2016 jylǵy 31 naýryz, Astana qalasy
Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasy qyzmet qaǵıdalaryn bekitý týraly
«Bilim týraly» 2007 jylǵy 27 shildedegi Qazaqstan Respýblıkasynyń Zańy 5-1-babynyń 3) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasy (budan ári – Akademııa) qyzmet qaǵıdalary bekitilsin.
2. Akademııanyń Rektory U.S. Baıjanov:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy;
3) osy buıryqty Qazaqstan Respýblıkasy Ádilet mınıstrliginde alǵan kúnnen bastap bes jumys kúni ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine ornalastyrý úshin «Qazaqstan Respýblıkasy Ádilet mınıstrliginiń respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy;
4) osy buıryqty Qazaqstan Respýblıkasy Bas prokýratýrasynyń ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Bas Prokýrorynyń birinshi orynbasary I.D. Merkelge júktelsin.
4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Bas Prokýrory A.DAÝYLBAEV
Qazaqstan Respýblıkasy Bas Prokýrorynyń 2016 jylǵy 31 naýryzdaǵy № 65 buıryǵymen bekitilgen
Qazaqstan Respýblıkasy Bas prokýratýrasynyń janyndaǵy
Quqyq qorǵaý organdary akademııasynyń qyzmet qaǵıdalary
1. Jalpy erejeler
1. Osy Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynyń qyzmet qaǵıdalary (budan ári – Qaǵıdalar) «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-1-babynyń 3) tarmaqshasyna sáıkes ázirlengen.
2. Qaǵıdalar Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasy (budan ári – Akademııa, oqý orny) qyzmetiniń tártibin aıqyndaıdy.
3. Akademııanyń negizgi mindetteri:
1) quqyq qorǵaý organdary qyzmetkerleriniń, onyń ishinde Qazaqstan Respýblıkasy quqyq qorǵaý organdarynda Prezıdenttik rezervte turǵan basshylardyń kásibı deńgeıin arttyrý;
2) quqyq qorǵaý qyzmeti salasyndaǵy vedomstvoaralyq ǵylymı zertteýlerdi úılestirý jáne júrgizý;
3) joǵary oqý ornynan keıingi bilim berý baǵdarlamalaryn iske asyrý.
4. Akademııa óz qyzmetin Qazaqstan Respýblıkasynyń Konstıtýsııasyna, bilim berý jáne ǵylym qyzmetin retteıtin «Bilim týraly», «Ǵylym týraly» Qazaqstan Respýblıkasynyń Zańdaryna, sondaı-aq osy Qaǵıdalar men Akademııa jarǵysyna sáıkes júzege asyrady.
5. Akademııa joǵary oqý ornynan keıingi bilim berýdiń oqý baǵdarlamalaryn Qazaqstan Respýblıkasynyń qoldanystaǵy zańnamasyna sáıkes berilgen lısenzııanyń negizinde júzege asyrady.
2. Akademııa qyzmetiniń tártibi
6. Akademııany basqarý osy Qaǵıdalarǵa jáne Akademııa jarǵysyna sáıkes júzege asyrylady.
7. Akademııany tikeleı basqarýdy Qazaqstan Respýblıkasy Bas Prokýrorynyń usynysy boıynsha Qazaqstan Respýblıkasynyń Prezıdentimen qyzmetke taǵaıyndalatyn Rektor júzege asyrady.
8. Akademııa Rektorynyń Qazaqstan Respýblıkasynyń quqyq qorǵaý organdarynda kadr saıasaty máseleleri jónindegi Qazaqstan Respýblıkasynyń Prezıdenti janyndaǵy Komıssııanyń kelisimimen Qazaqstan Respýblıkasynyń Bas Prokýrory taǵaıyndaıtyn orynbasarlary: birinshi prorektor jáne prorektorlary bolady.
9. Rektor Akademııa atynan senimhatsyz áreket etedi, barlyq memlekettik organdarda jáne mekemelerde, basqa uıymdarda onyń múddesine ókildik etedi.
10. Akademııada alqalyq basqarý organdary qurylady:
1) Akademııanyń ǵylymı-ádistemelik keńesi;
2) Akademııanyń ǵylymı keńesi;
3) Akademııanyń oqý-ádistemelik keńesi;
4) Akademııanyń ǵylymı-zertteý jáne redaksııalyq-baspa keńesi.
