Keńeıtilgen Májilis Joldaýǵa arnaldy

16 aqpan kúni  partııanyń Ortalyq apparatynda «Nur Otan» HDP frak­sııasynyń  «Qazaqstan Respýblıkasynyń Prezıdenti Nursultan Nazarbaevtyń 2011 jylǵy 28 qańtardaǵy «Bola­shaq­tyń irgesin birge qalaımyz» atty Qazaq­stan halqyna Jol­daý­yn­da alǵa qoıǵan mindetteri jáne «Nur Otan» halyqtyq-dem­o­kra­tııa­lyq partııasynyń 2011 jylǵy 11 aqpandaǵy XIII seziniń sheshimderi men 2011-2013 jyldarǵa arnalǵan respýblıkalyq bıýdjetke ózgerister men tolyqtyrýlar engizý máselesi boıynsha «Nur Otan» partııasynyń Májilistegi fraksııasynyń keńeı­tilgen jınalysy ótti. Atalǵan másele jóninde Premer-Mınıstr Kárim  Másimov alqa májili­sin­de elimizdiń basty qarjy­lyq quja­ty­nyń negizgi parametrleri men kiris-shy­ǵys bóli­gin­degi basym­dyq­tar týraly baıandap berdi. «Eko­nomıka damýy­nyń ja­ǵymdy sıpatta qalyp­ta­sýy, energore­sýrs­tarǵa, me­talǵa álemdik baǵanyń tu­raqtanyp, jo­ǵa­rylaýy bıýdjettiń kiris bóligin 290 mlrd. teńgege ulǵaıtýǵa septigin tıgizip otyr. Bul 290 mlrd. teńgeni biz 2011 jylǵy bıýdjette naqtylaı oty­ryp, barlyq qabyl­dan­ǵan baǵdar­lama­lar­dyń qysqa merzimde jumys isteýin qamta­masyz ete alamyz», – dedi Premer-Mınıstr sóz qorytyn­dy­syn­da. Sonymen birge, Úkimet bas­shy­sy «El­basynyń júktegen tap­syrmasyn túgeli­men qamtyp, baǵ­darlama  qa­byl­dadyq. Al ondaı baǵdarlamanyń jedel júzege asýy basty qarjy qu­jatyna táýel­di. Par­la­menttiń qa­byl­­daýy­na oraı, atqarý­shy bılik naýryz aıynan bastap-aq barlyq qol­danystaǵy baǵdarlamalardy jú­zege asyrýǵa nıetti», – dedi. О́z sózinde partııa Tóraǵasynyń birinshi orynbasary Nurlan Nyǵ­ma­týlın: «Búgingi memlekettik bıýdjetke engizilip otyrǵan ózgerister El­basymyz, partııa­myz­dyń Tóraǵasy Nursultan Nazarbaev­tyń bıylǵy Joldaýynda, partııamyzdyń XIII sezinde aıtylǵan jańa maqsattar­dy júzege asyrýǵa, bastalǵan isti odan ári jalǵastyrýǵa, basqa da baǵdarla­ma­lardy oryndaýǵa zor múmkindik beretin bolady. Onyń ishinde bilim berý, den­saý­lyq saqtaý, turǵyn úı, aýyl sharýa­shy­lyǵy, shaǵyn jáne orta bıznesti damytý, jastar saıasaty sııaqty basqa da halyqqa qajetti máseleler tolyqtaı qaraldy deý­ge bolady», – dedi. Jıynda Ulttyq bank tór­aǵasy         G.Mar­chenko, Qarjy mınıstri B.Já­mi­shev, Eńbek jáne ha­lyqty áleý­met­tik qorǵaý mınıstri G.Ábdiqalyqova, Qury­lys jáne turǵyn úı-kom­mý­naldyq sha­rýashy­lyq isteri agent­ti­giniń tóraǵasy S.Nokın,  «QazAgro» Ulttyq basqarý­shy holdıngi»  AQ  basqarma   tóraǵasy A.Ma­myt­bekov baıan­dama jasady. Basqosýda Májilistegi Áleý­mettik-mádenı damý komıtetiniń tóraıymy Dınar Nóketaeva, Qar­jy jáne bıýdjet ko­mıtetiniń mú­shesi Quttyqoja Ydyry­sov, Eko­logııa máseleleri jáne tabıǵat paıdalaný komıtetiniń múshesi Vıktor Kııanskıı,  Áleýmettik-mádenı damý komıtetiniń múshesi Svetlana Verho  óz oılaryn ortaǵa saldy. Jınalystyń qorytyndylary boı­yn­sha, «Nur Otan» HDP frak­sııasynyń respýblıkalyq bıýdjetke engizip otyr­ǵan naq­ty­laýlary jaıynda  sheshim qabyl­dandy. Otyrysqa «Nur Otan» HDP Máji­listegi frak­sııasynyń tóraǵasy Oral Muhamedjanov, Parlament depý­tatta­ry, Úkimet músheleri, Prezıdent Ákim­shiligi men Premer-Mınıstr Keńsesi­niń ókil­deri, birqatar memlekettik organdar­dyń basshylary qatysty.