy joǵary deńgeıde uıymdastyryldy. Qazaqstandyq tóreshiler saıysqa túsken komandalarǵa qazylyq jasaǵan kezde ádildigin pash etti. Oıyndar qaı jaǵynan alyp qaraǵanda da joǵary deńgeıde uıymdastyryldy», dedi top bastyǵy, Belarýs Respýblıkasy bólimshesiniń komandıri podpolkovnık B.Bratsın. О́zge elderdiń ókilderi de ózderiniń jyly lebizderin bildirdi. Máselen, olardyń qatarynda Grekııa Qarýly kúshteriniń ókili, aǵa leıtenant F.Pavlos, Mońǵolııa komandasynyń jetekshisi polkovnık B.Hadbaatar, Qyrǵyz Respýblıkasy komandasynyń basshysy polkovnık B.Jýnýsalıev, t.b. bar. «Artıllerııalyq oq atý sheberleri» men «Mergen shebi» baıqaýlary­nyń jeńimpazdaryn marapattaý Qazaqstannyń «Gvardeısk» polıgonynda ótkenin esterińizge sala keteıik. Otarda Armııa halyqaralyq oıyndary sheńberinde alǵash ret artıllerııashylar men mergenderdiń baıqaýlary ótti. 12 eldiń komandalary arasynda ymyrasyz báseke júrdi. 278 áskerı qyzmetshi fızıkalyq kúsh pen tózimdilik, kásipqoılyq pen áskerı sheberlik baǵyttarynda baq synasty. Jarystar kúndizgi jáne túngi ýaqyttarda ótti. Kelesi jyly Qazaqstan Armııa halyqaralyq oıyndaryn óz jerin­de jańartylǵan baǵdarlama boıynsha ótkizetinin aıta keteıik.  Áskerı polıgondarymyzdyń aýmaǵynda alǵash ret 5 baıqaý ótetin bolady. Onyń 3-eýi – pishimi men qatysýshylary turǵysynan tyń, jańa saıys­tar. Alǵash ret Armııa halyqaralyq oıyndarynyń baǵdarlamasyna brondalǵan avtomashı­nalardaǵy rallı, Ulttyq ulan ásker­leriniń konkýrsy, sondaı-aq áıel áskerı qyzmetshilerge arnalǵan arnaıy baıqaý – kópsaıys qosylady. «Egemen-aqparat»