11. Akademııa Rektorynyń buıryǵymen ózge de alqalyq jáne konsýltatıvti-keńestik organdar qurýǵa múmkindik beriledi.
12. Ǵylymı-ádistemelik keńesti qospaǵanda, alqalyq basqarý organdarynyń qyzmetin, quramy men músheleriniń sanyn Akademııa ózi anyqtaıdy.
13. Akademııa qurylymyn jáne shtattyq kestesin Qazaqstan Respýblıkasynyń Bas Prokýrory bekitedi.
14. Akademııa óziniń qurylymdyq bólimsheleri týraly erejelerin derbes ázirleıdi jáne bekitedi, onda olardyń qyzmetiniń negizgi baǵyttary aıqyndalady.
15. Akademııa jumyskerleriniń (qyzmetkerlerdiń, ákimshilik memlekettik qyzmetshilerdiń jáne eńbek sharty boıynsha jumyskerlerdiń) laýazymdyq nusqaýlyqtaryn derbes ázirleıdi jáne bekitedi, onda olardyń ókilettikteri men jaýapkershilikteri aıqyndalady.
Akademııada laýazymǵa taǵaıyndaý jáne bosatý, laýazymdarǵa ornalastyrý, jumysqa qabyldaý, jumystan bosatý jáne eńbek shartyn buzý Qazaqstan Respýblıkasy zańnamasynda belgilengen tártippen júzege asyrylady.
16. Akademııa quramyna: Kásibı deńgeıdi arttyrý ınstıtýty (budan ári - KDAI), Vedomstvoaralyq ǵylymı-zertteý ınstıtýty (budan ári - VǴZI), Joǵary oqý ornynan keıingi bilim berý ınstıtýty (budan ári - JOOKBI) jáne derbes qurylymdyq bólimsheler kiredi.
17. Instıtýt qyzmetin basqarýdy Qazaqstan Respýblıkasy Bas Prokýrorynyń kelisimi boıynsha Rektordyń buıryǵymen taǵaıyndalatyn jáne bosatylatyn dırektor júzege asyrady.
18. Kafedralar, ortalyqtar, basqarmalar Akademııa ınstıtýttarynyń qurylymdyq bólimsheleri bolyp tabylady.
Kafedra bir nemese birneshe mándes pánder boıynsha oqý, ádistemelik jáne ǵylymı-zertteý jumysyn, bilim alýshylar arasynda tárbıe jumysyn júzege asyratyn Akademııanyń oqý-ǵylymı qurylymdyq bólimshesi bolyp tabylady.
Kafedra shtaty oqý prosesiniń ereksheligin eskere otyryp aıqyndalady.
Kafedra shtatyna kafedranyń meńgerýshisi, professorlar, dosentter, aǵa oqytýshylar, oqytýshylar, oqý-kómekshi personal kiredi.
Kafedrany kandıdatýrasy belgilengen biliktilik talaptaryna sáıkes kelýge tıis meńgerýshi «Qazaqstan Respýblıkasynyń prokýratýra organdary, vedomstvolary men mekemeleri qyzmetkerleriniń laýazymdary úshin biliktilik talaptaryn bekitý týraly» Qazaqstan Respýblıkasy Bas Prokýrorynyń 2016 jylǵy 5 aqpandaǵy № 27 buıryǵyna sáıkes basqarady. (Normatıvtik quqyqtyq aktilerdiń memlekettik tirkeý reestrinde № 13510 tirkegen).
19. Akademııanyń ınstıtýttary jáne derbes qurylymdyq bólimsheleriniń qyzmetin uıymdastyrý Akademııa jarǵysyna, osy Qaǵıdalar jáne Akademııa jumys josparlaryna, sondaı-aq jumyskerlerdiń qyzmettik mindetterine sáıkes júzege asyrady.
20. Akademııanyń ınstıtýttary jáne derbes qurylymdyq bólimsheleriniń qyzmetteri ózara almasý, esep berý, josparlaý, jedel-qyzmettik qyzmetteri máselelerin sheshýdegi birizdi úılesim, olardyń aldyna qoıylǵan mindetterdi oryndaýyndaǵy jumyskerlerdiń jeke jaýapkershiligi negizinde júzege asyrylady.
21. Akademııalyq lek jáne toptyń tolyqtyǵy jyl saıynǵy memlekettik bilim berý tapsyrysymen aıqyndalady.
22. Bilim alýshylardyń quqyqtary men mindetteri Akademııa jarǵysymen belgilenedi.
23. Bilim alýshylardyń tártibin qamtamasyz etý jáne nyǵaıtý maqsatynda Akademııa Rektorymen tártiptik jazalaý sharalary qoldanylady.
