Italııada bolǵan alapat jer silkinisinen qaza bolǵandar sany 247 adamǵa jetti, dep habarlady qutqarýshylarǵa silteme jasaǵan «Frans Press» aqparat agenttigi.
Buǵan deıin qutqarýshylar zilzala saldarynan qaza bolǵandar sany 159-ǵa jetkeni jáne 368 adamnyń jaraqat alǵany týraly habarlanǵan bolatyn. Al iz-tússiz joǵalǵandardyń naqty sany ázirge belgisiz. Sondyqtan apattan qaza bolǵandar sany áli kóbeıýi múmkin. Ulttyq azamattyq qorǵanys qyzmetiniń ókili Fabrısıo Kýrsıonyń aıtýynsha, qutqarý jumystary túnde de jalǵasqan.
Eske sala keteıik, magnıtýdasy 6,1 baldy quraǵan jer silkinisi Italııanyń Perýdja qalasynyń ońtústik-shyǵysynda tirkelgen bolatyn. Onyń epısentri Rım qalasynan soltústik-shyǵysqa qaraı 116 shaqyrymda, al dúmpý oshaǵy 10 shaqyrym tereńdikte bolǵan.
Aıdar О́RISBAEV