«Aqtady eldiń tilegin»

Memleket basshysynyń atyna elimizdiń ár aımaǵynda turatyn azamattardan qoldaý bildirip, izgi tilekterin arnaǵan hattar legi tolassyz kelýde, dep habarlady Qazaqstan Respýblıkasy Prezıdentiniń baspasóz qyzmeti. «Sizdiń aman-esen bolýy­ńyz­dy tileı otyryp, elimizdi bıik belesterden kórsete bere­ti­nińizge senim bildiremiz», – dep jazady Temirtaý qalasyndaǵy metallýrgterdiń aty­nan hat jol­daǵan Qanat Qarısov. Haty­nyń sońynda ol Elbasyna zor den­saýlyq, mol kúsh-qaırat tileıdi. Pavlodar oblysy Ertis aýda­nyna qarasty Ertis aýylynda tu­ratyn zeınetker, uzaq jyl ustazdyq etken Maǵafırýz Salıhzıanova: «Ota­nymyzdy dana­lyq saıasaty­ńyz­ben Siz basqa­ryp turǵanda, bolashaǵymyz jar­qyn, elimizde beıbitshilik bo­latynyna, halqymyzdyń ál-aýqatynyń jaqsara beretinine kámil senemiz», – deı kele jú­rek­jardy jyr joldaryn ar­naıdy. Sonymen qatar, Jambyl ob­lysy Shý aýdanyndaǵy Tólebı aýylynyń turǵyndary Tal­ǵat jáne Álıhan Seıtimbetovter de óleńmen órnektelgen ıgi nıetterin bildiredi. Al Almaty oblysy Ile aýda­nynan hat jazǵan Qaban­baı Quma­qaı­uly Memleket bas­shysyna arnap aq qaǵazǵa tú­sirgen jyr joldaryn jol­daı­dy. «Sybanǵan túrip bilegin, Elim dep soqqan júregi, Nur­sultandaı er týyp, Aqtady eldiń tilegin», – dep jazǵan hat ıesi.