3. Akademııanyń bilim berý qyzmetin uıymdastyrý:
24. Akademııanyń bilim berý qyzmetiniń túrleri:
1) qosymsha bilim;
2) joǵary oqý ornynan keıingi bilim.
25. KDAI-da qosymsha bilim berý qyzmetiniń kelesi túrleri iske asyrylady:
1) Prezıdenttik rezervte turǵan Qazaqstan Respýblıkasy quqyq qorǵaý organdarynyń basshylyǵy qyzmetkerlerin kásibı qaıta daıarlaý jáne biliktilikterin arttyrý;
2) Qazaqstan Respýblıkasy quqyq qorǵaý organdarynyń qyzmetkerlerin kásibı qaıta daıarlaý jáne biliktilikterin arttyrý;
3) Qazaqstan Respýblıkasy quqyq qorǵaý organdarynyń qyzmetkerlerin kásibı daıarlaý.
Akademııadaǵy quqyq qorǵaý organdary qyzmetkerleriniń kásibı daıarlyǵy, qaıta daıarlaý jáne biliktilikti arttyrý tártibi Qazaqstan Respýblıkasynyń zańnamasymen belgilengen.
26. Kásibı daıarlyq, qaıta daıarlaý jáne biliktilikti arttyrý kezinde KDAI bilim alýshylary (tyńdaýshylar) Akademııa jataqhanasynda turady jáne onyń aýmaǵy sheginde bolady.
Oqý ornynyń aýmaǵy sheginen shyǵý jáne Akademııa jataqhanasynan tys jerde turý Akademııa Rektorynyń jazbasha ruqsatymen beriledi.
27. Quqyq qorǵaý organdary qyzmetkerleriniń kásibı daıarlyǵy, qaıta daıarlaý jáne biliktilikti arttyrý quqyq qorǵaý organdaryna júktelgen mindetterdi oryndaýǵa, qyzmettik jumysty esepke ala otyryp, qajetti bilim, ıkem men daǵdylaryn boıyna sińirý, tereńdetý jáne keńeıtýdi kózdeıtin uıymdastyrýshylyq, oqý is-sharalarynyń júıesin qamtıdy.
28. Quqyq qorǵaý organdary qyzmetkerleriniń kásibı daıarlyǵy, qaıta daıarlaý jáne biliktilikti arttyrý oqý prosesiniń mazmuny quqyq qorǵaý organdarymen kelisilgen tıisti oqý josparlarymen jáne oqý baǵdarlamalarymen aıqyndalady.
29. KDAI-dyń oqý-ádistemelik jumysyna:
1) quqyq qorǵaý organdary qyzmetkerleriniń arnaıy alǵashqy oqytý kýrstary, biliktilikti arttyrý jáne qaıta daıarlaý, quqyq qorǵaý organdary basshylyǵynyń Prezıdenttik rezervin daıarlaýdaǵy oqý prosesi nátıjesin jınaqtaý jáne taldaý;
2) KDAI qyzmeti tájirıbesin jınaqtaý, jetildirý boıynsha usynystar engizý, uıymdastyrýshylyq-analıtıkalyq jáne oqý-ádistemelik jumystyń ınnovasııalyq formalary men ádisterin engizý;
3) KDAI-dyń shtattyq qyzmetkerlerimen qatar, jetekshi ǵalymdar, sarapshylardy, quqyq qorǵaý jáne memlekettik organdarynyń, sonyń qatar sheteldik praktıka qyzmetshilerin oqý sabaqtaryn ótkizýge tartý;
4) oqý prosesin uıymdastyrý, oqý josparlary men baǵdarlamalaryn ázirleý jáne bekitý;
5) jumys josparlaryna sáıkes oqý sabaqtaryn ótkizýdi úılestirý;
6) bilim alýshylardyń ózdik jumysyn uıymdastyrý jáne oqý-ádistemelik qamtamasyz etý;
7) quqyq qorǵaý organdary qyzmetkerlerine oqytý is-sharalaryn (semınarlar, konferensııalar, «dóńgelek ústelder», trenıngter) uıymdastyrý jáne ótkizý;
8) bilim berý jáne oqý-ádistemelik qyzmetin iske asyrýda ǵylymı, bilim berý, mamandandyrylǵan uıymdar jáne mekemelermen jasalǵan kelisimderdiń aıasynda memlekettik jáne quqyq qorǵaý, sonyń ishinde halyqaralyq organdarmen yntymaqtastyq jáne ózara áreket etý kiredi.
