Túıindi máselelerdi talqylady

Parlament Senatynyń depýtattary Rashıt Ákimov pen Jabal Erǵalıev Aqmola oblysynyń Qorǵaljyn jáne Selınograd aýdandarynda boldy, dep habarlady osy palatanyń baspasóz qyzmeti. О́ńirlerge sapar barysynda Senat depýtattary Qorǵaljyn aýdanynda Memlekettik qyzmet isteri mınıstrliginiń Aqmola oblysy boıynsha ekonomıkalyq jáne sybaılas jemqorlyq qylmysqa qarsy kúres departamenti men Aqmola oblystyq ákimdigi birlesip ótkizip jatqan «Adal jol» sybaılas jemqorlyqqa qarsy forýmǵa qatysty. Memlekettik qyzmetkerler men jastar, quqyq qorǵaý organdarynyń qyzmet­kerleri qatysqan aýdandyq forýmda qazirgi ýaqytta elimizde sy­baılas jemqorlyq sııaqty keleń­sizdikke qarsy aıaýsyz kúres júr­gizilip jatqandyǵy atap kórse­tildi. Bul keselge qarsy kúreske barlyq qoǵamdy jumyldyrýdyń mańyzdylyǵy kóldeneń tartyldy. Qorǵaljyn aýdanynyń orta­lyǵynda jeke kásipker Sáýle Beıisova basqaryp otyrǵan «Aq­bo­taqan» atty jekemenshik balalar baqshasynyń jumysymen tanysqan senatorlar qazirgi kezde bul uıymda 100 balanyń tár­­bıelenip jatqandyǵyn kórdi. Ba­labaqsha osy zamanǵa laıyq­ta­lyp jabdyqtalǵan. Kásipkerge memlekettik qoldaý da jasalyp keledi. «Sabyndy» aýylyndaǵy dárigerlik emdeý mekemesinde osy eldi mekenniń jáne kórshi aýyl­dardyń halqyna sapaly dáriger­lik qyzmet kórsetiledi. Emdeý me­kemesiniń bas dárigeri Maral Ar­qabaeva qazir munda joǵary bi­limdi dárigerler qyzmet jasap jat­qanyn jáne qajetti jabdyq­tardyń jetkilikti ekenin aıtyp, senatorlardyń nazaryn aýyl dárigerlerin pátermen qamta­masyz etý máselesi qıyn bolyp tur­ǵandyǵyna aýdardy. 2010 jyldan beri jumys istep kele jatqan «Astana Agro­pro­dýkt» JShS-niń ónimderine degen suranys jyl saıyn artyp keledi. Negizinen, et jáne et ónim­derin óńdeýmen aınaly­satyn bul kásiporynnyń ónim­deri «Baqara» atty saýda marka­symen belgili. Qazir munda shujyq­tyń 40 túri men 60 túrli «halal» et ónimderi shyǵarylady. Kásip­orynnyń ónimderi Halyq­arlyq «Ekologııalyq taza ónim» aka­demııa­synyń reestrine tirkelgen. Bulardyń óz mal bordaqylaý alań­­dary, mal soıatyn, ónim óńdeı­tin sehtary bar. Barlyq tehnolo­gııalyq júıe jabdyqtary Germa­nııadan alynyp, ornatylǵan. Byltyr kóktemgi qar sýynan zardap shekken Selınograd aýdanynyń Orazaq aýylynda bolǵan senatorlar aýyl turǵyn­darymen kezdesti. Olar zardap shekken turǵyndar úshin salyn­ǵan turǵyn úılerdi aralap kórdi. Aýyl turǵyndary asa qıyn kezeńde ózderine qamqor­lyq jasaǵan Elbasyna shynaıy rı­zashylyqtaryn bildirdi. Qazir aýyldy kórkeıtý jáne kógaldandyrý jumystary júrip jatyr. Senatorlar qus etin óndirip jatqan kásiporynda jáne aýdan ortalyǵy Aqmol aýylynda jańadan salynyp jatqan aýdan ákimdiginiń, meshittiń qurylys alańdarynda, jazǵy stadıonda boldy. Parlament depýtattary óz saparlary kezinde jergilikti turǵyndardyń saýaldaryna jaýap berip, Senattyń zań shyǵarý qyzmetiniń barysymen tanystyrdy.