Saýd Arabııasy Koroldiginde Prezıdent N.Á.Nazarbaevtyń «Bolashaqtyń irgesin birge qalaımyz» atty halyqqa Joldaýy arab tilinde jaryqqa shyqty. Er-Rııadtaǵy Qazaqstan Elshiliginiń basyp shyǵarǵan atalmysh broshıýrasy aldyńǵy qatarly arab elderiniń resmı, ǵylymı jáne isker top ókilderine elimizdiń bolashaqqa arnalǵan syrtqy jáne ishki saıası baǵyttarymen tanysýǵa múmkindik beredi.
Saýdııadaǵy Qazaqstan elshisi Qaırat Lama Sharıf Saýd Arabııasy, Kýveıt jáne Bahreın mınıstrleriniń, parlamentteri depýtattarynyń, buqaralyq aqparat quraldarynyń bas redaktorlary men saraptamalyq ortalyq basshylarynyń atyna broshıýramen birge joldaǵan ilespe hatynda: «Prezıdentti halyq saılaǵandyǵyn jáne Elbasynyń halyqqa Joldaýy qazirgi túıtkil máselelerdi kórsetip qana qoımaı, sonymen qatar olardyń strategııalyq sheshilý joldaryn aıqyndap berdi», dep atap kórsetken. О́ıtkeni, memlekettik saıasattyń ózi Prezıdent qoıǵan mindetterdi júzege asyrý aıasynda atqarylýda. Elbasynyń Joldaýynda, eń bastysy, memleket pen qoǵamnyń qysqa jáne uzaq merzimge arnalǵan jalpylama damý tujyrymdamasy belgilengen.
Elshi óz quzyreti aıasynda arab elderiniń joǵary laýazymdy tulǵalarymen bolǵan dıplomatııalyq hat almasýynda Qazaqstannyń Islam Konferensııasy Uıymyna tóraǵalyǵy ústimizdegi jylǵy elimizdiń syrtqy saıasatynyń basty baǵyttarynyń biri bolatynyn atap ótken. Elimizdiń bedeldi halyqaralyq musylman uıymyna tóraǵalyǵy Qazaqstan táýelsizdiginiń 20 jyldyq mereıtoıymen tuspa-tus kelip otyr.
«Egemen-aqparat».