30. KDAI-da oqytýdyń qashyqtyqtan bilim berý tehnologııalaryn qosymsha bilim berý kezinde paıdalanýǵa ruqsat etiledi.
31. Joǵary oqý ornynan keıingi bilimi bar kadrlardy daıarlaý JOOKBI-da oqytýdyń kúndizgi nysany boıynsha júzege asyrylady.
32. Akademııaǵa oqýǵa qabyldaý «Joǵary oqý ornynan keıingi bilim berýdiń kásibı oqý baǵdarlamalaryn iske asyratyn Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasyna Oqýǵa qabyldaý erejelerin bekitý týraly» Qazaqstan Respýblıkasy Bas prokýrorynyń 2015 jylǵy 13 tamyzdaǵy № 101 buıryǵyna sáıkes júzege asyrylady. (Normatıvtik quqyqtyq aktilerdiń memlekettik tirkeý reestrinde № 12000 tirkegen).
33. JOOKBI-dyń oqý-ádistemelik jumysy joǵary oqý ornynan keıingi jáne qosymsha bilim berý baǵdarlamalarymen oqý prosesin iske asyratyn jáne úılestiretin kafedralarmen júzege asyrylady.
34. Joǵary oqý ornynan keıingi bilim berý baǵdarlamalary boıynsha oqý prosesin uıymdastyrý úshin kredıttik oqytý tehnologııasy qoldanylady.
35. Akademııada oqý jumysynyń mynadaı túrleri belgilenedi: dárister, semınar (praktıkalyq) sabaqtar, konsýltasııalar, oqytýshynyń basshylyǵymen ótkiziletin bilim alýshylardyń ózindik jumysy, praktıkýmdar, kásiptik praktıkalar jáne taǵylymdama, magıstranttar jáne doktoranttardyń dıssertasııalyq zertteýlerine ǵylymı jetekshi, bilim alýshylardyń úlgerimine aǵymdaǵy baqylaý, aralyq jáne qorytyndy attestattaý júrgizý jáne daıyndaý.
36. Dáris sabaqtaryn ótkizýge, magıstranttar jáne doktoranttardyń dıssertasııalyq zertteýlerine ǵylymı jetekshilik etýge Rektor, prorektor, ınstıtýt dırektory, ınstıtýt dırektorynyń orynbasary, kafedra meńgerýshisi, professor, dosent, aǵa oqytýshy, oqytýshy laýazymdaryn atqaratyn qyzmetkerler jiberiledi.
Sonymen qatar, dárister jáne/nemese basqa oqý sabaqtarynyń túrlerin ótkizýge ǵylymı qyzmetkerler, mamandyq beıini boıynsha keminde 3 jyldan kem emes praktıkalyq jumys ótili bar mamandardy tartýǵa jol beriledi.
37. Bilim alýshylardyń bilim berýdiń joǵary oqý ornynan keıingi jáne qosymsha bilim baǵdarlamalaryn meńgerýi úshin barynsha qolaıly jaǵdaılar jasaı otyryp, Akademııa oqytý nysandaryn, ádisteri men quraldaryn derbes anyqtaıdy.
38. Akademııanyń JOOKBI POQ jáne KDAI qyzmetkerleri oqý josparlary men oqý baǵdarlamalarynyń talaptaryn saqtaý shartymen, oqý sabaqtaryn uıymdastyrý men ótkizý tásilderi men nysandaryn, oqytý ádisterin tańdaý erkindigine ıe.
39. Joǵary oqý ornynan keıingi bilim berýdiń bilim baǵdarlamalary pánderdiń eki sıklyn qamtıdy: bazalyq pánder sıkly jáne beıindik pánder sıkly, sondaı-aq oqytýdyń qosymsha túrleri jáne qorytyndy attestattaý.
Ár sıkl tizbesi men mazmuny úlgilik oqý josparlarynda jáne tıptik oqý baǵdarlamalarynda anyqtalatyn mindetti komponent pánderinen, sondaı-aq tizbesi men mazmuny jumystyq oqý josparlarynda, jumystyq oqý baǵdarlamalarynda aıqyndalatyn pánderden turady.
Árbir pán bir akademııalyq kezeń ishinde oqytylady.
40. Akademııa bilim alýshylardyń aǵymdaǵy jáne mejelik úlgerimin baqylaý jáne aralyq attestattaýdan ótkizý nysandaryn, tártibi men merzimdiligin derbes tańdaıdy.
41. Oqý-ádistemelik jumysyn uıymdastyrýǵa jaýapty qurylym bilim alýshylardy oqý pánderine tirkeýdi iske asyrady, akademııalyq toptar men aǵymdardy qalyptastyrady, meńgerilgen kredıtterdi esepke alýdy, aralyq jáne qorytyndy attestattaýdy uıymdastyryp, ótkizedi, bilim alýshylardyń transkrıptisin esepke alady, Akademııadaǵy bilim alýshylardyń oqý jetistikteriniń búkil tarıhyn júrgizedi.
42. KDAI-da oqý prosesin qamtamasyz etý maqsatynda oqý zerthanalary qurylady.
43. Bilim alýshylardyń bilimin baǵalaý úshin Akademııada bilim alýshylardyń bilimin baqylaý men baǵalaý júıesi jumys isteıdi.
Akademııada bilim alýshylardyń oqý jetistikterin baqylaý júıesi túrli nysandardy qamtıdy: kiris jáne shyǵys baqylaý, úlgerimniń aǵymdaǵy baqylaýy, aralyq attestattaý jáne qorytyndy attestattaý.
44. KDAI-daǵy kiris baqylaý bilim alýshylardyń kýrstan ótý aldyndaǵy, shyǵys – kýrsty aıaqtaǵan soń kásibı quzyrettilik deńgeıin anyqtaý maqsatynda júrgiziledi.
45. Akademııanyń tárbıe qyzmeti oqý prosesiniń quramdas bóligi bolyp tabylady jáne tulǵanyń otanshyldyq, adamgershilik, áleýmettik, zııatkerlik, kásibı, shyǵarmashylyq qasıetteri men salaýatty ómir saltyn qalyptastyrýǵa baǵyttalǵan.
46. Akademııanyń tárbıe jumysy mynalardy qamtıdy:
1) bilim alýshylardyń boıynda patrıotızm, azamattylyq, ınternasıonalızm, joǵary moral men adamgershilikti qalyptastyrý;
2) bilim alýshylardyń boıynda óz betinshe jáne bilikti túrde sheshimder qabyldaý men biliktilikti júzege asyrý ıkemdilikterin qalyptastyrý;
3) bilim alýshylardy salaýatty ómir saltyna, qoǵamdyq is-sharalarǵa belsendi qatysýǵa yntalandyrý;
4) bilim alýshylardyń oı-órisin keńeıtýge, óziniń mamandyǵyna qundylyq qatynasty qalyptastyrýǵa yqpal etetin taqyryptyq is-sharalar ótkizý;
5) bilim alýshylardyń sybaılas jemqorlyqqa qarsy minez-qulqyn qalyptastyrý;
6) bilim alýshylardyń boıynda quqyqtyq sana jáne quqyqtyq mádenıetti damytý.
4. Akademııanyń ǵylymı-zertteý jáne halyqaralyq qyzmeti
47. Akademııada quqyq qorǵaý organdarynyń qyzmetindegi irgeli jáne qoldanbaly vedomstvoaralyq ǵylymı-zertteý máselelerin uıymdastyrý, úılestirý jáne júrgizý boıynsha, sondaı-aq vedomstvolyq ǵylymı mekemelermen jáne quqyq qorǵaý organdarynyń bilim berý uıymdarynda ótkiziletin ǵylymı zertteýlerdiń monıtorıngin belgilengen ókilettikter sheginde jáne ózine júktelgen qyzmetterin júzege asyratyn, Akademııanyń derbes ǵylymı-zertteý qurylymdyq bólimshesi óz betinshe jumys isteıdi – VǴZI.
48. Ǵylymı-zertteý qyzmeti bilim men ǵylymnyń yqpaldasýyn qamtamasyz etýge, osy negizde ǵylymı-bilim berý prosesin, básekege qabiletti ǵylymı-zertteý jáne ınnovasııalyq qyzmetti ulttyq ınnovasııalyq júıeniń nátıjeliligi men tıimdiliginiń mańyzdy elementi retinde damytýǵa baǵyttalǵan.
49. Ǵylymı-zertteý jumystaryn (irgeli, izdengishtik, qoldanbaly ǵylymı zertteýler) jáne quqyq qorǵaýmen basqa da memlekettik organdardyń qyzmetine jáne normashyǵarmashylyqqa olardyń nátıjelerin engizý Akademııanyń VǴZI júzege asyrylady.
50. Akademııanyń halyqaralyq qyzmeti jetekshi sheteldik ýnıversıtettermen jáne uıymdarmen yntymaqtastyq jasaý baǵdarlamasynyń, halyqaralyq bilim berý baǵdarlamalary men jobalaryn iske asyrý, birlesken ǵylymı-zertteý qyzmetin júzege asyrý, ǵylymı-praktıkalyq semınarlar men konferensııalar uıymdastyrý, ǵylymı-oqytýshylyq kadrlarmen almasý jáne bilim alýshylarmen utqyrlyqty damytý sheńberinde júzege asyrylady.
5. Akademııa qyzmetin aqparattyq jáne materıaldyq-tehnıkalyq qamtamasyz etý
51. Akademııanyń aqparattyq resýrstarmen qamtamasyz etilýi bilim berý jáne ǵylymı-zertteý qyzmetin júzege asyrýdyń mindetti sharty bolyp tabylady.
52. Akademııanyń aqparattyq resýrstary qalyptastyrylǵan ıdeıalar men bilimderdi, ártúrli derekterdi, olardyń jınaý ádisteri men quraldaryn, aqparat kózderi men tutynýshylary arasyndaǵy saqtaý men almasýdy bildiredi.
53. Aqparattyq resýrstar kez-kelgen tasymaldaǵyshtaǵy bilim berý baǵytyndaǵy (basqarýshylyq, oqý, ǵylymı, oqý-ádistemelik) tolyq mátindik, faktografııalyq jáne bıblıografııalyq derekter bazasyn; anyqtamalyq-izdestirý júıelerin; onyń ishinde dástúrli jáne elektrondy kitaphanalyq katalogtar men kartotekalardy; jergilikti qoljetimdiliktegi elektrondy resýrstardy; bilim berýshi aqparatty jasaýdy, saqtaýdy jáne paıdalanýdy qamtamasyz etetin baǵdarlamalyq quraldardy; aqparatty taratý arnalaryn; bilim berý maqsatty retinde paıdalanylatyn kommýnıkasııa quraldaryn qamtıdy.
54. Kitaphana qory aqparattyq resýrstardyń quramdas bóligi bolyp tabylady jáne oqý, oqý-ádistemelik jáne ǵylymı ádebıetti, sondaı-aq normatıvtik quqyqtyq aktilerdi qamtıdy.
55. Joǵary oqý ornynan keıingi bilim berý baǵdarlamalaryn iske asyrý bilim alýshylardyń elektrondy kitaphanalarda ornalastyratyn halyqaralyq derekkózderdi qosa alǵanda, kitaphana qoryna, kompıýterlik tehnologııalarǵa, oqý-ádistemelik jáne ǵylymı ádebıetke, oqý, ǵylymı, aqparattyq derekter bazasyna, erkin qol jetkizýmen qamtamasyz etiledi.
56. Akademııa kitaphanasynyń ǵylymı qory mamandardy daıarlaý baǵyttary men mamandyqtaryna zertteý salasyn qamtıtyn monografııalyq, ǵylymı jáne ǵylymı-óndiristik sıpattaǵy kitaptar tizbesin qamtıdy.
Ǵylymı qorǵa sondaı-aq ensıklopedııalar, sózdikter, anyqtamalyqtar, túsiniktemeler, baǵdarlama boıynsha oqytylatyn ádebı shyǵarmalar, normatıvtik quqyqtyq aktiler, merzimdi basylymdar, onyń ishinde bilim berý uıymdarynyń habarshylary, ǵylymı eńbekterdiń, oqytý beıinine sáıkes keletin halyqaralyq konferensııalardyń jınaqtary kiredi.
57. Akademııanyń oqý ádebıeti basylymdaryn: oqýlyqtar, oqý quraldaryn, oqý-ádistemelik quraldardy jáne oqý pánderin oqytý, ıgerý, oqý jumystarynyń jekelegen túrlerin oryndaý boıynsha basqa da oqý basylymdary qamtıdy.
58. Akademııadaǵy oqý-ǵylymı aqparattyq aktıvterin jınaý, jınaqtaý, saqtaý, shyǵarý prosesteri Akademııada ózdiginen júzege asyrylady.
59. Akademııada oqý sabaqtaryn júrgizý jáne basqa bilim berý sharalary úshin qajetti aýdıtorııalyq bazalar, oqý kabınetteri, sport zaldary, polıgondar men basqa da úı-jaılar ornalasady.
Buıryq Qazaqstan Respýblıkasynyń Ádilet mınıstrliginde 2016 jylǵy 29 sáýir Normatıvtik quqyqtyq kesimderdi memlekettik tirkeýdiń tizilimine №13653 bolyp engizildi.